Jowẹlị 1:4 - FỊAFỊA BAỊBỤLỤ

⁴ Fiin-arị igurube ogbo fị kọnma aị, ḍosiarị igurube ogbo fị tẹẹ; ḍosiarị igurube ogbo fị kọnma aị, ikiriarị igurube ogbo fị tẹẹ.

Jowẹlị 1:4 Iomraidhean Croise

1 Amadapụ 8:37

“Ịnụ anịanịa ama-gbaịn-si-obi, anịanịa obi ḅara-ḅara ama mẹ koro, anịanịa ị́ atomi ma na fịya-a apụ owu kẹ ịna opu ama ma ḅẹ gberie paka, anịanịa erise fẹrụ fie, anịanịa igurube, anịanịa amụ pamba-sụa-a ẹpẹrụmẹrụgụ ḍiḅi tẹ so-pakarị afịaị ma ḅaa fama sakị,

2 Paka-aị 6:28

“Ịnụ ama mẹ ḅio paka-paka; si obi ama mẹ gbaịn-gbaịn; anịanịa sịn kpatụ fịị, anịanịa otito sọ, anịanịa igurube, anịanịa isuke-ḅisima arị fị ḅaa; ini na fịya-a apụ ịna opu ama ma ḅẹ gbọrụ ama ḅụ ini ikelema-koro tẹ owu paka-paka; Tamụnọ ḅara ḅo ḅẹ fomu-ḅara, fomu-ḅara anịanịa sime obi, sime obi ḅẹ sọ,

2 Paka-aị 7:13

À So ḅọkọ mẹ ịkasị tẹ eene ḅarị koro-a, anịanịa tọn igurube ma pịrị tẹ arị ọmịna kịrị mẹ guluguluma, anịanịa ama gbaịn obi kẹ ị̀ atomi ma ogbo ḅụụ fịrịma sakị,

Devidi-Anume 105:34

Ọ̀ tọn tẹ igurube ma ḅom, puku-puku, kịẹnkịẹn-ọkụ-ofori ḅara;

Devidi-Anume 78:46

Ori igurube amẹẹ kẹ fịrịma tẹ arị in ḍiḅi tẹ ịwọma so-pakarị afịaị ma fị siinm, pịkị ịna ye ḍiḅi akiri ma gulugulumam.

Paka-so 10:4

Kẹ gotẹ ọkọ ḅẹẹarị, ị́ ḍụkụ tẹ ịn wẹrịso tẹ in so-a ḅẹḅẹ, ḍikii, ḅaa, arị igurube ọkị-ḅo í opu sịẹ mẹ ḅio suu ḅa;

Paka-so 10:5

anịsakị in kiri mẹ gbaịn ḅa, tẹ mịẹtẹ gbọrụḅọ-sọ tọrụngbọ kẹ kiri mẹ ẹrị ḅịa; tẹ so-aḍụḅarị ma guluguluma kọnma aị ma fị fama ḅa, anịsakị sime ọ́ pịrị opu sịn goyegoye tẹ ọmịna piri-ḅio so-paka ye goyegoye ịn fị ḅa.

Ayịzaya 33:4

Ịn nyana-aị kịnị arị koro tẹ fọịn soarị.

Jerimaya 51:14

KỊNỊNYANAḄỌ ḅe ò ḍumo kẹ ye karị tẹẹ mịnẹ ọ̀ tọnwa owiapụ ọkị-ḅo owu kẹ Babịlonịya paka ḅa, igurube ogbo-ogbo ọkụ, tẹ ịn nwẹnị owu-ḅara-iḅi oloku kọn ḅa.

Jerimaya 51:27

“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.

Jowẹlị 2:25

Igurube ogbo ma ó ḍiḅi pakama ḅo aị ma fị siin akụra ma ḅụ ọ́ fama aị ma, à kẹ siin ọ́ pịrị ḅa. Yẹrị anie mị ọmụ-ogbo mẹ kẹ ọ́ fịrịma ye.

Emọsị 4:9

“Àrị ọfịrị ḅụra tẹ fẹrụ kẹ fịrịma tẹ soku-ḅẹ afịaị ma samụnọma famam. Igurube ọmịna warị akaka ḅẹ aḍụọ ma na vaịnị aḍụọ ma na fị siinm, ọmịna figi asịn ma na olivu-asịn ma na. Anịsọ ọ́ pịkị ị̀ ḍọkụma-ḅoa.”

Emọsị 7:1

À Tẹịn-Ḅẹrẹtọn-Kụrọ-Nyana KỊNỊNYANAḄỌ ḅara ḅo ịkịan ẹrịm. Anị ḅio arị ẹrịm ori Igurube ogbo tẹmẹarị, anie ịn sime amadaḅọ ḅe pịrị opu anama koko osuka ma pẹlẹ fama tẹ ịwọ osuka saakị pakarị sakị ḅụ.

Malakayị 3:11

À ḍụkụ tẹ fịaị fị ḅaa aị ọmịna ḍiḅi-aị ma guluguluma ḅịa, tẹ ọmịna girepu-aḍụọ ma tọnwa asịnmgbọlụ sụa sara ḅa.

Ditẹrọnọmị 28:38

“Ó gburo-gburoma sịnmgbọlị dogi piri mẹ ḅio sọ-mu ḅa, kụma ịrụtẹ kalịye mie ó kobiri ḅo suu ḅarịye; kẹ gotẹ ọkọ ḅẹẹarị, igurube anị fị fama ḅa.

Ditẹrọnọmị 28:42

Ọmịna opu asịn mamgba na, ọmịna ḍụọ ḅẹ asịnmgbọlụ ma na, igurube arị pẹị kọsịma fama ḅa.