Jowẹlị 1:11 - FỊAFỊA BAỊBỤLỤ

¹¹ Ọmịnị ḍụọ-kọrịapụ, ó ḅioḅẹngbọ sii nyanaa; ọmịnị girepu-aḍụọ ma ḍikiḍikiarịapụ, ọmịnị owu pakamaa; ịn kẹ witi na bali na sịn afịaị ma inn, soku-ḅẹ afịaị mamgba gulugulu tẹ ẹrẹsị.

Jowẹlị 1:11 Iomraidhean Croise

Ayịzaya 17:11

Kụma í ḍiḅi gbọrụ dede-ḅio ḅụ ḍiḅi aị ma puu-paka tẹ panga-ḅaa sọ, fịye soku sakị ḅụ í soku ḅẹ ye paka ḅịa. Ḅụụ-fụka na gwọ gwọ-a fụka-ye na kịngẹ mie paka ḅarịye.

Jerimaya 14:2

Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 50:16

Ḍụkụ tẹ ịn ḍụọ ḍiḅi ma anị amakiri mẹ ḅụ, anịanịa fịaị soku tẹ kobiri warị suu. Jen sịẹ ḅẹ ḅọ tẹ anị yọ angarị ḅọ goḅọ-goḅọ owu kẹ ịn pakarị ọmụ-ogbo mẹ gotẹ ḅalafaa ḅa, tẹ mangị pịkị-so ama mu ḅa.”

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Izikẹlị 30:2

Ori mẹẹ: Fịị-fịị tomḅọ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye mẹ ḅẹ ịkịan koroo, tẹ ḍuko wasamaa. Mịna ẹkwẹn ma oloku-pakama mẹ anie ị́ nyana tẹ mịẹ ḅẹ ye: opu ḅalafa ene ḅoarị!

Emọsị 5:16

“Opu ama mẹ ḅẹ etela ma ḅio ḅụ kịnị kururu ḅụ sule-sule owu ḅa. Ḍụọ-kọrịapụ sọ ini ịn sịn ḅo tẹẹ ini owu ḅẹ ọkọ ḅo apụ ma na sọ tẹ owu ḅa.

Romu 5:5

Tamụnọ ọ̀ kẹ ḍie wa pịrị wararị Fịafịa Tẹmẹ ḅe ḅụ ḅọrọ tẹ ḅẹlẹma kẹ wamịna ḅioḅẹngbọ ḅụ ọsụma sara tẹ ẹrẹsị, wa nyana ḅiokpọ mẹ ḅarị papaaye sọ-a.