Jowẹlị 2:1 - FỊAFỊA BAỊBỤLỤ

¹ Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Jowẹlị 2:1 Iomraidhean Croise

1 Paka-aị 15:28

Mị-ḅara mie Izirẹlị mẹmgba ọdụ ofuro-ofuro tẹ, saịn-saịn-aị na, ọbọ na, alili na farị-farị tẹ, oloku na kẹ KỊNỊNYANAḄỌ ḅe Ọḅọkụ-Igbe mẹ kẹ ḅo ḅara.

Devidi-Anume 119:120

Í gotẹ à ḅalafaarị; ḅalafa ị̀ ḅụụ ḅio sọ ḅin tẹ ị́ aḅẹrẹkọn ma ẹrẹsị.

Devidi-Anume 87:1

KỊNỊNYANAḄỌ ḅe ori opu ama mẹ kẹ fịafịa tụndụ mẹ ọgọnọ namam.

Paka-so 10:14

Tẹ igurube ma ḅo Ijiputi ama mẹmgba gbaịn, tẹ bebe Ijiputi opu sịẹ mẹmgba ḅụ simem, jene-jene ḍụḅa ọkọ la igurube ogbo gbala-gbala amụ paka-a, pịkị ḅarị gbala-gbala paka ḅịa.

Ayịzaya 13:6

Akụye ḅụ olokuu! KỊNỊNYANAḄỌ ḅe eneḅaka ḅo kpeki tẹ, KỊNỊNYANAḄỌ ḅe ye guluguluma ḅẹ ene mẹ.

Ayịzaya 13:9

KỊNỊNYANAḄỌ ḅe eneḅaka mẹ ḅoarị, anị ori opu ịganị si eneḅaka mẹ. Kiri mẹ ḅo kịnị anga-a yọ sọ ḅa, tẹ si-mịẹapụ mamgba ini ịn ḅaa-guluguluma ḅa.

Ayịzaya 2:12

Anị ene mẹ ḅụ, Kụrọmamgba nyana KỊNỊNYANAḄỌ ḅe kụrọ nyana tẹ ḅụụ-gelema tẹ “ị̀ ḅụụ ngẹrị ḅụ” kẹ amịna ḅụụ ḅẹẹarị apụ mamgba iderima ḅa.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Ayịzaya 66:5

Ọ́ KỊNỊNYANAḄỌ ḅe ḍukoarị ye mẹ pokii, ọ̀ mangịma tẹ ọ̀ ḅịḅị pokiarị apụ, “Ọmịnị ì minini wararị ẹrẹsị, ọmịna atomi ma ḅẹ jen-apụ ó ḍiki-ḅioḅu tẹ ḅarị ọmịnị na gbọrụ mịẹ ye sọ mịẹ gboloma ḅẹ ḅii-a. Ini ó kombo tẹ ḅẹẹarị, ‘Yee KỊNỊNYANAḄỌ ḅe ori opu ḍie-pakama tẹ ọ́ ḅọrọma, mịẹ tẹ wa ẹrị tẹ ḍereku ḅẹ ḅara.’ Kụma ini ma ḅioju sọ ịna tọrụ-tuu ḅa!

Jerimaya 16:10

“Í mie mẹmgba ḍuko ịn pịrị sakị, ini í gbela ḅa à gotẹ tọn-pẹlẹ tẹ mị kụrọ-ḅara mẹ kẹ in fomuarị ye. In gbela ḅa ịn mịẹ siye, tẹ ḅẹrẹ ịna ḅara si ye, anie ịn kẹ KỊNỊNYANAḄỌ, ịna Tamụnọ ḅe, mị si.

Jerimaya 16:7

Gbọrụḅọ-sọ jụmọ na fịye fị anịanịa ḅuu gboloma ma, mḅọ ḅẹlẹmarịḅọ fịị ye kẹ mḅọ dedema ḅụ. Gbọrụḅọ-sọ ọkụrụkụrụ nyana jụmọ pịrị ma, fịịḅọ mẹ nwẹnị mḅọ ḍaḅọ anịanịa mḅọ iyingiḅọ sọ.”

Jerimaya 4:5

Ọdụ mẹ ofuro bebe amakiri mẹ ikelemaa! Gele-pọkọ kẹ giregirema olokuu! Ḍuko Juda na Jeruselemu na ḅẹ apụ ma pịrịị ịn mangị kụrọnị opu ama ma muu.

Jerimaya 5:22

Yẹrị anie KỊNỊNYANAḄỌ ḅe, ó tiegotẹ ì ḍiki-ḅalafa-a? Ó tiegotẹ oju-sẹkị-a ị̀ tọrọkọ ḅụ? Yẹrị onwin mẹ ḅụ abajị mẹ daasịẹ ḅẹ anga tọn koromam, anị nwẹnị gbamaso daasịẹ anga sọ, saḅa-saḅa yọ. Abajị mẹ inetẹ iwo-na-ideri-na ḅa, kụma anị inetẹ anị saḅa ḅọrọ ḅịa; ọnụngọ ma ḍụrụkụ ḅa, kụma arị inetẹ kan tolu ḅịa.

Izikẹlị 12:23

Mịọkụ ḍuko ịn pịrịị, yẹrị Tẹịn-Ḅẹrẹtọn-Kụrọ-Nyana ḅọ ḅe nyanatẹ ḍuko ḅẹ ye aniemẹ gboloma ye ḅụ. À mịẹ tẹ anị egberi mẹ kuno ḅa. Izirẹlị ḅụ ịn ḅarị jen kẹ anị gbaa ḅịa. Anie nakara ḍuko ịn pịrị: ‘Sakị mẹ ḅo laa tẹẹ, tẹ paka ḅẹ tẹ ḍuko aị ma ḅo karakara aị soarị.’ ”

Izikẹlị 21:12

Fịị-fịị tomḅọ, kururu-oloku kọn-pakama; ị̀ atomi mie mịẹ okologie mẹ tẹlẹma pịrịye pịkị Izirẹlị ḅẹ sịḅịdapụ mamgba na. Ini ịn ḅaa ḅẹ-yearị, ini na tomi ma ḅụ kirikọn-apụ ma na. Ḅara kẹ í ekpe fomuu, mịẹḅẹ-ọkụ ḅarị ofori ḅara ḅụ!

Izikẹlị 30:3

Ene mẹ ḅo kpeki tẹẹ, KỊNỊNYANAḄỌ ḅe ye mịẹ ḅẹ ene mẹ, Oḅuto na ḅụụ-fụka na ene tẹ sime sịẹ-sịẹ ma pịrị ye mẹ.

Izikẹlị 33:3

Ori ọmụ-ogbo mẹ ḅoarị ye ẹrị sakị ori ọdụ ofuro pakama tẹ ḅẹḅọ-ḅẹḅọ ẹbị nyanarị.

Izikẹlị 33:6

Anị sime-ḅara-ḅara sọ, Ama-koruḅọ ḅe fịya-a ḅọ ḅe ḅoarị ye ẹrịarị tẹ ọdụ mẹ ofuro-a tẹ fịya-a ḅọ ḅe ḅo arị si-mịẹapụ ma ḅaa kụma ịna fịị mẹ Ama-koruḅọ ḅe mie à kẹ ọlọ ḅarịye.

Izikẹlị 7:10

Opu ḅụụ-fụka ene ḅaka ḅara kẹ ḅo Izirẹlị pịrịarị. Kụrọ-kụrọ amịẹaị ḅakarị. Ḅụụ-gelema ḅo opu ḅara la tẹ.

Izikẹlị 7:12

Sakị mẹ ḅoarị. Eneḅaka mẹ ḅo kpekitẹ, fẹ na dẹrị na ḅarị fie ye nyana ḅịa sakị mẹ, Tamụnọ gbọrụ ḅara kẹ ḅo fomu-ḅara kẹ ḅẹḅọ-ḅẹḅọ pịrị ḅẹ ẹrẹsị,

Danẹlị 6:26

Àrị oloko sụarị mịnẹ à daarị tomikiri mẹ ikelema-koro ḅụ, ọrụḅọ-ọrụḅọ Danẹlị Tamụnọ ḅe ḍiki-ḅalafa tẹ ọ̀ mangịma nyanam. “Ori anie ḍumo wararị Tamụnọọ, tẹ ọ̀ ḅẹrẹtọn mu ḅẹẹ-sakị ḅẹẹ-sakị la ḅa. Ori ama-da mẹ gbala-gbala gulugulu ḅịa, tẹ ọ̀ kụrọ gbala-gbala kunoma ḅịa;

Danẹlị 9:16

Ḅọrọtẹ sakị ḅụ ị́ wa ḍụam, mie ḅụ ḅarị jen kẹ Jeruselemu ḍiki-ịganị ma. Í opu amaa, ị́ fịafịa tụndụu. Kpeki wararị asịẹ ma ḅẹ apụ mamgba Jeruselemu ḍiki iderimarị, pịkị ị́ atomi ma sọ, wamịna asi na wamịna elemu-aḍapụ mịẹ siye na ẹrẹsị.

Danẹlị 9:20

“À paa tẹkẹ simem, ị̀ asi na ị̀ atomi Izirẹlị ḅẹ apụ ma asi na ḍuko-pakama, pịkị tamụnọ-warị mẹ siin nama ḅẹ ye mẹ kẹ KỊNỊNYANAḄỌ ị̀ Tamụnọ ḅe tọrọkọ koromam.

Hosiya 5:8

Ọmụ ọdụ ma ofuro Gibiya ḅụ! Saakị Rama fiema! Bẹtẹlị ọmụ oloku mẹ saakị! Benijamịnị ḅẹ owiapụ, ọmịnị ọmụ ḅio sọ-mu.

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Jowẹlị 2:15

Zayọnị ḅụ ọdụ mẹ ofuroo, ḅuru-ịmọ tọn pakama tẹ kịnị mamgba sịn ḅo kobirii!

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Jowẹlị 3:14

Kịẹnkịẹn-ọkụ-ofori atomi ḅẹrẹkọn tụndụ suku mẹ ḅụ emi. Anị anga mie ala-a sakị ḅụ KỊNỊNYANAḄỌ ḅe ene mẹ ḅo ḅarịye.

Jowẹlị 3:17

“Anịtẹso, Izirẹlị, í nimi ḅa mịnẹ yẹrị anie KỊNỊNYANAḄỌ ị́ Tamụnọ ḅee. À Zayọnị ọgọnọ angarị, ị̀ fịafịa tụndụ mẹ. Jeruselemu fịafịa opu ama sọ ḅa; jen asịẹ ḅẹ apụ ḅarị gbala-gbala jen-maaịn kẹ anị nẹngịma ḅịa.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Emọsị 5:18

Anị kpọma ḅalafama ye sọ ọ́ pịrị ḅarị ḅara ḍiki ọmịnị KỊNỊNYANAḄỌ ḅe eneḅaka mẹ koruarị apụ! Anị ene mẹ tọ iḅi kẹ ọ́ mịẹ ḅẹ? Kẹ gotẹ ọkọ ḅẹẹarị anị ene mẹ kanakana ene sọ ḅa, bele ene-a.

Emọsị 8:2

KỊNỊNYANAḄỌ ḅe gbelam, “Emọsị í tiye ẹrịarị?” À pakịrịm, “Sịnmgbọlụ ḅin wararị kana.” KỊNỊNYANAḄỌ ḅe ị̀ ḅẹẹm, “Kunoma mẹ ḅo ị̀ atomi Izirẹlị pịrị tẹẹ. À jen kẹ ì kuroma ḍima ḅịa in fomu ḅụ.

Obadaya 1:15

Ene mẹ ḅo kpeki tẹẹ, yẹrị KỊNỊNYANAḄỌ ḅe sịẹ-sịẹ mamgba kọn ḅẹ sakị mẹ. Ị́yẹrị Idọmụ, ị́ mịẹ tẹ ye mẹ ịn kẹ ị́ mịẹ ḅa. Ị́ pịrị pakama ye mẹ, mie ị́ pịkị ọkị ḅarịye.

Zẹfanaya 1:14

KỊNỊNYANAḄỌ ḅe opu ene mẹ ḅo kpeki tẹẹ; kpeki lama tẹẹ, anị fọnya ḅoarị! Anị akụ ene sọ ḅa, kẹ gotẹ ọkọ ḍukoarị, ḅiokpọ tẹịn ọmụḅọ ḅe sọ ḅioḅẹngbọ ḅịkị ḅụ oloku pakama ḅa!

Zẹfanaya 1:16

ọmụ ọdụ fiearị tẹ ọmụapụ oloku tẹ owu kẹ opu ama ma ḅẹ kụrọnị-anga ma na gele-fa wararị atawa ma na pakarị ene.

Zẹfanaya 1:7

KỊNỊNYANAḄỌ ḅe ene mẹ ḅoarị, Tamụnọ ye mịẹ ḅarị ene mẹ; mie ḅụ ọ́ yaụ-sime ọ̀ tọrọkọ ḅụ. KỊNỊNYANAḄỌ ḅe tẹlẹmarị agbamịẹ anama ḅaa ḅara kẹ ori atomi ḅaa ḅa, tẹ ini na fịya-a apụ sịn tẹẹ in ḅo in gulugulumaa.

Zẹfanaya 3:11

Anị ene mẹ ḅụ, ọmịnị ị̀ atomi ma gotẹ ḅụụ-jịrị-jịrị ye ḅarị paka ḅịa, mịnẹ ọ́ kọngọ kụrọma ị̀ pịrịm. Ḅẹḅọ-ḅẹḅọ tẹ ḅụụ-gelema tẹ opu ẹkwẹn kọn-arị ḅo arị mḅọ saakị siin ḅa, anịsakị gbala-gbala ọ́ ḅarị jen kẹ kọngọ kụrọma ị̀ pịrị ḅịa ị̀ fịafịa tụndụ mẹ ọgọnọ.

Zẹkaraya 14:1

KỊNỊNYANAḄỌ ḅe lẹgị tẹ ḅẹrẹkọn ḅarị eneḅaka mẹ kpeki tẹẹ. Anịtẹso ịn Jeruselemu fọịn ḅa, tẹ ịn fọịn aị ọmịna tọrọkọ mie in ḍie ḅarịye.

Zẹkaraya 8:3

À pịkịma-so Jeruselemu mu ḅa, ị̀ fịafịa opu ama mẹ, tẹ anị anga ḅa. Kịnị kẹ anị nimi ḅarị ẹrẹ, ‘Ḅioḅẹngbọ-Kẹ-Sịrẹrẹ-Niḅi Ama’, tẹ ịn nwẹnị Kụrọmamgba nyana KỊNỊNYANAḄỌ ḅe tụndụ mẹ sịn ḅa, ‘Tọn-tọn Ḅara Sime Tụndụ’.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Kịẹn-aḅịḅị 10:2

Maa seleḅa ọdụ tẹmẹẹ; ị̀ amana kẹ ḅakụ-ḅakụ arị kọrị ḅa; ị̀ arị ofuro-ofuro tẹ kẹ tomi ogbo mẹ kobiri ḅa, pịkị kẹ kobiri mẹ kan ḅa.

Kịẹn-aḅịḅị 10:3

In maaịn mamgba ofuro sakị ofuro sakị, tomi ogbo mẹmgba ịna ḅụụ kobiri tẹ mẹnjịị, kobiri Akpụrụ-warị mẹ sọarị ḅọkọ mẹ ḅụ ị́ ḍọkụma-ḅo ḅa,

1 Kọrịntị 14:8

Anịsakị ọdụ ofuro ḅọ giregirema ọmụapụ jike ḅẹ ḅara ofuro-a kụma, tụḅọ tẹlẹma ọmụ pịrị ḅẹ?

Filipayị 2:12

Ọkọẹrẹsị, ị̀ iḅi ikiapụ, àrị ọmịnị na sime sakị ọ́ kẹ sakị mamgba ị̀ ḅịḅị poki, poki ḅara mẹ ọmịnị ọkọ nẹngị ḅara kẹ ị̀ ḅịḅị poki àrị ọmịnị na ofori sakị mẹ ḅụ. Ọ́ paa ḅalafa na ḅụụ-tukutuku na kẹ kọrịnama kọrị tọrọkọ muu, tẹ kẹ ọmịna ḅọrọma mẹ mịẹ tẹ anị busunu,

1 Tẹsalonịka 5:2

Kẹ gotẹ ọkọ ḍukoarị, ọmịnị ḅioju sọ nimi ḅara ḅụ, KỊNỊNYANAḄỌ ḅe ḅo ḅarị Ene mẹ furuḅọ ḍin ḅụ ḅo-ḅo ḅara pembe ḅara mie anị ḅo ḅarị ḅara.

Jemụsị 5:8

Ọmịnị sọ ọkọ kẹ ye-inemaa. Ọmịnị iḅiọkụ ọmịna ḅiokpọ mẹ ọlọ kụrọmaa, kẹ gotẹ ọkọ ḍukoarị KỊNỊNYANAḄỌ ḅe ḅoo mẹ kpeki tẹ.

1 Pita 4:7

Ye mamgba ḅẹ kunoma kpeki tẹ. Ọ́ ḅụụ ọlọ tẹ ẹbị ḅara simee, mịẹtẹ ọmịnị inetẹ tẹkẹ ḅẹ ḅara.

Mịẹfinji 6:17

Ịna ḅalafama ịganị ene mẹ ḅo la tẹ, tẹ tụḅọ inetẹ sịẹ tẹ anị da ḅẹ!”