Jowẹlị 2:3 - FỊAFỊA BAỊBỤLỤ

³ Ini ịna tọrọkọ-jụ sime ye goyegoye gulugulumarị, gbala fịnị ọkụ; ịna ọḅụjụ ḅụ, in ye goyegoye ḅaa-famarị; Ịna tọrọkọ-jụ ḅụ, amakiri mẹ Ideni Ḍụọ iḅi ḅara iḅim, kụma ịna ọḅụjụ ḅụ, gbọrụ piri sọ ofori ḅẹ ịkpa kịkarị. Ịna atọrụ gbarịarị gberie-sọ ofori.

Jowẹlị 2:3 Iomraidhean Croise

Suku-saakị 13:10

Tẹ Lọtị nwẹnị ori atọrụngbọ saakị tẹ ẹrị mịnẹ Jodanị tụndụ ogboku mẹ anga mamgba ḅụ minji iḅiọkụ sara yọkọ-yọkọ wararị, anị KỊNỊNYANAḄỌ ḅe ḍụọ mẹ ḅio sime-ḅara pembe ḅara, Ijiputi ama mẹ ḅụ Zoha da-mu pakịrị mẹ sime-ḅara; miemẹ anie tẹrẹmẹ KỊNỊNYANAḄỌ ḅe Sọdọmụ na, Gomora na ḅaa guluguluma fama sakị la.

Suku-saakị 2:8

Anịtẹso KỊNỊNYANA-TAMỤNỌ ḅe nwẹnị ini Ideni kẹ sịn anga ḅụ gbọrụ ḍụọ ḍiḅi ịrụa-saakịarị-anga mẹ ḅụ, tẹ anịanga mie ori ọ̀ tẹmẹ tomḅọ ḅe kẹ koroma ye.

Devidi-Anume 50:3

Wamịna Tamụnọ ḅe ḅoarị, kụma yaụ-sime ḅara-a; ọ̀ tọrọkọ orumo ḍụrụkụma ḅoarị, opu erise ọ̀ gbaịn tẹ ori na ḅoarị.

Devidi-Anume 97:3

Fịnị ọ̀ tọrọkọ kọrị ma muarị tẹ si kẹ ọ̀ tọn tẹ ori ikelema wararị apụ ma dọkịmarị.

Paka-so 10:15

Kẹ gotẹ ọkọ ḅẹẹarị, ịn bebe ama mẹ gbaịn-koro tẹ ama mẹ furum, tẹ so-pakarị asịn mamgba na, sịnmgbọlụ tẹ so-aḍụḅarị ma ḅaa kọnma opu asịn ma ḅụ ḅẹ aị mamgba fị famam; mie kụma eleleinda tọrụ sụa ye ḅụ ḅẹ gberie-sọ kirikọn-a, opu asịn-o, piri mẹ ḅio sime asịn ma sọ, bebe Ijiputi ama mẹmgba ikelema-koro ḅụ.

Paka-so 10:5

anịsakị in kiri mẹ gbaịn ḅa, tẹ mịẹtẹ gbọrụḅọ-sọ tọrụngbọ kẹ kiri mẹ ẹrị ḅịa; tẹ so-aḍụḅarị ma guluguluma kọnma aị ma fị fama ḅa, anịsakị sime ọ́ pịrị opu sịn goyegoye tẹ ọmịna piri-ḅio so-paka ye goyegoye ịn fị ḅa.

Ayịzaya 14:17

Ḅie opu ama ma kan guluguluma tẹ tomikiri mẹ kẹ ịkpa mịẹ tomḅọ ḅe ori? Ḅie amịna ikoliapụ ḅụ ḅara sin-sin-a, anịanịa ḍụkụ tẹ in so ama mu mu-a tomḅọ ḅe ori?”

Ayịzaya 15:6

Nimirimu ḅẹ ḍaḅa mẹ samụnọ wararị, anị ikelema wararị osuka ma fịị tẹ. Ịwọ gberie-sọ ofori.

Ayịzaya 33:4

Ịn nyana-aị kịnị arị koro tẹ fọịn soarị.

Ayịzaya 51:3

À sịḅị-jịrị nyana Jeruselemu pịrị ḅa, árị agara ma ḅio angarị apụ ma. Karakaraye árị amakiri mẹ ịkpa sọ tẹẹ sọ, àrị anị kẹ fịlawa ḍụọ mịẹ ḅa, Ideni ḅụ à ḍiḅi ye mẹ kịkaye. Ḍereku na ḅioḅẹlẹ na anị yọ sime ḅa pịkị ịn kẹ ì tokini tẹ ịmịẹtẹ kẹ ị̀ ḅẹẹ ḅarị anume sọ.

Ayịzaya 9:18

Tomi ma si-sịḅịḅio kọrịarị ḅara anie gbala fịnị tẹ nangị na ọmị na piri dọkịmarị ọkụ. Anị kọrịarị ḅara opu-piri ḅio fịnị paka tẹ onwin turee-tureema so, so paka iwo ḅara.

Ayịzaya 9:19

Kụrọ mamgba nyana KỊNỊNYANAḄỌ ḅe ịganịarị ẹrẹsị, Ọ̀ kẹ ori atomi fomuarị ḅara mẹ fịnị kịka tẹ kọrị amakiri mẹ ikelema tẹ tomi ma ḅaa gulugulumarị, ọrụ-tomḅọ-tomḅọ na amịna ḅụụ na.

Jerimaya 5:17

Ini ọ́ ḍụọ ḅio soku ḅo aị na ọmịna afịaị na fị siin ḅa. Ini ọmịna owiapụ-awọmẹ na eremịna-awọmẹ na ḅaa ḅa. Ini ọmịna anana na ja anama ogbo-ogbo ma na ḅaa sara ḅa, tẹ ọmịna kụrọ-asịn ma na figi-asịn ma na sima guluguluma ḅa. Ọ́ kẹ ḅiokpọmarị ọmụ dasịẹma ḅẹ ama ma ini ịna opu ọmụ-ogbo mẹ kẹ arị guluguluma ḅa.

Izikẹlị 36:35

Ọrụḅọ-ọrụḅọ nwẹnị ḅẹẹ ḅa, mịẹ kiri mẹ tẹ gbọrụ sakị ịkpa sọ sime yọ mẹ ḅo Ideni Ḍụọ sọ tẹ ḅara ḍiki, tẹ opu ama ma tẹ ịn kan kiri lamatẹ fọịn tẹ kẹ arị kan ḅara kẹ arị kẹ gbin koroma-so aị ḅo kịnị anga tẹ kẹ kụrọnị ḅara wẹrị tẹ ḅara ḍiki.

Emọsị 7:4

À Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅara ḅo jen ịkịan ẹrịm. Anị ḅio ḅụ arị ori ẹrịm ọ́ tẹlẹma tẹ kọrị-fịnị kẹ ori atomi fomu ḅẹ-yearị. Fịnị mẹ kiri mẹ suku-ḅio simearị opu abajị mẹ dọkịma fama tẹ saakị amakiri mẹ dọkịmarị.

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.

Zẹkaraya 7:14

Erise ḅara ḅụ àrị ini ọfịn so mu ja sịẹ ḅụ angamam. Mị iḅi amakiri mẹ nwẹnị papaa fatẹ gbin koro sime, gbọrụḅọ-sọ anị ḅio anga-a ḅara ḅụ.”