Jowẹlị 1:9 - FỊAFỊA BAỊBỤLỤ

⁹ Mgbọlị-fịye ḅẹ agba na iru agba na Tamụnọ-warị mẹ ḅio daasịẹ tẹẹ; anịẹrẹsị KỊNỊNYANAḄỌ ḅe fịrịmẹnjịapụ, agbamịẹapụ ma kururuarị

Jowẹlị 1:9 Iomraidhean Croise

2 Paka-aị 13:10

Kụma wamịnị kụma, KỊNỊNYANAḄỌ ḅe anie wamịna Tamụnọ, amụ wa ọ̀ sịkị-a. Fịrịmẹnjị KỊNỊNYANAḄỌ ḅe pịrịarị agbamịẹapụ ma anie Erọnị owiapụ-awọmẹ, anịsakị Livayị furo-ḅẹ-apụ sime tẹ ḅarasụa ịna fịrị pịrịm.

Paka-so 28:1

“Í iyimbere Erọnị na, ori owiapụ-awọmẹ Nadabụ na, Abihu na, Ẹlịyeza na, Itama na ọkị-ḅo ị́ ḅụụ kpekimaa, Izirẹlịapụ ma ḅụ. Ini agbamịẹapụ ḅara ḅụ fịrịmẹnjị ị̀ pịrị ḅa.

Ayịzaya 61:6

Tẹ ọmịnị KỊNỊNYANAḄỌ ḅe agbamịẹapụ ḅara mie ịn kẹ ó nimi ḅarịye, Wamịna Tamụnọ fịrịmẹnjịapụ. Ọ́ sịẹ-sịẹ ma ḅẹ ngọ mẹ fị ḅa Tẹ kẹ ḅụụ-tọn ḅa mịnẹ anị ọmịna nye sọ tẹẹ.

Kururu Owu-apọkọ 1:16

“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”

Kururu Owu-apọkọ 1:4

Mẹnjị Zayọnị mu etela ma kururuarị, gbala gbọrụḅọ-sọ ịn pẹlẹ alalị ma ḅo-a ẹrẹsị; árị ogigo-aḅọkọ mamgba fa tẹ koro-sime wararị, árị agbamịẹapụ opu akụ ḅụ iningiarị; árị eremịna-awọmẹ ma ini ịn nụnụ so tẹ, tẹ árịma ḅioju nwẹnị ye ḅụụ ḅụ akụ ḅara kẹ tọrụsiẹrịarị.

Hosiya 9:4

Árị ja asịẹ ḅẹ amakiri ma ḅụ ini inetẹ iru sara agba ma mịẹ KỊNỊNYANAḄỌ ḅe pịrị ḅịa, anịanịa ịna agbamịẹ-aị kẹ ọ̀ pịrị. Ịna fịye anị fịḅọ-fịḅọ pilema ḅa, ḍụẹịn-ḍiḅi anga fị fịye ọkụ. Ịna pọkọ-tarịarị ḅuru mẹ deinma kịngẹ mie anị sime pịrị ye; anị ḅụ in ḍiepịrịye ḅara kẹ ọkị so KỊNỊNYANAḄỌ ḅe Warị mẹ mu ḅẹ kalịye sọ ofori.

Jowẹlị 1:13

Ọmịnị agbamịẹapụ, ọmịnị ọmịna akapa ḅiri tẹ owuu, ọmịnị agbamịẹ-anga mẹ ḅụ fịrịmẹnjịarị apụ, ọmịnị owuu! Ó mu Tamụnọ-warị mẹ ḅio bebe ḍin kẹ kururuu! Mgbọlụ-fịye ḅẹ agba na iru agba na daasịẹ tẹẹ, Tamụnọ warị mẹ ḅio.

Jowẹlị 1:16

Ḍikii! Wamịna tọrọkọ anị paka tẹẹ: wa soku-ḅẹ afịaị ma gulugulu fama tẹẹ. Wamịna Tamụnọ ḅe warị mẹ ḅio sọ ḍereku fa tẹẹ.

Jowẹlị 2:14

Tụḅọ nimi? Ẹbịsịya KỊNỊNYANAḄỌ ọmịna Tamụnọ ḅe ò kuroma ḍima tẹ tọnwa ḍiḅi-aị pakama sara tẹ kẹ ó boma ḅa. Anịtẹso ọmịnị inetẹ mgbọlị-fịaị na iru na kẹ agba mịẹ ọ̀ pịrị ḅa.

Jowẹlị 2:17

Yee agbamịẹapụ ma tẹ fịrịmẹnjị KỊNỊNYANAḄỌ ḅe pịrịarị apụ ma agbamịẹ-anga mẹ na ḅọrọ Tamụnọ warị mẹ sọarị yọ mẹ na ogboku tẹkẹ tẹ ḅẹẹ: “KỊNỊNYANAḄỌ, ị́ atomi ḍiki-sịḅị-kụrụkụrụụ. Wa ḅelemaa mị ḅụụ-jịrị mẹ ḅio; ḍụkụ tẹ igoniapụ ma wa ḍiki-sima ma. Ndẹẹ jen sịẹ wa kombo tẹ gbela ḅẹ ḅara, ‘Ọmịna Tamụnọ ḅe ọ̀ tọ-anga emi?’ ”