Jowẹlị 2:2 - FỊAFỊA BAỊBỤLỤ

² Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Jowẹlị 2:2 Iomraidhean Croise

Devidi-Anume 10:6

Ori ọ̀ ḅụụ ḅẹẹarị, “Gbala-gbala ye ị̀ na si ḅịa, gbala-gbala ḅụụ-fụka ị̀ la ḅịa.”

Devidi-Anume 97:2

Oḅuto na kanakana na ori ikelema-koro wararị; ọ̀ karakara mịẹ na aḍụa ofori ḅara na kẹ ḅẹrẹtọn-arị.

Paka-so 10:14

Tẹ igurube ma ḅo Ijiputi ama mẹmgba gbaịn, tẹ bebe Ijiputi opu sịẹ mẹmgba ḅụ simem, jene-jene ḍụḅa ọkọ la igurube ogbo gbala-gbala amụ paka-a, pịkị ḅarị gbala-gbala paka ḅịa.

Paka-so 10:6

Anịsakị ini ị́ awarị ma na, ị́ afịrịmẹnjịapụ mamgba awarị na, Ijiputi-ḅẹ-apụ mamgba awarị na ḅio sọ-sọ ḅin ḅa; ị́ aḍapụ, anịanịa í opu aḍapụ ma tomikiri ḅo ene ḅụ ọkị-ḅo mịmgba la ḅụ amụ ẹrị-a ḅara.’ ” Anịtẹso ori ọḅụ pịkị Fero gbin tẹ mẹnjị paka-som.

Paka-so 20:21

Tomi ma ala-jụ ḅụ sịẹsimem, Mozizi nwẹnị sọma Tamụnọ sime-sime furu katapụtẹ kanakana mẹ kpeki tẹ sime.

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Ayịzaya 8:22

anịanịa bio-bioma kiri mẹ ḍiki ḅa, gberie-sọ ini ẹrị ḅịa, kụma ḅụụ-fụka na kanakana na, iḅiọkụ ḅalafamarị kanakana, ini in sukuruma suuarị yọ mẹ.

Jerimaya 13:16

Ọ́ kụn kẹ KỊNỊNYANAḄỌ ọmịna Tamụnọ ḅe pịrị, tẹrẹmẹ ọ̀ kanakana ọkị-ḅo sakị la, tẹ ọmịnị tụndụ ma ọgọnọ ḅụ pụmbụma-pụmbụma; tẹrẹmẹ ori ọ́ tọrụ kẹ ḍikiarị bele mẹ pịkị-ḅo kpọma kpititẹ kanakana sọma.

Jerimaya 13:6

Sakị kẹlẹ ḅọrọtẹ so KỊNỊNYANAḄỌ ḅe ḍuko ị̀ pịrịm à Yuferetisi tọrụ mẹ mu tẹ okolo-kapa mẹ ọkị.

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Izikẹlị 32:7

Àrị í guluguluma sakị à So-tọrụ mẹ gbaịn tẹ lolia ma kọrọrọ-siin fama ḅa. Ịrụa mẹ oḅuto ma ọḅụjụ ḅụụ kikima, tẹ akalụ mẹ ḅarị bele pịrị ḅịa.

Izikẹlị 34:12

anie anana-ḍikiḍikiḅọ kẹ ori anana ḍikiḍikiarị gbọrụ ḅara mẹ, anie gala-gala tẹ ò kobiri ḅo siin gboloma aị ma. Arị ịn kẹ pịkị-ḅo ḅa anị kanakana opu ḅụụ-fụka ene mẹ ḅụ ịn gala-gala mu la anga mamgba ḅụ.

Izikẹlị 38:9

Ori na ori ọmụ-ogbo na, ori na emi tọnwa asịẹ ma na owu kẹ ịn paka ḅarị ḅara erise na oḅuto na kịka tẹ amakiri mẹ gbaịn ḅa.”

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Danẹlị 9:12

Í ḍukom ị́ kẹ wamịnị na wamịna ḅẹrẹtọn-apụ na mịẹ ḅẹ ye mẹ ị́ mịẹm. Tomikiri ḅẹ jen opu ama tẹ ị́ ị́ kẹ Jeruselemu fomu-ḅara fomu ye ofori,

Jowẹlị 1:6

Jen sịẹ owu kẹ wamịna amakiri mẹ paka tẹẹ. Ịn kụrọ nyana wararị tẹ ịn pịkị kpọma ḅakam kịẹn-ḅịḅị ḅụ, ịna aka ma ọkụkụ aka oḅu ḅara oḅuarị, tẹ ịna tọrọkọ ḅẹ aka kịka ye anie ịyọrọ ọkụkụ aka sime-ḅara.

Jowẹlị 2:25

Igurube ogbo ma ó ḍiḅi pakama ḅo aị ma fị siin akụra ma ḅụ ọ́ fama aị ma, à kẹ siin ọ́ pịrị ḅa. Yẹrị anie mị ọmụ-ogbo mẹ kẹ ọ́ fịrịma ye.

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Jowẹlị 2:5

Ịn tụndụ ma ọgọnọ-jụ ḅụ sime tẹ ḍosiarị sakị, ịn kirimẹnjị-ọmụarụ fie ḅara fiearị; ịn poloarị ḅara dọkịmarị osuka ọkụ. Ịn ọgbụrụ-sụn tẹ simearị ḅara opu ọmụ-ogbo tẹ tẹlẹma ọmụ pịrị wararị ye ọkụ.

Jowẹlị 3:4

“Ó tiye kẹ ị̀ mịẹ ḅẹ ḍọkịarị, Taya na, Sayịdọnị na, Filisiteni iri mamgba na? Ọmịnị ị̀ ḅara gbẹẹfị ọkị ḅẹ ḍọkịarị ḅoto? Ọmịnị ọkọ mịẹarị ḅẹḅẹ, yẹrị tarị sarama ọmịna aḅara ḅii ḅa!

Emọsị 4:13

Tamụnọ anie tụndụ ma mịẹ ḅọ ḅe ori pịkị fẹrụ ma tẹmẹm. Ọ̀ mịẹ tẹ tomḅọ ori akụrọ ma nimiarị; ori eneḅaka ḍima ḅo ḍin sọmarị. Kiri mẹ ọgọnọ-jụ ma ḅụ mie ọ́ mẹnjịarị. Mịẹ ori ẹrẹ: KỊNỊNYANA-TAMỤNỌ, Kụrọmamgba Nyanaḅọ!

Zẹfanaya 1:7

KỊNỊNYANAḄỌ ḅe ene mẹ ḅoarị, Tamụnọ ye mịẹ ḅarị ene mẹ; mie ḅụ ọ́ yaụ-sime ọ̀ tọrọkọ ḅụ. KỊNỊNYANAḄỌ ḅe tẹlẹmarị agbamịẹ anama ḅaa ḅara kẹ ori atomi ḅaa ḅa, tẹ ini na fịya-a apụ sịn tẹẹ in ḅo in gulugulumaa.

Zẹkaraya 14:6

Anị ene mẹ ḅụ, oḅoku anịanịa ye oḅoku ḅụ kpoo ḅarị paka ḅịa,

Matiyo 24:21

Kẹ gotẹ ọkọ ḅẹẹarị, anị sakị mẹ ḅụ ḅo ḅarị ḅụụ-fụka mẹ, kẹ anị tọnma ḅẹ ye jen sakị amụ paka-a, tomikiri mẹ bịan saakị kụra-ḅio, ḅo mịmgba ḅẹ eneḅaka mẹ la. Tọrọkọ-jụ sọ anị pembema ye ḅarị pịkị paka ḅịa.

Makị 13:19

Kẹ gotẹ ọkọ ḍukoarị, arị ene ma ḅẹ ḅụụ-fụka mẹ tomikiri mẹ bịan tẹmẹ kụra-ḅio ḅo mịmgba la ḅụ tomi da tẹ ḅụụ-fụka mamgba ḅụ kpọma sii tẹịn ḅa. Anị kịkaye sọ jen sakị, jen sakị ḅarị paka ḅịa.

Ditẹrọnọmị 32:7

Ọmịnị elemu ene ma kẹ ḅiokoromaa, tọnwa aḅụọ ḅọrọtẹ apụ ma ḅẹ akụra ma kẹ ḅiokoromaa; ọmịnị ọmịna ḍaḅọ gbela, anịsakị ọ̀ kẹ ó ḍie ḅa, ọmịna omongiapụ, anịsakị ịn ḍuko ọ́ pịrị ḅaa.

Hiburu 12:18

Ó ḅo la anga mẹ anie elemu sakị Izirẹlịapụ ma mu la Sayịnayị Tụndụ mẹ anị-a. Anie ḅụụ ịnọ ḅẹ aị paka anga mẹ — kọrị-fịnị na, kanakana kpiti so na, erise na,

Judu 1:13

Ịn kịkarị ye, abajị ḅio ḍarịarị ọnụngọ ma tẹ fiko pakamarị aị. Ịna ḅụụ-jịrịma amịẹaị ma anie fiko mẹ. Ịn kịkarị ye, So-tọrụ ikelekelearị alolia, amịna sime-kiri nimi-a apụ, anie Tamụnọ kpiti tẹịn kanakana yọ tẹlẹma pịrị tẹ apụ ma.

Mịẹfinji 9:2

Lolia ḅe nwẹnị ḅọrọ pokolo ideri-mu kunoma la la-a olulu mẹ ḅọkọ mẹ finji, tẹ onwin nwẹnị anị ḅio ọsụma paka-ḅo, opu onwin-somaye ḅio onwin sime tẹ paka-ḅo ḅo ḅara; tẹ ịrụa bele mẹ na, So-tọrụ mẹ na nwẹnị furu kanakana, pokolo ideri-mu kunoma la la-a olulu mẹ ḅio paka-ḅo onwin mẹ ḅụ.