Jowẹlị 2:16 - FỊAFỊA BAỊBỤLỤ

¹⁶ Tomi ma kobiri ḅo gbolomaa, tẹ ịn mịẹ fịafịama kobiri mẹ pịrịị; omongiapụ ma ọkị-ḅoo, awọmẹ ma kobirii, pịkị ḍọkọḍọkọ-awọmẹ sọ. Ịwọma simearị ama-na-ere-na sọ ịna kala-ḅio koroma so tẹ ḅo nyanam.

Jowẹlị 2:16 Iomraidhean Croise

2 Paka-aị 20:13

Mịọkụ Juda ḅẹ owiapụ mamgba ịna ḍọkọḍọkọ-awọmẹ na, ịna sime-ereme na, ịna awọmẹ na kẹ KỊNỊNYANAḄỌ ḅe tọrọkọ sịẹsime wararị.

2 Paka-aị 29:5

tẹ in ḅẹẹm, “Livayị furo-ḅẹ-apụ, ọmịnị ì pokii! Mịọkụ ọmịnị ọmịna ḅụụ mịẹ fịafịamaa, tẹ KỊNỊNYANAḄỌ ọmịna ḍapụ ma Tamụnọ ḅe warị mẹ mịẹ fịafịamaa, tẹ fịafịa yọ mẹ ḅụ muno-muno-muno aị ma dogi pakamaa.

2 Paka-aị 30:17

Kẹ gotẹ ọkọ ḅẹẹarị, amụ amịna ḅụụ mịẹ fịafịama-a tọnwa-apụ kobiri-ogbo mẹ ḅio emi; anịẹrẹsị Livayị furo-ḅẹ-apụ ma nwẹnị Saḅaḅọrọ-Alalị asambịrịma anana ḅe ḅaa fịafịa-aḅọ goḅọ-goḅọ pịrị, mịẹ tẹ anị fịafịa KỊNỊNYANAḄỌ ḅe pịrị ḅẹ ḅara.

2 Paka-aị 30:19

tẹ amịna ḅioḅẹngbọ kẹ Tamụnọ, ọ̀ ḍa ḅe KỊNỊNYANA-TAMỤNỌ ḅe ḍọkị ọgọnọ gbana ḅọ gbana ḅọ pịrị, anị fịafịa yọ mẹ ḅẹ ḅụụ-fịafịama ḅụụ ḍikiḍiki oloko mẹ wẹrịtẹ ḅẹẹ ḅara sime-a ḅẹsọ.”

2 Paka-aị 35:6

Ọ́ Saḅaḅọrọ-Alalị mẹ asambịrịma anana mẹ ḅaa, tẹ ọmịna ḅụụ mịẹ fịafịamaa, tẹ ḅụụ tẹlẹma kẹ ọmịna mịnapụ pịrị, ọ́ KỊNỊNYANAḄỌ ḅe Mozizi ḅụụ ḅọrọtẹ kọn ẹkwẹn-ḅịḅị mẹ wẹrịtẹ ḅẹẹ ḅara mịẹ ḅẹ ḅara”.

Jobu 1:5

Kopini afịaị fị ene ma ḅo ḅọrọ fama tẹso kụma Jobu fịrịma tẹ ịn mịẹ fịafịama ḅa, tẹ ḅaso kẹ saakị tẹ inimgba kịẹn-ḅịḅị wẹrịtẹ la ḅara ḅụ dọkịma-agba mịẹ ḅa; Jobu kẹ gotẹ ọkọ mịẹarị, ori mẹẹ, “Sosi-ọkụma, ị̀ owiapụ-awọmẹ ma ịna aḅioḅẹngbọ ḅụ Tamụnọ wori tẹ si mịẹ tẹ ḅoto.” Mị-ḅara mie Jobu sịkọpẹlẹ-a ḅara ḅụ mịẹ ḅara.

Devidi-Anume 19:5

dede-ḅio anị paka-ḅoarị, ḅioḅẹlẹarị ere-ịyaḅọ ọkụ, mangị ịrụa ḅio-sẹsẹmarị ḅọ fiin paka-ḅo ḅara.

Paka-so 19:10

Tẹ KỊNỊNYANAḄỌ ḅe nwẹnị Mozizi ḅẹẹ, “So tomi ma ḍọkụma-muu, tẹ mịmgba na ḅaa na kẹ ịn mịẹ fịafịama, tẹ yee ini ịna opu akapa ma sịkịrị,

Paka-so 19:15

Tẹ ò tomi ma ḅẹẹm, “Ọ́ ḅụụ tẹlẹma-a, tẹrẹị karama ene mẹ ḅụ, ó mu ẹrẹḅọ kpekima.”

Paka-so 19:22

Anịsakị yee agbamịẹapụ ma tẹ sọma ḅo KỊNỊNYANAḄỌ ḅẹ kpekiarị apụ ma sọ ịna aḅụụ mịẹ fịafịamaa, anieofori KỊNỊNYANAḄỌ ḅe ḅofa kaan-paka-ḅo ịna ọgọnọ sara.”

Jowẹlị 1:14

Ó ḅuru-ịmọ tọn pakamaa, kobiri sịịn! Amakiri mẹ ḅẹ sịḅịdapụ ma na tomi ma na kobiri ḅoo, KỊNỊNYANAḄỌ ọmịna Tamụnọ ḅẹ Warị mẹ ḅio, tẹ owu pakama ọ̀ pịrịị.

Matiyo 21:16

Mie ḅụ ịn nwẹnị Jizọsị gbela, “In ḍukoarị ye ị́ naarị?” Jizọsị nwẹnị pakịrị, “Karakara ye à naarị. Yee àrị ó gbela, jen sakị Fịafịa Ḍiri mẹ ḅio amụ ó go-a? ‘Ị́ ye kẹ awọmẹ na ndoarị kala awọmẹ na toluma tẹ mịnẹ in bebe ḅara kẹ Tamụnọ tokinii.’ ”

Matiyo 9:15

Jizọsị nwẹnị pakịrị, “Ọ́ sịn-arị ere-ịya-alalị mu apụ ere-ịyaḅọ ḅe ini na emi ogbo kururu ḅẹ? Jene-jene ọkọ sime ye amụ paka-a! Kụma ene ḅo ḅa, tomi ịna ogboku ḅụ ere-ịyaḅọ ḅe ọkị so ḅarị sakị, anị sakị rẹ ịn ḅo ḅuru-ịmọm ḅa.

1 Kọrịntị 7:5

Ọmịnị ọmịna oju ma kẹ tọrụ-kpọ jụmọ-jụmọ pịrị ma, anie ọ́ ḅụụ ọlọ tẹ tẹkẹ ḅẹ kala saakị ḅụ sikima; anịtẹso ọ́ pịkị saakị ama-na-ere-na gboloma-gboloma ḅara gbolomaa. Mị-ḅara ḅụ ọ́ ḅarị mu Ekwesu daaḍiki, tẹ ḅụụ ọlọ-a ḅụ ḅo kịnị la-la ye mẹ ḅio sọ ḅịa.

Jọsụwa 7:13

Saakịị, tomi ma mịẹ fịafịamaa, tẹ ḅẹẹ, ‘Ọmịnị ọmịna aḅụụ mịẹ fịafịama ḅaa ḅẹ ene pịrị’; kẹ gotẹ ọkọ ḅẹẹarị, yẹrị Izirẹlị ḅẹ KỊNỊNYANA-TAMỤNỌ ḅe mẹẹ, ‘yei Izirẹlị, Sime ḅaa na gulugulma na pịrị aị ọmịna ogboku emii; ọmịnị inetẹ ọmịnị na fịya-a apụ tọrọkọ sịẹ ḅịa nwenii ọmịnị ọmịna ogboku Sime ḅaa na gulugulma na pịrị aị ma saakị siin ḅa.’

Jọsụwa 8:35

Mozizi tọn aị mamgba ḅụ ẹkwẹn gbọrụmgbọ tẹ Jọsụwa Izirẹlị ḅẹ kobiri-ogbo mẹmgba na, ereme ma na, ḍọkọḍọkọ-awọmẹ ma na, igoniapụ tẹ ini ogboku anga apụ ma na tọrọkọ ḅụ go-a ye ofori.

1 Samụẹlị 16:5

Tẹ ọ̀ nwẹnị pakịrị, “À dein ḅara ḅụ ḅom; arị agba mịẹ KỊNỊNYANAḄỌ ḅe pịrị ḅẹ ḅom; ọmịnị ọmịna aḅụụ mịẹ fịafịama tẹ ị̀ ḅụ sọ tẹ agbamịẹ mẹ ḅoo.” Tẹ ori nwẹnị Jese na, ori owiapụ-awọmẹ na mịẹ fịafịama tẹ in sịn agbamịẹ mẹ ḅo.