Jowẹlị 2:11 - FỊAFỊA BAỊBỤLỤ

¹¹ KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Jowẹlị 2:11 Iomraidhean Croise

Devidi-Anume 18:14

Ori ori aḍịẹịn tẹịn tẹ si kẹ ọ̀ tọn apụ ma gala-galam; So-tọrụ ḅalapụ tẹ kọrị tẹ ịn mangịm.

Devidi-Anume 46:6

Ama sịẹ-sịẹ ma tẹmẹ-naịn-naịn tẹẹ, amadapụ ma daarị anga ma jike tẹẹ; Tamụnọ so-alagba tẹịn-arị, tẹ kiri mẹ mẹnịma-faarị.

Devidi-Anume 68:18

Ori iwo gele anga ma muarị, ọmụ ḅio ò kun-ḅo tọnwa-apụ ma na ori na, kọngọ kụrọma atomi ma aḅara ò ḍiepịrị-aị daa-ọkịarị. KỊNỊNYANAḄỌ, Tamụnọ ḅe, anị yọ anga ḅa.

Ayịzaya 13:4

Tụndụ ma ọgọnọ ḍụrụkụarị ye mẹ pokii — opu tomi ogbo yeke-yekearị, sịẹ, sịẹ na ama, ama na kobiri tẹ yeke-yekearị. Ọmụ ogbo-ogbo Nyanaḅọ ḅe ori ọmụapụ ma tẹlẹma ọmụ gbin pịrịarị.

Ayịzaya 42:13

KỊNỊNYANAḄỌ ḅe ọmụḅọ kịka tẹ paka owu-sọ ḅẹ muarị; Ọ̀ tẹlẹma tẹ ḅio-sẹsẹ ọmụgbin pịrị wararị; Ori ọmụ oloku kọn-arị, owu koro tẹ anị ḍụrụkụ-ḍụrụkụ ḅara; Ori ọ̀ kụrọ ḍie-pakamarị si kẹ ọ̀ tọn apụ ma ọgọnọ.

Ayịzaya 7:18

Anị ene mẹ ḅụ, KỊNỊNYANAḄỌ ḅe ọfịọn kẹ Ijiputi-ḅẹ-apụ sịn ḅa, elekima ḅara ḅụ, tẹ ini ọmọmọ kịka tẹ gbiima fiin ḅo ḅa, Nayịlị tọrụ mu laa anga laa anga ḅụ ọ̀ pịkị ọkọ kẹ Asiriya ḅẹ apụ sọ sịn tẹ ini akama kịka tẹ gbiima ịna ama ḅụ sime tẹ ḅo ḅa.

Jerimaya 25:30

Ị́yẹrị, Jerimaya, àrị ị́ ḅẹẹ ye ḅẹẹ ye, í ḍuko ịn pịrị nyanam. Gbarịma-a ḅara ḅụ ḍuko mịna apụ ma pịrịị, KỊNỊNYANAḄỌ ḅe So-ḅio sime tẹ ekire ḅa, tẹ So mẹ ọgọnọ-jụ ḅio so-alagba tẹịn ḅa. Ori ekire ori atomi pịrị ḅa; ori oloku ḅarị ḅara anie kẹ iru mịẹ ḅẹ girepu-asịnmgbọlụ nangarị ḅọ oloku ḅara. Tomikiri sime-ḅọ sime-ḅọ ọ̀ pọkọ naa ḅa.

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 50:34

Kụma ịn pụkọ-pakamaḅo ḅarị ḅọ ḅe kụrọ ḅọ — ori ẹrẹ anie Kụrọmamgba nyana KỊNỊNYANAḄỌ ḅe. Ò ḅioju ịna ḅẹrẹ saakị ọkị tẹ kẹ amịna nye sọma ḅa, pịkị dein ọkị-ḅo ḅa tomikiri ḅụ, kụma ọ̀ ḅụụ-fụka kẹ Babịlonịya ḅẹ apụ pịrị ḅa.”

Izikẹlị 22:14

Í kuromarị ị́ paa tẹmẹ-kpọma, anịanịa ịnyọ nyana tẹ ị́ ḅara saakị ḅẹ àrị ị́ na mịẹ fama sakị? Yẹrị KỊNỊNYANAḄỌ ḅe ọkọ ḅẹẹm, tẹ à ḍuko tẹ ye mẹ à mịẹ ḅa.

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Jowẹlị 1:6

Jen sịẹ owu kẹ wamịna amakiri mẹ paka tẹẹ. Ịn kụrọ nyana wararị tẹ ịn pịkị kpọma ḅakam kịẹn-ḅịḅị ḅụ, ịna aka ma ọkụkụ aka oḅu ḅara oḅuarị, tẹ ịna tọrọkọ ḅẹ aka kịka ye anie ịyọrọ ọkụkụ aka sime-ḅara.

Jowẹlị 2:1

Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Jowẹlị 2:2

Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Jowẹlị 2:25

Igurube ogbo ma ó ḍiḅi pakama ḅo aị ma fị siin akụra ma ḅụ ọ́ fama aị ma, à kẹ siin ọ́ pịrị ḅa. Yẹrị anie mị ọmụ-ogbo mẹ kẹ ọ́ fịrịma ye.

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Jowẹlị 3:14

Kịẹnkịẹn-ọkụ-ofori atomi ḅẹrẹkọn tụndụ suku mẹ ḅụ emi. Anị anga mie ala-a sakị ḅụ KỊNỊNYANAḄỌ ḅe ene mẹ ḅo ḅarịye.

Jowẹlị 3:16

KỊNỊNYANAḄỌ ḅe ekirearị Zayọnị ḅụ; ọ̀ pọkọọ so-alagba fie ḅara fie paka-ḅoarị Jeruselemu ḅụ, Kiri na So-tọrụ na jikearị. Kụma ori ori atomi ḍụa ḅa.

Emọsị 1:2

Emọsị ḅẹẹm, “KỊNỊNYANAḄỌ ḅe Zayọnị ḅụ ekirearị; Ọ̀ pọkọ Jeruselemu ḅụ so-alagba ḅara fiearị. Nama osuka fị-fị ayọ ma samụnọtẹẹ, anịsakị Kamẹlị tụndụ ọgọnọ simearị asịn ma na osuka ma na samụnọtẹ odo tọrụ sụa tẹẹ.”

Emọsị 5:18

Anị kpọma ḅalafama ye sọ ọ́ pịrị ḅarị ḅara ḍiki ọmịnị KỊNỊNYANAḄỌ ḅe eneḅaka mẹ koruarị apụ! Anị ene mẹ tọ iḅi kẹ ọ́ mịẹ ḅẹ? Kẹ gotẹ ọkọ ḅẹẹarị anị ene mẹ kanakana ene sọ ḅa, bele ene-a.

Emọsị 5:20

KỊNỊNYANAḄỌ ḅe eneḅaka mẹ kanakana ọkị-ḅo ḅa tẹ bele-a; anị kpiti eneḅaka sọ ḅa, gbọrụ ḅịya sọ ofori ḅara.

Obadaya 1:15

Ene mẹ ḅo kpeki tẹẹ, yẹrị KỊNỊNYANAḄỌ ḅe sịẹ-sịẹ mamgba kọn ḅẹ sakị mẹ. Ị́yẹrị Idọmụ, ị́ mịẹ tẹ ye mẹ ịn kẹ ị́ mịẹ ḅa. Ị́ pịrị pakama ye mẹ, mie ị́ pịkị ọkị ḅarịye.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Malakayị 3:2

Kụma tụḅọ inetẹ inema ḅẹ mọọ, ò ḅo sakị? Tụḅọ inetẹ sịẹsime ḅẹ mọọ, ò tolu paka-ḅo sakị? Ò ye-sịkịrị fịafịamarị ọsọn na pịkị ojo fọị fịafịamarị fịnị na kịka ḅa.

Kịẹn-aḅịḅị 24:23

Ọ̀ nwẹnị ori ẹkwẹn saakị kọn, tẹ ḅẹẹ: Ịyaa, tụḅọ ḍumo-sime ḅa, Tamụnọ miemẹ mịẹ sakị?

1 Tẹsalonịka 4:16

Anịsakị ini oloku pọkọ kẹ tọn ḅa, sịḅịda enjẹlị ḅe pọkọ na, Tamụnọ ọdụ mẹ fiearị ye na, anịtẹso KỊNỊNYANAḄỌ ḅe ḅioju So-ḅio sime tẹ koro ḅo ḅa. Kịrayịsị minini tẹ fịtẹ-apụ ma tarị saakị tẹ ḍumo ḅa;

Mịẹfinji 18:8

Miemẹ gotẹ, gbọrụ ene ḅụ á ḅụụ-fụka mamgba ḅo á la fama ḅa: obi na kururu na ḅuru-ḅa na. Tẹ ịn fịnị kẹ á dọkịma ḅa, kẹ gotẹ ọkọ ḍukoarị, KỊNỊNYANA-TAMỤNỌ ḅe tẹ á kọn-arị ḅọ ḅe ọ̀ ḍụḅa ḅakam.”

Mịẹfinji 6:17

Ịna ḅalafama ịganị ene mẹ ḅo la tẹ, tẹ tụḅọ inetẹ sịẹ tẹ anị da ḅẹ!”