Jọsụwa 9:1 - FỊAFỊA BAỊBỤLỤ

¹ Amadapụ mamgba tẹ Jodanị mẹ ọgọnọ-jụ tụndụ ọgọnọ sime opu sịẹ mẹ ḅẹ apụ na, Gburo-gburotẹ Opu Tọrụ mẹ ḅẹ akaka lẹgịtẹ kiri ḅụ angama tọrụ mẹ ḍuka Lẹbanọnị da-mu Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na ḅụ sime apụ ma na,

Jọsụwa 9:1 Iomraidhean Croise

2 Samụẹlị 24:7

Anịtẹso ịn ḅo Taya ḅẹ ini ọmụ gotẹ nama kụrọma opu ama mẹ na, Hivayịtị apụ na, Kenanị ḅẹ apụ na opu ama mamgba lam; tẹ ịn paka-so Juda suku-jụ ḅẹ Biyasẹba mum.

Paka-so 23:23

“Ì enjẹlị ọmịna tọrọkọ tarị mu tẹ ọmịnị ọkị-ḅo Amọrayịtị apụ ma na, Itayịti apụ ma na, Pẹrịzayịtị apụ ma na, Kenanị ḅẹ apụ ma na, Hivayịtị apụ ma na, Jebusayịtị apụ ma na ogbo-ḅio suu, tẹ àrị ịn ḅaa siin sakị,

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Paka-so 3:17

Anịsakị à mininim mịnẹ àrị Ijiputi ḅụ ọmịnị ẹrịarị tọrụsiẹrị mẹ ḅio ọ́ sakị pakama ḅụụ-ḅẹlẹmatẹ iḅiọkụma fịye so-pakamarị pịkị wulala wararị sịẹ ḅo ḅa, tọnwa fịaị simearị anga. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.’”

Paka-so 34:11

Ọ́ mịmgba à tọn ọ́ pịrịarị aị ma kẹ elekima sụa. Ḍikii àrị ọmịna tọrọkọ Amọrayịtị apụ ma na, Kenanị ḅẹ apụ ma na, Itayịti apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na dee-pakama ḅa.

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Kịẹn-aḅịḅị 34:6

Ịrụa-ideriarị-anga anga ḅụ oke sọ ḅarịye anie Mẹdịterenanị anie Opu Tọrụ mẹ na anị ḅẹ tọrụ-agara na.

Ditẹrọnọmị 1:7

Miemẹ ẹrẹsị ọ́ saakịị, tẹ mẹnjị tọrọkọ Amọrayịtị apụ ma tụndụ ọgọnọ ḅẹ opu sịẹ mẹ na anị na kpeki tẹ angarị apụ mamgba na ama ma muu — anie Jodanị tụndụ suku-ḅio na, ḅẹ opu sịẹ mẹ na, lẹgịtẹ-kiri mẹ ḅẹ ama mẹ na, Samụnọtẹ Kiri ḅẹ mẹ na, opu tọrụ mẹ agara mẹ na, Kenanị ḅẹ apụ ma ama mẹ na, Lẹbanọnị na ọkị mu opu tọrụ mẹ jụjụ-ḅio Yuferetisi Tọrụ mẹ la.

Ditẹrọnọmị 3:25

Yee à saḅa-ḅọrọ tẹ Jodanị mẹ ọgọnọ-jụ ḅụ simearị iḅi ama mẹ, anị tụndụ ọgọnọ ḅẹ iḅi opu sịẹ mẹ na, Lẹbanọnị na ẹrị, arị ị́ tẹkẹm.

Ditẹrọnọmị 4:49

na Jodanị mẹ ḅẹ ịrụa-saakịarị-anga mẹ ḅụ Ịkpa ḅio ḅẹ Ele mẹmgba, ọkị mu Ịkpa ḅio ḅẹ Ele mẹ ḅẹ Opu Tọrụ mẹ sime jụjụ-ḅio la Pisiga Tụndụ ḅẹ tuma kiri mẹ suku-ḅio kẹ sụa.

Ditẹrọnọmị 7:1

KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 1:4

Mị suku-jụ mẹ ḅụ simearị ịkpa mẹ na mị Lẹbanọnị mẹ na ḅụ ọkị nwenii mu Yuferetisi opu tọrụ mẹ la, Itayịti apụ ama mamgba ọkị mu Opu Tọrụ mẹ ḅụ ịrụa-ideriarị-anga muarị anga mẹ la, ọmịna ye-yọ sọ ḅa.

Jọsụwa 10:23

Ini ọkọ mịẹm, tẹ fukuru mẹ ḅio sọnọ amadapụ ma anie Jeruselemu ḅẹ amadaḅọ ḅe na, Hẹbụrọnị ḅẹ amadaḅọ ḅe na, Jamutu ḅẹ amadaḅọ ḅe na, Lakisi ḅẹ amadaḅọ ḅe na, Igilọnị ḅẹ amadaḅọ ḅe na ọkị-ḅom.

Jọsụwa 11:17

Halakị Tụndụ tẹ saakị-gelema Seya da-mu wararị tụndụ ḅụ ọkị mu Beligadị jụjụ-ḅio, Amọnị tụndụ suku, Lẹbanọnị ḅẹ tụndụ-ogboku mẹ ḅio la. Ori ịna amadapụ mamgba ọkịm, tẹ ịn fomu tẹ ịn ḅaam.

Jọsụwa 13:5

na Gẹbalayịtị apụ kiri mẹ na, Lẹbanọnị mẹmgba na, ịrụa-saakịarị-anga mẹ da-mu ḅụ Beligadị. Ẹmọnị Tụndụ mẹ suku ḅụ ọkị mu mẹnjị Hamatị sọarị ḅọkọ mẹ la,

Jọsụwa 15:12

Anịsakị ịrụa-ideriarị-anga ḅụ oke mẹ anie Gburo-gburotẹ Opu Tọrụ mẹ na anị ḅẹ agara mẹ sụụn ḅọrọ ḅara mẹ na.

Jọsụwa 22:4

Anịsakị KỊNỊNYANAḄỌ ọmịna Tamụnọ ḅe mịọkụ ịnyọsara kẹ ọmịna amịnapụ ma pịrị tẹ, ọ̀ wẹrịtẹ kẹ ịn karịma ḅara; anịẹrẹsị ọ́ pịkị tẹ so anị ama mẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe Jodanị mẹ ḅẹ osi pakịrị anga ḅụ kẹ ọ́ pịrị tẹ ọ́ nyana ye simearị anga mẹ mu.

Jọsụwa 22:7

Mịọkụ Manasẹ furo mẹ kẹ maa anga ḍiya ḅẹ gbọrụ pakịrị Mozizi ye kẹ ịn pịrị nyana tẹ Basani ḅio ḅụ kụma osi pakịrị mẹ Jọsụwa Jodanị mẹ ḅẹ ịrụa-ideriarị-anga ḅẹ ama mẹ ḅụ ịna amịnapụ akaka ịn nyana ḅẹ anga kẹ ịn pịrịm. Tẹ Jọsụwa ịna ama ma fịrịma tẹ ịn boma sakị,

Jọsụwa 23:4

Ḍikii, sime anga kẹ ọmịna afuro ma pịrị ḅara ḅụ, mịna opu asịẹ mamgba tẹ sịẹ-sịẹ ma na sime gboloma opu asịẹ tẹ Jodanị mẹ ḅụ ọkị mu ịrụa-ideriarị-anga ḅụ Gburo-gburotẹ Opu Tọrụ mẹ la ḅụ à pẹlẹ-siin tẹ aị ma à nwẹn ḍie kẹ ọ́ pịrị tẹẹ.

Jọsụwa 24:11

Ọ́ nwẹnị Jodanị mẹ mẹnjị saḅa tẹ ḅo Jeriko la, tẹ Jeriko ḅẹ apụ ma ọmịnị na owu-sọm, tẹ Amọrayịtị apụ ma na, Pẹrịzayịtị apụ ma na, Kenanị ḅẹ apụ ma na, Itayịti apụ ma na, Gagasayịtị apụ ma na, Hivayịtị apụ ma na, Jebusayịtị apụ ma na sọ ọmịnị na owu sọm; tẹ arị ịn kẹ ọmịna ḅara-ḅio ḅụ ọ́ pịrịm.

Jọsụwa 3:10

Jọsụwa nwẹnị ḅẹẹ, “Mie ḅụ mie ọ́ nimi ḅarịye mịnẹ ḍumo wararị Tamụnọ ḅe ọmịna ogbo-ḅio emi, tẹ gbarị-a ḅara ḅụ ọmịna tọrọkọ Kenanị ḅẹ apụ ma na, Itayịti apụ ma na, Hivayịtị apụ ma na, Pẹrịzayịtị apụ ma na, Gagasayịtị apụ ma na, Amọrayịtị apụ ma na, Jebusayịtị apụ ma na dee pakama ḅa.

Jọsụwa 3:17

Izirẹlị mẹmgba saḅa-ḅọrọarị sakị agbamịẹapụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma Jodanị mẹ ogboku samụnọtẹ kiri ọgọnọ sịẹsime nwenii opu sịẹ mẹmgba Jodanị mẹ saḅa-koro famam.

Jọsụwa 5:1

Amọrayịtị apụ ma amadapụ mamgba tẹ Jodanị ịrụa-ideriarị-anga ḅụ sime-sime apụ ma na, Kenanị ḅẹ apụ ma amadapụ mamgba tẹ opu tọrụ mẹ akaka sime sime apụ ma naam mịnẹ KỊNỊNYANAḄỌ ḅe Jodanị mẹ ḅẹ aminji ma samụnọma Izirẹlị ḅe atomi ma pịrị nwenii ịn saḅa-korom ḅẹ ye ḅụ ịna ḅioḅẹngbọ sanịm ịn ḅarị ḅioḅẹngbọ nyana-a, tẹ tẹmẹ gbọrụmgbọ-sọ ḅarị ịna aḅụụ ofori, Izirẹlị ḅe atomi ma gotẹ.

Jọsụwa 6:27

Mị-ḅara mie KỊNỊNYANAḄỌ ḅe kẹ Jọsụwa na sime-ḅara; tẹ ori ereso nwẹnị opu ama mẹmgba ikelema-koro.

Jọsụwa 9:7

Kụma Izirẹlị ḅẹ owiapụ ma nwẹnị Hivayịtị apụ ma ḅẹẹ, “Sosi-ọkụma, ọ́ wamịna ogboku angarị; anị kụma wa tọ-ḅara kẹ inetẹ ọmịnị na ọḅọkụ fị ḅẹ?”