Jọsụwa 8:8 - FỊAFỊA BAỊBỤLỤ

⁸ Anịsakị ọmịnị opu ama mẹ ọkị sakị ọ́ fịnị kẹ opu ama mẹ ḅụ sụa ḅa, KỊNỊNYANAḄỌ ḅe wẹrịtẹ ḅẹẹ tẹ ḅara, ọmịnị à tọn ọ́ pịrị ḅara ḍiki mịẹ.”

Jọsụwa 8:8 Iomraidhean Croise

2 Samụẹlị 13:28

Anịtẹso Abusalọmụ nwẹnị tọn ori afịrịmẹnjịapụ pịrị “ọmịnị Amịnọnị iru ḅuu tọrụ-ḅaama ḅẹ sakị kẹ elekima sụa, anịsakị arị ọ́ ḅẹẹm, ‘Ọmịnị Amịnọnị fomuu,’ ḅẹḅẹ, anịrẹ ọmịnị ọ̀ ḅaa. Ọ́ ḅalafa ma; yẹrị mie tọn ọ́ pịrị yee, ọkọ-a? Ó ḅiokpọọ, tẹ ḅụụ tukutuku ma,”

Ditẹrọnọmị 20:16

Kụma mịna atomi ma tẹ KỊNỊNYANAḄỌ ọmịna Tamụnọ ḅe kẹ sime anga ḅụ ọ́ pịrị tẹ opu ama ma ḅio ọwụ nụnụ ọkị-ọkị sara, sara pakamarị gberie-sọ ọ́ ḅọrọma tẹ ḍumo-sime ḅịa.

Jọsụwa 1:16

Tẹ ịn nwẹnị Jọsụwa pakịrị, “Ị́ tọn wa pịrị aị mamgba wa mịẹ ḅa, anịsakị ị́ wa kẹ fịrịma anga, fịrịma anga wa mu ḅa.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 6:24

Anịtẹrẹmẹ ịn fịnị kẹ opu ama mẹ na, anị ḅio sime aị mamgba na dọkịmam; seleḅa na, golu ma na, pịkị ojo na, ikulele na kẹ tẹmẹ ẹfẹrẹ ma na ngẹrị mie ịn kẹ KỊNỊNYANAḄỌ ḅe warị mẹ ḅẹ ye koko anga ḅụ suu ye.

Jọsụwa 8:13

Mị-ḅara mie ini ọmụgbin-apụ ma koroma ḅara, sịḅịda itu mẹ opu ama mẹ ḅẹ ọgọnọ-jụ emi, anịsakị anịḅẹ ọḅụ koru itu mẹ opu ama mẹ ḅẹ ịrụa-ideriarị-anga emi. Kụma Tụndụ-ogboku mẹ ḅụ mie Jọsụwa anị ḍin kẹ sime ye.

Jọsụwa 8:2

Ị́ ị́ kẹ Jeriko na, anị ḅẹ amadaḅọ na mịẹ ḅara kẹ Ayị na, anị ḅẹ amadaḅọ na mịẹ ḅa; anị ḅẹ ngọ ma na, opu anama ma na mie ọ́ fọịn ọkị ọmịna ḅụụ pịrị ḅarịye; ọmịnị opu ama mẹ ọḅụjụ ḅọị sime anị ẹbịị.”

Jọsụwa 8:22

Osi apụ ma nwẹnị opu ama mẹ ḅụ sime tẹ ḅo ịn da-paka, mị ḅara, ḅụ ini Izirẹlị ogboku ḅụ simem, ja apụ mị pakịrị emi anịsakị ja apụ anị pakịrị emi; tẹ Izirẹlị in ḅaa nwenii kọn tẹ ḍumo ḅọ, anịanịa mangị-so kpọkpọ gbọrụḅọ-sọ ofori.

Jọsụwa 8:28

Anị ḅara mie Jọsụwa kẹ Ayị dọkịma ḅara, tẹ anị kẹ si-aị nguma kpoli sara sọma gbamasom anị wẹrịtẹ sime ḅo mịmgba sọ la ḅara.

Jọsụwa 8:7

Anịtẹrẹmẹ ọ́ ḅọị sime tẹ ẹbịarị anga mẹ ḅụ ọ́ saakị paka-ḅo tẹ opu ama mẹ ọkị ḅa; gbala KỊNỊNYANAḄỌ ọmịna Tamụnọ ḅe anị kẹ ọmịna ḅara ḅio ọ́ pịrị ḅa ẹrẹsị.

Jọsụwa 8:9

Anieḅụ Jọsụwa ịn fịrịma pakama ịn ḅọị sime tẹ ẹbị ḅarị anga mẹ mum, tẹ Bẹtẹlị na Ayị na ogboku, ịrụa Ayị ḅụ tuuideriarị pakịrị ḅụ simem; kụma anị ḍin mẹ Jọsụwa kẹ tomi ma ogbo-ḅio simem.

Ḅẹrẹkọn-apụ 4:6

Gbọrụ ene ḅụ, á nwẹnị fịrịma ịn mu Barakị, Abinohamụ owiḅọtụḅọ ḅe sịn ḅoo. Oriḅe anie Nafutali ḅẹ ḅọ Kẹdẹsị ama ḅụ. Ò ḅo tẹso á nwẹnị ọ̀ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe tọn ị́ pịrịarị, ‘Muu, Nafutali furo na Zẹbulọnị furo na ḅụ kịnị gbọrụ puku, sọnọ ẹndẹ finji (10,000) ọkị, tẹ ị́ atomi kobiri Tabọ Tụndụ ḅụ.