Jọsụwa 8:6 - FỊAFỊA BAỊBỤLỤ

⁶ anịsakị ịn wa ḍuka paka-ḅo ḅa, nwenii wa opu ama mẹ ḅụ ịn nụnụ so ḅa; kẹ gotẹ ọkọ ḅẹẹarị, ịn ḅẹẹ ḅa, ‘Ịn wẹrịtẹ tarị sọ mangị ḅara, ini ịna ḍumo-mangị kọn-arị wamịna aḅụụ.’ Anie wa ịna aḅụụ ḍumo-mangị kọn ḅarị ḅara.

Jọsụwa 8:6 Iomraidhean Croise

Paka-so 14:3

Kẹ gotẹ ọkọ ḅẹẹarị, Fero Izirẹlị ḅẹ apụ ma gbolomaye ḅụ ḅẹẹ ḅa, ‘Ini ama mẹ ḅio irima-irimarị; ịkpa mẹ ịn kiki tẹẹ.’

Paka-so 15:9

Kịnị na fịya-a ḅọ ḅẹẹm, àrị in ḍuka tẹ mu ịn la ḅa, à fọịn ngọ ma ḍiya ḅa, àrị à ḅii ḅara kẹ arị nyana ḅa, àrị ì okologie sin ḅa, à ḅarana ịn ḅaa-guluguluma ḅa.

Nimi Tolumaḅọ 8:11

Kẹ gotẹ ọkọ ḅẹẹarị, ịn fomu-ḅara pẹlẹ tomḅọ mịẹ siye pịrị, pịrị, in sarama anị mịẹ-mịẹ-a; tomina awọmẹ ma ḅioḅẹngbọ mẹ gbọrsịḅị tẹlẹma siye mịẹ pịrị wararị ẹrẹsị.

Nimi Tolumaḅọ 9:12

Gbọrụ tomḅọ sọ amịna sakị nimi-a. Inji mu si ịgbọ ḅio sụka ḅara na, feni fiin mu ḍiein ḅio koro ḅara pembe ḅara na mie tomina awọmẹ ma kẹ mu si sakị ḅụ ḍiein ḅio koroarị ḅara, anị bẹkẹma ḅo ịn la tẹso, ọkụma.

Jọsụwa 8:5

anịsakị yẹrị na, ị̀nịna sime atomi mamgba na mẹnjị opu ama mẹ mu ḅa. Ịn wẹrịtẹ tarị sọ mịẹ ḅara, ịn paka wa dama-ḅo sakị, wamịnị ịna tọrọkọ ḍumo-mangị kọn ḅa;

Jọsụwa 8:7

Anịtẹrẹmẹ ọ́ ḅọị sime tẹ ẹbịarị anga mẹ ḅụ ọ́ saakị paka-ḅo tẹ opu ama mẹ ọkị ḅa; gbala KỊNỊNYANAḄỌ ọmịna Tamụnọ ḅe anị kẹ ọmịna ḅara ḅio ọ́ pịrị ḅa ẹrẹsị.

Ḅẹrẹkọn-apụ 20:32

Benijamịnị furo-ḅẹ-apụ ma nwẹnị ḅẹẹ, “Ịn tarị sakị mẹ ḅụ mangị ḅara kẹ wamịna tọrọkọ ḅụ mangị tẹ.” Kụma Izirẹlịapụ mẹẹ, “Yee wa ḍumo-mangị kọn, tẹ opu ama mẹ ḅụ ịn nụnụ ḅelema opu etela ma lama.”