Jowẹlị 1:2 - FỊAFỊA BAỊBỤLỤ

² Ọmịnị omongiapụ, ó ḅeri-tokoloma ì pokii! Juda ḅụ sime-ḅọ sime-ḅọ pokii. Jen sakị nwẹn pembema ye paka tẹ ọmịna sakị anịanịa ọmịna atẹngịapụ sakị ḅụ?

Jowẹlị 1:2 Iomraidhean Croise

Jobu 12:12

Nimi omongi na emi, anịsakị ye fie ye naa tọnwa aḍin ḅụ emi. Jobu pịkị ḅẹẹm:

Jobu 15:10

Omongi ị́ ḍa nẹngị, iḅulu sịḅị ḅụ ḅịyatẹ apụ na, omongitẹ apụ na wamịna ogboku emi.

Jobu 21:7

Si-sịḅịḅio-sụa ḅọ ḅe tiegotẹ ḍumo mu omongi ene la, tẹ kụrọ ḅụ paka-ḅo opu sọarị?

Jobu 8:8

Àrị ị́ tẹkẹm, iḅere-iḅerea kụra-ḅio ḅọrọtẹ asakị ma gbela nimi; tẹ ḍapụ ma ḍọkị-ẹrị tẹ aị ma kẹ ḅiokoromaa;

Devidi-Anume 49:1

Ḅẹḅọ-ḅẹḅọ miemẹ naa! Ọmịnị ḅẹẹ-anga ḅẹẹ-anga simearị apụ mamgba, ó pokii,

Ayịzaya 34:1

Tomikiri ḅẹ opu asịẹ ma ḅẹ apụ mamgba, ó ḅoo! Ó ḅo kobiri ikelema tẹ pokii. Yee bebe tomikiri mẹ na anị ḅio angarị apụ mamgba na mịanga ḅo tẹ poki.

Ayịzaya 7:17

KỊNỊNYANAḄỌ ḅe ọkị-ḅo ị́yẹrị na, ị́ atomi na, í bebe amada-furo mẹ na ọgọnọ gbana ḅẹ-yearị opu ḅụụ-fụka mẹ, sii Izirẹlị sịẹ mẹ Juda ḅụ puu so kụra ḅio ḅo ọ́ la tẹ ye nẹngị ḅa — ori Asiriya ḅẹ amadaḅọ kẹ ḅoarị.

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Hosiya 5:1

“Ó miemẹ pokii, ọmịnị agbamịẹapụ! Izirẹlịapụ, ó ḅeri-tokolomaa! Ó pokii, ọmịnị amada-furo mẹ ḅẹ apụ! Kịnị ọmịnị inoma ofori ḅẹrẹ kọn ḅẹ tọrụ kẹ ó ḍikiarị — mie ḅụ ḅẹrẹkọn ọmịnị ọgọnọ gbana ḅa! Ó tuu wararị ọnya sọ wararị Mizipa ḅụ, sụa ịgbọ Tabọ Tụndụ ọgọnọ ḅụ,

Jowẹlị 1:14

Ó ḅuru-ịmọ tọn pakamaa, kobiri sịịn! Amakiri mẹ ḅẹ sịḅịdapụ ma na tomi ma na kobiri ḅoo, KỊNỊNYANAḄỌ ọmịna Tamụnọ ḅẹ Warị mẹ ḅio, tẹ owu pakama ọ̀ pịrịị.

Jowẹlị 2:2

Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Emọsị 3:1

Izirẹlịapụ, ọ́ mị oku mẹ pokii, anie KỊNỊNYANAḄỌ ḅe ḍuko tẹ ye mẹ ó gboloma ye ḅụ, ọmịnị bebe sịẹ mẹ tẹ Ijiputi ḅụ ori ọkị-ḅo apụ ma.

Emọsị 4:1

Ó miemẹ pokii, ọmịnị Sameriya ḅẹ ereme, tẹ Basani ḅẹ anambulo tẹ ini iḅiọkụ kokoarị aị kịka tẹ tim-tim wararị apụ, si ḅara kẹ ịnyọ nyana-a apụ na mịẹarị apụ, igoin-apụ ma ponomarị, tẹ ịgbanịarị mịnẹ ọmịna diapụ sakị mamgba ọfịrị-iru kẹ ọ́ pịrị ḅuu!

Emọsị 5:1

Izirẹlịapụ, ọmịnị arị ó gotẹ suuarị ḍụẹịn owu nume mẹ pokii:

Mayịka 1:2

Ọ́ naa ọmịnị Izirẹlị na, Juda ḅẹ apụ mẹmgba na; Ó ḅeri-tokoloma tẹ pokii, yei tomikiri na anị ḅio sime apụ mamgba na; anịsakị Kụrọmamgba Nyana Tamụnọ ḅe ḅẹrẹ-kiri sime ḅọ sọ ọmịnị ẹngbẹsẹ ḅa. Ó pokii, So-ḅio ọ̀ fịafịa sime anga ḅụ ori ẹkwẹn-arị.

Mayịka 3:1

Ó pokii ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn-apụ na! Ọ́ karakara ḅẹrẹkọn nimi na-iḅi-a?

Mayịka 3:9

Ó miemẹ naa, ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn apụ na, tẹ karakara ḅẹrẹkọn mẹ ḍiki-ḅioḅu tẹ anị sịkị, tẹ vuunma pịkị tẹ ḅẹrẹ mamgba pịkị-pịkị iḅoarị apụ.

Matiyo 13:9

Tẹ Jizọsị ẹkwẹn gbaịn tẹ ḅẹẹm, “Ọkọẹrẹsị, ọ́ naa ḅẹ-ḅiiarị ḅẹḅẹ ó pokii!”

Matiyo 24:21

Kẹ gotẹ ọkọ ḅẹẹarị, anị sakị mẹ ḅụ ḅo ḅarị ḅụụ-fụka mẹ, kẹ anị tọnma ḅẹ ye jen sakị amụ paka-a, tomikiri mẹ bịan saakị kụra-ḅio, ḅo mịmgba ḅẹ eneḅaka mẹ la. Tọrọkọ-jụ sọ anị pembema ye ḅarị pịkị paka ḅịa.

Mịẹfinji 2:7

“Í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii. “Owu-ḅara-iḅi nyana apụ ma à kụrọ kẹ ịn pịrị tẹ ịn Tamụnọ Ḍụọ mẹ ogboku so-pakarị ḍumo sịn mẹ ḅẹ mgbọlụ mẹ fị ḅa.