Jọsụwa 8:3 - FỊAFỊA BAỊBỤLỤ

³ Anieḅụ Jọsụwa na, owu mẹ sọarị owiapụ mamgba na iwo Ayị mu ḅẹ ḅara kẹ saakịm; tẹ Jọsụwa nwẹnị kụrọtẹ ḅiokpọ ḅara kẹ owu-sọ ḅara-ḅaatẹ kịnị tẹra apuku na jei ẹndẹ na (30,000) fịrịma mu ḍin ḅụ.

Jọsụwa 8:3 Iomraidhean Croise

Paka-so 17:9

Mozizi nwẹnị Jọsụwa ḅẹẹ, “Owiapụ sẹlẹ wa pịrịị, tẹ paka-mu Amalẹkị ḅẹ apụ ma na owu sọọ ḅaa. Àrị ị̀ ḅara-ḅio Tamụnọ mkpara mẹ ọlọ tẹ anị na mu tụndụ mẹ ọgọnọ sịẹsime ḅa.”

Matiyo 24:39

anịsọ paka ḅẹ-yearị ye mẹ ịn lekiri-a nwenii opu minji mẹ ḅo ịn gbaịn tẹ ịn fọnọ so sakị lam. Anie anị sime ḅarị ḅara Tomḅọ Tụḅọ ḅe ḅoarị sakị mẹ ḅụ.

Matiyo 24:50

Anịtẹso anị fịrịmẹnjịḅọ ḅe nyanaḅọ ḅe ò ḅiotọn-a ene na, ò nimi-a sakị na, ḅụ ḅo ḅa.

Matiyo 25:6

“Anị ḅo ḍin-ogbo la tẹso, kịnị nwẹnị oloku pakama, ‘Ḅie ere-ịyaḅọ ḅee! Ó ḅo ori na bịamaa!’

1 Tẹsalonịka 5:2

Kẹ gotẹ ọkọ ḍukoarị, ọmịnị ḅioju sọ nimi ḅara ḅụ, KỊNỊNYANAḄỌ ḅe ḅo ḅarị Ene mẹ furuḅọ ḍin ḅụ ḅo-ḅo ḅara pembe ḅara mie anị ḅo ḅarị ḅara.

Jọsụwa 10:7

Anieḅụ owu-akọnịapụ mamgba na, ḅiokpọtẹ owu-sọ ḅara-ḅaatẹ apụ mamgba na nwẹnị Jọsụwa ḅụụ sọ tẹ Giligalị ḅụ sime tẹ iwo mu.

Jọsụwa 8:2

Ị́ ị́ kẹ Jeriko na, anị ḅẹ amadaḅọ na mịẹ ḅara kẹ Ayị na, anị ḅẹ amadaḅọ na mịẹ ḅa; anị ḅẹ ngọ ma na, opu anama ma na mie ọ́ fọịn ọkị ọmịna ḅụụ pịrị ḅarịye; ọmịnị opu ama mẹ ọḅụjụ ḅọị sime anị ẹbịị.”

Jọsụwa 8:4

Ọ̀ tọn ịn pịrịm, “Ḍikii ọmịnị opu ama mẹ ọḅụjụ ḅọị sime anị ẹbị ḅa, ọmịnị opu ama mẹ ḅụ ḅele ḅaka ma, kụma ọmịnị-mgba ọmịna ḅụụ tẹlẹma wẹrị;

2 Pita 3:10

Kụma furuḅọ ḅo ḅara mie KỊNỊNYANAḄỌ ḅe Ene mẹ ḅo ḅarị ḅara. Anị Ene mẹ ḅụ So ma ịmaịn-faa ḅa, ḅeri-iningima ḅẹ ḅara ḅẹ fieye ḅụ, tẹ So-tọrụ simearị aị mamgba dọkị gulugulu-faa ḅa, tẹ kiri mẹ na anị ḅio sime ye goyegoye na ịmaịn-faa ḅa.

Ḅẹrẹkọn-apụ 9:32

Anịẹrẹsị mịọkụ ḍin ḅụ ị́yẹrị na owiapụ ma tẹ ị́ ḅụụ emi apụ ma na mu tẹ piri ma ḅio sime koruu.