Jọsụwa 9:2 - FỊAFỊA BAỊBỤLỤ

² miemẹ naa tẹso, ịn nwẹnị ḅụụ kobiri gboloma tẹ gbọrụ ḅịḅị-kẹ-ogbosọ-a ḅụ owu kẹ Jọsụwa na, Izirẹlị na paka ḅẹ ḅara.

Jọsụwa 9:2 Iomraidhean Croise

Egberima-Ẹkwẹn 11:21

Í inetẹ kẹ karakaraye sọma ḅa mịnẹ si-mịẹapụ fomu-ḅara nyana ḅa, kụma karakaraye-mịẹapụ ma pụkọ-pakaḅo ḅa.

Ayịzaya 54:15

Gbọrụḅọ owu kẹ ị́ pakarị ḅẹḅẹ, ị̀ ḅịḅị-sọ-a ḅara mie ọ̀ kẹ anị mịẹarị; ḅẹḅọ-ḅẹḅọ tẹ owu kẹ ị́ pakarị ḅọ mḅọ ḅịkị ḅa.

Ayịzaya 8:12

“Tomi ma ḅụ sọma ịn tọn tẹ mịẹ ḅẹ ḍọkịarị aị ma ḅụ, pịkị in gotẹ ḅalafaarị aị ma ḍiki-ḅalafa ma.

Jọsụwa 10:5

Anịtẹso Amọrayịtị apụ ma ḅẹ sọnọ amadapụ ma, Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na nwẹnị ịna ọmụgbin-apụ kobiri, tẹ ịna ọmụ-ogbo mamgba na ini na nwẹnị gbọrụ ogbo ḅụ sime Gibiyọnị pịrị tẹ owu kẹ anị paka.

Jọsụwa 11:1

Jabini, Hazọ ḅẹ amadaḅọ miemẹ gbolomaye naa tẹso, ọ̀ nwẹnị ḅịḅị kẹ Jobabụ, Madọnị ḅẹ amadaḅọ na, Simirọnị ḅẹ amadaḅọ ḅe na, Akisafụ ḅẹ amadaḅọ ḅe na,

Jọsụwa 11:5

Mịna amadapụ mamgba ịna ọmụgbin-apụ ma na gbolomatẹ ḅo Izirẹlị na owu sọ ḅẹ gotẹ Mẹrọmụ ḅẹ aminji ma akaka ḅụ gbolomatẹ simem.

Jọsụwa 24:11

Ọ́ nwẹnị Jodanị mẹ mẹnjị saḅa tẹ ḅo Jeriko la, tẹ Jeriko ḅẹ apụ ma ọmịnị na owu-sọm, tẹ Amọrayịtị apụ ma na, Pẹrịzayịtị apụ ma na, Kenanị ḅẹ apụ ma na, Itayịti apụ ma na, Gagasayịtị apụ ma na, Hivayịtị apụ ma na, Jebusayịtị apụ ma na sọ ọmịnị na owu sọm; tẹ arị ịn kẹ ọmịna ḅara-ḅio ḅụ ọ́ pịrịm.

Mịẹfinji 16:14

Ini ma anie ḅụụ-buama-aị mịẹ-mịẹ oru si-atẹmẹ. Mịna tẹra si-atẹmẹ ma nwẹnị mu tomikiri sime amadapụ mamgba kobiri ḅo mịnẹ in ḅo Kụrọmamgba Nyana Tamụnọ ḅe opu Ene mẹ ḅẹ ọmụ mẹ gbin.