Jọsụwa 8:4 - FỊAFỊA BAỊBỤLỤ

⁴ Ọ̀ tọn ịn pịrịm, “Ḍikii ọmịnị opu ama mẹ ọḅụjụ ḅọị sime anị ẹbị ḅa, ọmịnị opu ama mẹ ḅụ ḅele ḅaka ma, kụma ọmịnị-mgba ọmịna ḅụụ tẹlẹma wẹrị;

Jọsụwa 8:4 Iomraidhean Croise

2 Amadapụ 7:12

Amadaḅọ ḅe nwẹnị ḍin mẹ ḅụ saakị, tẹ ori afịrịmẹnjịapụ ma ḅẹẹ, “À Siriya ḅẹ apụ ma kẹ tẹlẹma wa pịrị ye ḍuko ọ́ pịrị ḅa. Ịn nimi wararị mịnẹ ḅuru wa ḅaarị; ọkọ ẹrẹsị ini ịna akpụrụ-warị mẹ koroma-so tẹ mu ama mẹ akaka ḅụ ịna ḅụụ ḅọị wararị tẹ kuromarị mịnẹ, ‘Mịna apụ ma ama mẹ ḅio paka-ḅo sakị wa ḍumo tọrụ ḅụ ịn kuun-ọkị tẹ ama mẹ ḅio sọ-mu ḅa.’ ”

2 Paka-aị 13:13

Jerobohamụ ịna ọḅụjụụ kana-ḅọrọ tẹ ḅọị tẹ owu kẹ in paka ḅẹ ḅara kẹ kịnị fịrịma tẹ; mị-ḅara ḅụ ori ọmụapụ Juda tọrọkọ emi, ḅọị wararị apụ ma pịkị ịna ọḅụjụụ emi.

Nimi Tolumaḅọ 7:19

Nimi ḅẹlẹma ịnyọ kẹ ye-nimiḅọ pịrị tẹịn kẹ oyi ḅẹrẹtọn-apụ gbọrụ opu ama ḅụ sime tẹ ḅẹrẹtọn nẹngịm.

Nimi Tolumaḅọ 9:16

Kụma à ḅẹẹm mịnẹ nimi iḅi kụrọ nẹngịm; ini igoinḅọ ḅe nimi mẹ ḍiki-simam, tẹ ori ẹkwẹn-ḅịḅị mẹ kẹ ye-sịn-a ḅẹsọ.

Fịrịmẹnjịapụ 23:21

Kụma ḍụkụ ma. Ịna ḅụ kịnị amesi nẹngị apụ ọ̀ ḅaa ḅẹ tẹ ḅọị tẹ koruarị. Ịn ye karị ịna ḅụụ pịrị wararị mịnẹ ini ọ̀ ḅaa-a sime-ogbo, ịn fịye fị ḅịa pịkị ḅuu-ḅuu ye sọ ḅuu ḅịa. Mịọkụ ị́ ḅịḅị mie in koruarị ye.”

Jọsụwa 8:16

Anieḅụ tomi mamgba tẹ opu ama mẹ ḅio sime apụ ma ini ịn ḍuka ḅẹ ḅara kẹ ịn sịn ḅo gbolomam, tẹ ịn Jọsụwa ḍukarị ḅara mẹ nwẹnị opu ama mẹ ḅụ ịn nụnụ ḅelema.

Jọsụwa 8:3

Anieḅụ Jọsụwa na, owu mẹ sọarị owiapụ mamgba na iwo Ayị mu ḅẹ ḅara kẹ saakịm; tẹ Jọsụwa nwẹnị kụrọtẹ ḅiokpọ ḅara kẹ owu-sọ ḅara-ḅaatẹ kịnị tẹra apuku na jei ẹndẹ na (30,000) fịrịma mu ḍin ḅụ.

Ḅẹrẹkọn-apụ 20:29

Anieḅụ Izirẹlị nwẹnị kịnị kẹ ḅọị Gibiya ikelema-koro tẹ owu ẹbị.

Ḅẹrẹkọn-apụ 20:33

Tẹ Izirẹlị ḅẹ owiapụ mamgba nwẹnị ịna sime anga ḅụ saakị paka-ḅo, tẹ Balị-tama ḅụ ịna aḅụụ tẹlẹmam, anị sakị Izirẹlị ḅẹ owiapụ tẹ ḅọịtẹ ama mẹ ẹbị sime apụ ma nwẹnị ịn sime Geba ḅụ ịrụa-ideriarị-anga mẹ ḅụ fọnya mangị paka-ḅo.

Ḅẹrẹkọn-apụ 20:36

Anieḅụ Benijamịnị furo-ḅẹ-apụ ma nwẹnị ẹrị mịnẹ ini in inoma tẹ. Izirẹlị ḅẹ owiapụ ma nwẹnị kiri kẹ Benijamịnị pịrị, gbala ịn ḅioḅẹngbọ kẹ ḅọịtẹ ama ẹbị apụ ma tẹ sime Gibiya ẹbịarị apụ ma ọgọnọ gbana wararị ẹrẹsị.

Ḅẹrẹkọn-apụ 9:25

Sẹkẹmụ ḅẹ apụ ma nwẹnị kịnị kẹ tụndụ asịḅị ma ọgọnọ-jụ ḅụ ḅọị tẹ owu kẹ Abimẹlẹkị ẹbị, tẹ ini tẹ anị etela ḅụ ịna akaka mẹnjịma ḅọrọarị apụ mamgba aị pụkọ-pụkọ ọkịm; tẹ ịn nwẹnị anị ḍuko Abimẹlẹkị pịrị.

Ḅẹrẹkọn-apụ 9:32

Anịẹrẹsị mịọkụ ḍin ḅụ ị́yẹrị na owiapụ ma tẹ ị́ ḅụụ emi apụ ma na mu tẹ piri ma ḅio sime koruu.

1 Samụẹlị 15:2

Mie KỊNỊNYANAḄỌ ọmụ-ogbo ma nyana ḅọ ḅe ḍuko yee, “À fomu-ḅara kẹ Amalẹkị pịrị ḅa ịn kẹ Izirẹlị, Ijiputi ḅụ paka-ḅoarị sakị etela ḅụ ini na tụḅụrụ ḅara ḅụ kẹ in mịẹ ye ḅụ.

1 Samụẹlị 15:5

Sọlụ nwẹnị Amalẹkị ḅẹ opu ama mẹ ḅo, tẹ tụndụ ogboku mẹ ḅụ sime koru.