Jowẹlị 1:10 - FỊAFỊA BAỊBỤLỤ

¹⁰ Ḍụọ-akiri ma gulugulu tẹẹ, kiri mẹ ḅarị fịaị pakama-a; anịẹrẹsị mgbọlị-fịye ḅarị ofori. Ịwọ iru fa tẹẹ, Pulo sọ fa tẹẹ.

Jowẹlị 1:10 Iomraidhean Croise

Suku-saakị 4:12

Í kiri mẹ tẹkẹ ma tẹ fịye ḍiḅi sakị, ḍiḅi sakị anị ḅarị amịna ịnyọ pakama-ḅo ị́ pịrị ḅịa. Tomikiri mẹ ḅụ ị́ karakara nimi-a ḅọ sọ tẹ ikelekelema-ḅọrọ ḅa”.

Ayịzaya 15:6

Nimirimu ḅẹ ḍaḅa mẹ samụnọ wararị, anị ikelema wararị osuka ma fịị tẹ. Ịwọ gberie-sọ ofori.

Ayịzaya 24:11

Tomi etela ogbo ma ḅụ iru ḅarị ofori gotẹ olokuarị. Ḅioḅẹlẹ gbọrsịḅị so tẹ; amakiri mẹ ḅụ ini anị dee-siin tẹ.

Ayịzaya 24:7

Kụrọ mgbọlụ ma kpatụarị, tẹ iru saakị kụrọarị. Gbọrụ sakị ḅioḅẹlẹ sime apụ ma ḅo mịọkụ kururu tẹ,

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 48:33

In ḅioḅẹlẹ na ḍereku na ọkị so tẹẹ, Mohabụ iḅi fịye pakama kiri nyana sịẹ mẹ ḅụ. À mịẹ tẹ kụrọ kin anga mẹ ḅụ iru ḅarị sara-paka-ḅoa; sime tẹ iru mẹ mịẹ tẹ ḍereku oloku kọn ḅẹ gbọrụḅọ-sọ ofori.”

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Hosiya 9:2

Kụma ala-a ọ́ ḅarị ọmịnị na iḅi ḅẹ ḅara kẹ mbịaka na olivu pulo na nyana ḅịa, tẹ waịnị iru ḅarị paka ḅịa.

Jowẹlị 1:12

Girepu-aḍụọ ma na, ịla asịn ma na, eneme ma na kpatụ tẹẹ. Fị-fị asịn mamgba ịnyịnya sara tẹ fịịm. Tomi ḅarị inetẹ ḍereku-a.

Jowẹlị 1:5

Ọ́ naa saakị tẹ owuu, ọmịnị iru ḅuu ebeka amẹẹ; owu pakamaa, ọmịnị tọrụ-ḅaa-a iru ḅuu apụ; girepu-asịnmgbọlụ ma tẹ ịn kẹ ịwọ iru mịẹ ḅẹ aị ma in guluguluma tẹẹ.

Jowẹlị 2:19

Ori ịn pakịrịm: “Mịọkụ à mgbọlị-fịaị na, iru na, pulo na kẹ ọ́ pịrị ḅẹ-yearị, tẹ arị ọmịnị na iḅi ḅa. Ja asịẹ ḅarị jen kẹ ó ḍiki-sima ḅịa.

Lẹvitikọsị 26:20

anịsakị ọ́ papaa ọmịna ịnyọ fama ḅa, kẹ gotẹ ọkọ ḅẹẹarị, ọmịna kiri ḅarị anị ḅẹ tọnwa aị pakama-ḅo ḅịa, tẹ kiri mẹ ḅẹ opu asịn ma ḅarị ịna sịnmgbọlụ sụa ḅịa.”

Habakọkụ 3:17

Anị nwẹnị karakaraye tẹ figi asịn ma mgbọlụ sụa-a sọ, tẹ gbọrụ girepu sọ vaịnị asịn ma ḅụ paka-a sọ anị nwẹnị karakaraye tẹ olivu ḍiḅi-aị ma ye sụa-a sọ, tẹ ḍụọ ḍiḅi akiri ma mbịaka pakama-a sọ, anị nwẹnị karakaraye tẹ anana mamgba fịị sọ, tẹ opu anama koko ayọ ma ḅụ gberie-sọ ofori sọ,

Hegayị 1:11

À samụnọ sakị ọkị-ḅo kiri mẹ lama tẹ — anị ḅẹ tụndụ ma ọgọnọ na, mbịaka aḍụọ ma na, kụrọ aḍụọ ma na, fị sịn mgbọlụ aḍụọ ma na — kiri mẹ pakama-ḅoḅo ye goyegoye, tomi na nama amẹẹ ma ọgọnọ na, ọ́ ḅụụkụrọma tẹ ḍiḅi ḅarịye goyegoye ọgọnọ ḅụ.”

Malakayị 2:3

À fomu-ḅara kẹ ọmịna awọmẹ pịrị tẹ ọ́ kẹ agba mịẹarị anama ma afuro ḅio in polo pakama-ḅo aị ma kẹ ọmịna atọrụ-kuḅu ọmbị ḅa; ini ọ́ kẹ paka fịnya-fịnya opu sara mẹ mu ḅa.