Jowẹlị 2:10 - FỊAFỊA BAỊBỤLỤ

¹⁰ Ịn tọrọkọ-tọrọkọ muarị sakị, kiri mẹ jikearị; So-tọrụ mẹ ḍụrụkụarị. Ịrụa mẹ na akalụ mẹ na ḅo kanakanarị, tẹ lolia ma ḅarị jen kẹ ḅịya-a.

Jowẹlị 2:10 Iomraidhean Croise

Devidi-Anume 114:7

Kiri, jikee! KỊNỊNYANAḄỌ ḅe ḅoarị sakị, Jekọbụ Tamụnọ ḅe tọrọkọ ḅụ,

Devidi-Anume 18:7

Anịtẹso kiri mẹ gwẹ-gwẹ tẹ jikem; tụndụ ma suku-ḅio ma gwẹ-gwẹ tẹ jikem, Tamụnọ ịganịm ẹrẹsị.

Ayịzaya 13:10

Lolia goyegoye, na So-tọrụ sime ye goyegoye na, ḅarị ḅịya ḅịa, ịrụa mẹ kanakana ḅa anị saakị sakị, tẹ akalụ mẹ bele pịrị ḅịa.

Ayịzaya 34:4

Ịrụa mẹ na, akalụ mẹ na, lolia ma na kọrị sara tẹ fọọn sọ ḅa. So-tọrụ mẹ kịnị ḅarị ẹrị ḅịa, anị abịlala kịka tẹ iko iwo ḅa, tẹ lolia ma ḅịkị koro ḅa, gbala ịnyịnya kụrọ sịn, anịanịa figi sịn, ḅụ siin-sara ḅara.

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Jerimaya 4:23

À kiri mẹ ḍikim — anị kẹ gberie-sọ mịẹ-a ḅara kẹ gbin koro-simem; So-tọrụ mẹ ḅụ sọ, bele ofori.

Jowẹlị 2:2

Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Jowẹlị 3:4

“Ó tiye kẹ ị̀ mịẹ ḅẹ ḍọkịarị, Taya na, Sayịdọnị na, Filisiteni iri mamgba na? Ọmịnị ị̀ ḅara gbẹẹfị ọkị ḅẹ ḍọkịarị ḅoto? Ọmịnị ọkọ mịẹarị ḅẹḅẹ, yẹrị tarị sarama ọmịna aḅara ḅii ḅa!

Emọsị 5:8

KỊNỊNYANAḄỌ ḅe lolia ma tẹmẹm, Piliyadisi na Oriyọnị na nwẹn-sịn alolia ma. Ọ̀ kanakana pịkị-ḅo eneḅaka bele sọmarị, tẹ eneḅaka kẹ ḅo ḍin mịẹarị. Ori abajị ḅio ḅẹ aminji ma sịn ḅo tẹ arị ọsụma kiri mẹ ọgọnọ sararị. KỊNỊNYANAḄỌ ḅe anie Ori ẹrẹ.

Nahọmụ 1:5

Ọ̀ tọrọkọ tụndụ ma jike tẹ gẹẹm, tụndụ ma sanịm; ọ̀ tọrọkọ kiri mẹ ye ḅụ sọ-a ḅara kẹ koro-simem tomikiri mẹ na anị ḅio anga aị mamgba na.

Matiyo 24:29

“Arị ene ma ḅẹ ḅụụ-fụka mẹ ḅọrọtẹ soarị, soarị, ịrụa mẹ kanakana sọ ḅa, akalụ mẹ ḅarị ḅịya ḅịa, tẹ lolia ma So-tọrụ ḅụ sime tẹ siin-koro ḅa, tẹ So-tọrụ ḅẹ akụrọ mamgba gboloki ḅa.

Matiyo 27:51

Anịtẹso ịn kẹ Tamụnọ-warị mẹ ḅio kiki-pẹlẹ-ḅịtẹ mẹ, tẹ sololo sime ye mẹ, maaịn puum, ọgọnọ ideri-ḅo suku la. Kiri jikem, ịkụ ma puu kọsịm,

Fịrịmẹnjịapụ 2:20

ịrụa mẹ kanakana sọ ḅa, tẹ akalụ mẹ awụ ḅịya ḅa, ọmbie ḅịya ḅara, tẹrẹmẹ KỊNỊNYANAḄỌ ḅe opu ebube Ene mẹ ḅo la ḅa.

Mịẹfinji 20:11

Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.

Mịẹfinji 6:12

Tẹ à nwẹnị ẹrị Anana Tụḅọ ḅe sonio karama ye-oḅoloye mẹ kpẹngbẹ finjim. Kiri nwẹnị kpọma jike, tẹ ịrụa mẹ ḅo kurukuru tẹ sọ ḅintẹ ono ḅịtẹ kịka, tẹ akalụ mẹ nwẹnị gbọrsịḅị ḅịya ḅo ọmbie tọrụ sụa.

Mịẹfinji 8:12

Anịtẹso ini karama enjẹlị ḅe ori ọdụ ofurom. Ye nwẹnị ịrụa mẹ na, akalụ mẹ na, lolia ma na kẹ tẹra anga ḍie ḅẹ gbọrụ anga la, anie mịẹtẹ arị kẹ ḅịya, ḅịya kụrọ mẹ kẹ tẹra anga ḍie ḅẹ gbọrụ anga som. Eneḅaka na ḍin na kẹ tẹra anga ḍie ḅẹ gbọrụ anga bele nyana-a.

Mịẹfinji 9:2

Lolia ḅe nwẹnị ḅọrọ pokolo ideri-mu kunoma la la-a olulu mẹ ḅọkọ mẹ finji, tẹ onwin nwẹnị anị ḅio ọsụma paka-ḅo, opu onwin-somaye ḅio onwin sime tẹ paka-ḅo ḅo ḅara; tẹ ịrụa bele mẹ na, So-tọrụ mẹ na nwẹnị furu kanakana, pokolo ideri-mu kunoma la la-a olulu mẹ ḅio paka-ḅo onwin mẹ ḅụ.