Jọsụwa 8:1 - FỊAFỊA BAỊBỤLỤ

¹ KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Jọsụwa 8:1 Iomraidhean Croise

Devidi-Anume 27:1

KỊNỊNYANAḄỌ ḅe anie ì belee, pịkị ị̀ ḅọrọma; à gotẹ ḅalafa ḅẹ ḅọ ofori. KỊNỊNYANAḄỌ ḅe ye kẹ kịnị lama ḅẹ aị mamgba ḅụ ị̀ gbaịn-arị; gbala-gbala ị̀ ḅalafa ḅịa.

Devidi-Anume 44:3

Ị́ atomi ma ịna okologie kẹ ọmụ gbin tẹ owu-ḅara-iḅi ḅụ kiri mẹ ọkị-a; ini ịna kụrọ kẹ anị nyana ḅo-a, ị́ kụrọ na ị́ ịnyọ na ḅụ, í ini na sime ye ḅẹ ḅiokpọ ḅụ, anie nwẹnị ḍie-pakama mịnẹ ị́ ịn ḅẹlẹmam.

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 43:2

Í owolo minji ḅio ḅọrọarị sakị, arị ị́ na sime ḅa; ị́ ḅụụ-fụka í ḅilema fama ḅịa. Ị́ kọrị-fịnị ḅio tolu-ḅọrọarị sakị, ị́ dọkị ḅịa; ḅo ị́ laarị kụrọtẹ daaḍiki ma ye kẹ ị́ lama ḅịa.

Jerimaya 46:27

Ị̀ atomi, ọ́ ḅalafa ma, Izirẹlịapụ, ọ́ tẹmẹ-naịn-naịn ma, Anị sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị ikoliapụ amakiri mẹ ḅụ. Ọ́ pịkị ama ḅo tẹ dein ḅụ anga ḅa; ye ọ́ la ḅịa, tẹ gbọrụḅọ-sọ mịẹ tẹ ọ́ ḅalafa ḅịa.

Jerimaya 49:3

Hẹsịbọnị ḅẹ apụ, ọmịnị owu pakamaa! Ini Aị guluguluma tẹẹ! Raba ḅẹ ereme, ó mu ḍụẹịn ḍuu apụ ḅara kẹ kururuu! Ọmịnị akpa ịnwaịn tẹ kẹ ḍuu. Ọ́ mịẹarị ye nimi-a apụ ḅara kẹ mangị ikele-ikelee. Ọmịna tamụnọ Mịlịkọmụ ḅe ini ori na, ori agbamịẹapụ na, amadapụ awọmẹ na kẹ ọ̀ ḅụ sụa ọkị-so jen sịẹ mu ḅa.

Danẹlị 2:21

Ori anie ḅẹrẹtọn sakị-sakị ma pịrịarị; ori mie kịnị kẹ ama-damarị pịkị amadapụ sin-arị ori mie nimi na yefieye naa na kẹ kịnị pịrịarị.

Danẹlị 4:25

Ini í dee-pakama ḅa tomi ogboku ḅụ, tẹ í piri-ḅio-ḅẹ anama na anga ḅa. Ị́ sọnọma kụra kẹ nambulo osuka fị ḅara kẹ osuka fị ḅa, tẹ etela-ogbo mono ḅa, igirigi mẹ ị́ ọgọnọ sịra ḅarị anga. Anịsakị í minini ḅa mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa.

Danẹlị 4:35

Tomikiri ḅẹ atomi ma, ọ̀ ḅụụ papaa apụ; So-ḅio simearị enjẹlịapụ ma na kiri-ḅio simearị atomi ma na in ò suku-ḅio emii. Gbọrụḅọ-sọ inetẹ ọ̀ tọn ye kan ḅịa anịanịa “tiye ẹrẹsị?” kẹ ọ̀ mịẹarị ye gotẹ ò gbela.

Matiyo 8:26

Jizọsị nwẹnị pakịrị, “Ó tiegotẹ mị ḅara mẹmgba kẹ tẹmẹ-naịn-naịnarị? Ọ́ nyana minini boowa la ḅara ḍiki!” Anịtẹso ọ̀ nwẹnị saakị tẹ tọn fẹrụ mẹ na, ọnụngọ mẹ na pịrị tẹ arị daasịẹ, tẹ tọrụ mẹ nwẹnị yaụ-sime lama.

Ditẹrọnọmị 1:21

Ḍikii, KỊNỊNYANAḄỌ ọmịna Tamụnọ ḅe ama mẹ kẹ ọmịna tọrọkọ koroma tẹẹ; ọmịnị iwo muu, tẹ KỊNỊNYANAḄỌ ọmịna aḍapụ ma Tamụnọ ḅe ḍuko ọ́ pịrị ḅara ḅụ ọkị nyanaa; ọ́ ḅalafa, anịanịa, ḅụụ tukutuku nyana ma.

Ditẹrọnọmị 31:8

KỊNỊNYANAḄỌ ḅe mie tọrọkọ tarị ị́ pịrị wararị ḅọ. Ori ị́nịna sime ḅa; ori í pikirima, anịanịa ị́ sịkị ḅịa; siye ị́ ḅụụ la ḅẹ kuroma, anịanịa ekpe tukutuku nyana ma.”

Ditẹrọnọmị 7:18

Ọmịnị ịn ḍiki-ḅalafa ma; kụma ọ́ KỊNỊNYANAḄỌ ọmịna Tamụnọ ḅe kẹ Fero na, Ijiputi mamgba na mịẹ ye kẹ ḅiokoroma ḅa.

Ditẹrọnọmị 7:21

Ọmịnị ịn ḍiki-ḅalafa ma, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogbo-ḅio emi, gburo-gburotẹ tẹmẹ-naịn-naịnmarị Tamụnọ.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 10:7

Anieḅụ owu-akọnịapụ mamgba na, ḅiokpọtẹ owu-sọ ḅara-ḅaatẹ apụ mamgba na nwẹnị Jọsụwa ḅụụ sọ tẹ Giligalị ḅụ sime tẹ iwo mu.

Jọsụwa 10:8

KỊNỊNYANAḄỌ ḅe nwẹnị Jọsụwa ḅẹẹ, “Ịn ḍiki ḅalafa ma, kẹ gotẹ ọkọ ḅẹẹarị, àrị ịn kẹ ị́ ḅara-ḅio ḅụ ị́ pịrị tẹẹ; ịna aḅụụ gbọrụ owiḅọ sọ ị́ tọrọkọ ḅụ sịẹsime ḅịa.”

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 6:2

KỊNỊNYANAḄỌ ḅe nwẹnị Jọsụwa ḅẹẹ, “Ḍikii, à Jeriko na, anịḅẹ amadaḅọ na, kụrọ nyanatẹ ḅiokpọ ḅara kẹ owu-sọ ḅara-ḅaatẹ owiapụ ma na kẹ ị́ ḅara-ḅio suu ị́ pịrị tẹ.

Jọsụwa 7:9

Kẹ gotẹ ọkọ ḅẹẹarị, Kenanị ḅẹ apụ na ama mẹ ḅio simearị apụ mamgba anị gboloma ye naa ḅa, tẹ wamịnị ikelema-koro tẹ wamịna ẹrẹ pẹlẹ-siin ḅa tomikiri mẹ ḅụ; anịsakị í tiye mịẹ í gburo-gburotẹ ẹrẹ mẹ pịrị ḅẹ?”