Jowẹlị 2:12 - FỊAFỊA BAỊBỤLỤ

¹² KỊNỊNYANAḄỌ ḅe ḅẹẹm, “Kụma mịọkụ mẹ ḅụ sọ ọ́ tẹmẹ-la ḅara kẹ si ḅụ pịkị tẹ pịkịma ị̀ ḍọkụma-ḅoo; ó ḅuru-ịmọ tẹ owuu, pịkị kururuu.”

Jowẹlị 2:12 Iomraidhean Croise

2 Samụẹlị 24:10

Kụma Devidi ḅioḅẹngbọ nwẹnị ọ̀ ḅụụ-fụkama ò tomi ma kịẹn tẹso. Tẹ Devidi nwẹnị KỊNỊNYANAḄỌ ḅe ḅẹẹ, “Miemẹ tẹ à mịẹ ye mẹ arị opu ḅara kẹ si mịẹ tẹẹ. Yei KỊNỊNYANAḄỌ, kụma mịọkụ arị ị́ tẹkẹm, mị iri-mịẹye mẹ saakị siin ị̀ fịrịmẹnjịḅọ ḅụ; kẹ gotẹ ọkọ ḅẹẹarị, à ḅẹlẹma oḅori-sọ ḅara kẹ ye mịẹ tẹẹ.”

2 Paka-aị 30:6

Anieḅụ karakara ḅara kẹ fọnya oku dogi mẹnjịarị fịrịmẹnjịapụ nwẹnị amadaḅọ ḅe na, ori sịḅịdapụ ma na, ḅara ḅụ amadaḅọ ḅe wẹrịtẹ tọn tẹ ḅara ḅụ kẹẹ wararị aḍiri ma kẹ Izirẹlị na, Juda na mu ikelema, tẹ ḅẹẹm, “yei Izirẹlịapụ, ọ̀ pịkịma KỊNỊNYANAḄỌ ḅe, anie Ebira-amụ na Ayịzịkị na pịkị Izirẹlị na sịḅị-tuu pịrị Tamụnọ ḅe ḍọkụma-ḅoo, mịẹ tẹ ò siin pịkị ọmịna ḅụụ Asiriya ḅẹ amadaḅọ ḅe ḅara ḅụ mangị-so wararị kirikọn boowa apụ ma ḍọkụma-mu ḅẹ ḅara.

2 Paka-aị 6:27

anị rẹ ị́ afịrịmẹnjịapụ, ị́ atomi Izirẹlị ma naa So-ḅio tẹ si-wẹrịso ịn pịrị ị́ ịn mẹnjị na-iḅi etela mẹ kẹ ịn toluma tẹ so sakị, tẹ gburo-gburotẹ eene kuroma anị ama mẹ tẹ ị́ kẹ ị́ atomi ma pịrị nyana tẹ anga mẹ ḅụ.”

Ẹsịta 4:16

“Mu tẹ suza ḅụ ị́ ḍọkị-ẹrị Juu-ḅẹ-apụ mamgba kobiri tẹ ọmịnị ị̀ sịḅị gotẹ ḅuru-ịmọ, tẹ ḍin na, eneḅaka na ḅụ tẹra aḍin kẹ fịye fị ma, pịkị minji ḅuu ma. Yẹrị na, ị̀ fịrịmẹnjị-eremịna-awọmẹ ma na sọ ọ̀ mịẹ ḅara mịẹ ḅa. Anịtẹrẹmẹ àrị amadaḅọ ḅe ḍọkụma-mu ḅa, anị oloko mẹ na tụḅụrụ wararị ḅẹsọ; tẹ à fịị-faa fa, yee à fịị-faa.”

Paka-so 33:5

Gbala KỊNỊNYANAḄỌ ḅe Mozizi ḅẹẹ tẹ, “Izirẹlịapụ ma ḅẹẹ, ‘Ọmịnị anie kọngọ kụrọtẹ atomi; arị ọmịna ogbo-ḅio ọmịnị na boowa kala sakị kẹ mu kụma arị ọ́ ḅaa fama ḅa. Anie ḅụ mịọkụ ọmịnị ọmịna oju ọmịna ḅiriaị ma sin, mịẹtẹ arị à kẹ ọmịnị na mịẹ ḅarị ḅara nimi ḅarị ḅara.’ ”

Ayịzaya 22:12

Ọkọ ẹrẹsị, Kụrọmamgba nyana KỊNỊNYANAḄỌ, Tẹịn ḅẹrẹtọnḅọ ḅe ọ́ sịn simem mịnẹ ọmịnị owu tẹ kururuu, ọmịna sịḅị-ḅẹ-inume sẹịn-siin tẹ akpa ḅirii.

Ayịzaya 58:4

Ọmịna ḅuru-ịmọ mẹ mịẹ tẹ ọ́ kụrọ-kụrọ amịẹaị mịẹarị, pịkị kamụ na owu na sọarị. Ó kuromarị mịnẹ mị-ḅara kẹ ḅuru-ịmọ mịẹ tẹ arị ọmịna atẹkẹ poki ḅẹ?

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Danẹlị 9:3

Tẹ à kpọma tẹmẹ-la ḅara kẹ KỊNỊNYANAḄỌ Tamụnọ ḅe tẹkẹm, ye sime-ḅara kẹ ori na ẹkwẹnmarị, ḅuru-ịmọarị, akpa ḅiriarị, pịkị fọọn ḅio lẹgịarị.

Hosiya 12:6

Mie ḅụ mịọkụ, Jekọbụ furo-ḅẹ-apụ, ọmịnị ọmịna Tamụnọ kẹ ḅiokpọma tẹ pịkị ọ̀ dama-mu. Ọ́ ḅioḅẹngbọ-kẹ-sịrẹrẹ-niḅi ḅara sime tẹ jụmọ la kiri kẹ mḅọ pịrị tẹ inema tẹ koru, ọmịna Tamụnọ ḅe ye mịẹ ḅa.

Hosiya 12:7

KỊNỊNYANAḄỌ ḅe ḅẹẹarị, “Izirẹlịapụ ma kịnị mingirimarị Kenanị ḅẹ apụ ma mịẹ-mịẹ ḅara; ini ịna tuḅoniapụ inomarị la-a ye-tọn-aị ḅụ.

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Hosiya 6:1

Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro?

Jowẹlị 1:13

Ọmịnị agbamịẹapụ, ọmịnị ọmịna akapa ḅiri tẹ owuu, ọmịnị agbamịẹ-anga mẹ ḅụ fịrịmẹnjịarị apụ, ọmịnị owuu! Ó mu Tamụnọ-warị mẹ ḅio bebe ḍin kẹ kururuu! Mgbọlụ-fịye ḅẹ agba na iru agba na daasịẹ tẹẹ, Tamụnọ warị mẹ ḅio.

Zẹkaraya 7:3

tẹ pịkị miemẹ kẹ agbamịẹapụ ma na ịkịankoroapụ ma na gbela ḅẹẹm: “Wa paa kururu tọrọkọ-tọrọkọ mu ḅẹ ịn Tamụnọ-warị mẹ kan guluguluma ye mẹ gotẹ, sọnọ akụra gbọrụ sakị-sakị kẹ ḅuru-ịmọ ḅụ wa tọnwa kụra kẹ mịẹ nwenii ḅo mịọkụ la tẹ ḅara mẹ?”

Zẹkaraya 7:5

Ori mẹẹ, “Ḍuko amakiri mẹ ḅẹ atomi ma na agbamịẹapụ ma na pịrị mịnẹ ịn sọnọ na sọnọma na karama akalụ ma kẹ ḅuru-ịmọ tẹ kururu sakị ma kụra tesi oyi finji ma ḅụ, ini ì kụn gotẹ mịẹ-a.

Malakayị 1:9

Mịọkụ, ọmịnị agbamịẹapụ, ọ́ Tamụnọ ḅara ye ḅii-ḅii tẹ ḍikii ori iḅi kẹ wa mịẹ ḅẹ ḅara. Ori ọmịna tẹkẹ pakịrị ḅịa, tẹ anị ọmịna ḅara siye sọ ḅa.

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Ḅẹrẹkọn-apụ 2:4

KỊNỊNYANAḄỌ ḅe enjẹlị mịna ẹkwẹn-aḅịḅị ma kọn Izirẹlịapụ mamgba pịrị tẹso, tomi ma nwẹnị ịna apọkọ saakị tẹ tẹmẹ-la ḅara kẹ owu.

Ḅẹrẹkọn-apụ 20:26

Anịtẹso Izirẹlịapụ mamgba, bebe ọmụ-ogbo mẹ nwẹnị iwo so tẹ Bẹtẹlị ḅo, tẹ tẹmẹ-la ḅara kẹ owu. Ini anịjụ KỊNỊNYANAḄỌ ḅe tọrọkọ lẹgị-simem, tẹ ḅuru-ịmọ nwenii ḅoḅiri-so lam, tẹ KỊNỊNYANAḄỌ ḅe tọrọkọ dọkịma-agba na, dein-pịrị-agba na mịẹm.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”

1 Samụẹlị 7:6

Anieḅụ ịn Mizipa ḅụ kobirim, tẹ minji ḍuu tẹ anị kẹ KỊNỊNYANAḄỌ ḅe tọrọkọ sara pakamam, tẹ anị ene mẹ ḅụ ḅuru-ịmọm, tẹ anịjụ ḅẹẹm, “Wa KỊNỊNYANAḄỌ ḅe ḅụụ si mịẹ tẹ.” Tẹ Samụwẹlị, Mizipa ḅụ ḅẹrẹkọn Izirẹlịapụ ma pịrịm.