Jọsụwa 7:9 - FỊAFỊA BAỊBỤLỤ

⁹ Kẹ gotẹ ọkọ ḅẹẹarị, Kenanị ḅẹ apụ na ama mẹ ḅio simearị apụ mamgba anị gboloma ye naa ḅa, tẹ wamịnị ikelema-koro tẹ wamịna ẹrẹ pẹlẹ-siin ḅa tomikiri mẹ ḅụ; anịsakị í tiye mịẹ í gburo-gburotẹ ẹrẹ mẹ pịrị ḅẹ?”

Jọsụwa 7:9 Iomraidhean Croise

Devidi-Anume 115:1

Ị́yẹrị kịngẹ, Yei KỊNỊNYANAḄỌ, ị́yẹrị kịngẹ — wamịnị-a — mie ebube sime pịrị na-iḅi ḅọ, í kuno-a ḅẹlẹma mẹ na ḅioḅẹngbọ kẹ ị́ ḅụụ ḅụ gbana na-iḅim mẹ ẹrẹsị.

Devidi-Anume 48:10

Kịnị í tokiniarị anga-anga ḅụ, ị́ ereso tomikiri mẹ kana-koroarị, Aḍụa ofori ḅara mie ị́ kẹ ḅẹrẹtọn-arị;

Devidi-Anume 79:9

Yei Tamụnọ, ḅarasụa wa pịrị tẹ wa ḅọrọmaa; wa pụkọ-pakamaḅo tẹ wamịna si-wẹrịso, sime ì pịrị ḅe kụn ẹrẹsị

Devidi-Anume 83:4

Ini mẹẹ, “Ó ḅo wa ịna sịẹ mẹ kan sara, anịsakị tomi Izirẹlị kẹ ḅioḅọrọma gbamaso ḅa.”

Devidi-Anume 83:5

Ịn gbọrụ-ḅịḅị-fie tẹ ịn tọn-arị ye mẹ ḅụ, tẹ ị́ na tụḅụrụ ḅẹ owu sọ gboloma ogbo sọ tẹ:

Paka-so 32:12

Ijiputi-ḅẹ-apụ ma tiegotẹ ḅẹẹ ḅẹ, ‘Siye kẹ ịn mịẹ ḅẹ kuroma mie ọ̀ kẹ ini ọkị-ḅo ye, tụndụ ma ḅio ịn ḅaa ḅẹm, tẹ tomikiri tọrụ mẹ ḅụ ịn fama? Ị́ ḅalafama kụrọ ịganị mẹ ḅụ pịkịị, tẹ mie ị́ atomi da-paka ḅẹ siye mẹ wẹrịsoo.

Izikẹlị 20:9

Kụma à mịẹ-a, aniemẹ ị̀ ẹrẹ sima ḅẹ sakị goyegoye, gbala ịn gbori tẹ ini na anga sime apụ ma ogboku ḅụ à ḍuko-pakama Izirẹlị pịrị tẹ mịnẹ à tọrọkọ-sụn tẹ ịn pakama-ḅo ḅẹm Ijiputi ḅio ḅụ.”

Jowẹlị 2:17

Yee agbamịẹapụ ma tẹ fịrịmẹnjị KỊNỊNYANAḄỌ ḅe pịrịarị apụ ma agbamịẹ-anga mẹ na ḅọrọ Tamụnọ warị mẹ sọarị yọ mẹ na ogboku tẹkẹ tẹ ḅẹẹ: “KỊNỊNYANAḄỌ, ị́ atomi ḍiki-sịḅị-kụrụkụrụụ. Wa ḅelemaa mị ḅụụ-jịrị mẹ ḅio; ḍụkụ tẹ igoniapụ ma wa ḍiki-sima ma. Ndẹẹ jen sịẹ wa kombo tẹ gbela ḅẹ ḅara, ‘Ọmịna Tamụnọ ḅe ọ̀ tọ-anga emi?’ ”

Mayịka 7:10

Anị sakị mie wamịnị na fịya-a apụ ma ẹrị ḅarịye, tẹ ḅụụ-jịrị nwẹnị inima tẹ ḅẹẹm, “Ndẹẹ KỊNỊNYANAḄỌ ọmịna Tamụnọ ḅe?” ḅẹẹ apụ ma gbaịn ḅa. Wamịna atọrụngbọ ini ẹrị-ẹrị ḅioḅẹlẹ ḅa; mịọkụ wa nwẹnị mẹnjị-ḅọrọ etela ma ḅẹ lịka nanga ḅara kẹ ịn nanga-nanga kiri gbin ḅa.

Kịẹn-aḅịḅị 14:13

Kụma Mozizi nwẹnị KỊNỊNYANAḄỌ ḅe ḅẹẹ, “Anị sakị mẹ ḅụ Ijiputi-ḅẹ-apụ ma anị naa ḅa, kẹ gotẹ ọkọ ḅẹẹarị, ị́ nyana kụrọ ḅụ mie ị́ mịna atomi ma ọkị-ḅo ye;

Jọnị 12:28

Ḍa, mịẹtẹ ị́ ẹrẹ ebube nyana!” Anịtẹso gbọrụ pọkọ nwẹnị So-ḅio ẹkwẹn tẹ ḅẹẹ, “À mịẹtẹ ebube ḅo anị la tẹ, tẹ à pịkị sin ọkọ mịẹ ḅa.”

Ditẹrọnọmị 9:28

Anie ofori ama mẹ tẹ ị́ wa ọkị-ḅo ama mẹ ḅofa ḅẹẹ, KỊNỊNYANAḄỌ ḅe ḅarị inetẹ ini ọkị-ḅo ama mẹ tẹ ọ̀ kẹ ịn karịma ama mẹ ḅio suu-a, tẹ ịn ḍiki-ḅioḅum ẹrẹsị ori ini ọkị-ḅo ḅaa ḅẹ ḅom ịkpa mẹ ḅio.”

Jọsụwa 7:10

KỊNỊNYANAḄỌ ḅe nwẹnị Jọsụwa ḅẹẹ, “Saakịị, í tiegotẹ ị́ tọrụkuḅu kẹ ḅịkị-koro?

Jọsụwa 7:8

Yei KỊNỊNYANAḄỌ, arị inetẹ tiye ḍuko ḅẹ, Izirẹlị ọḅụ pịkị inina fịya-a apụ gbin tẹrẹmẹ!

1 Samụẹlị 12:22

Kẹ gotẹ ọkọ ḅẹẹarị, KỊNỊNYANAḄỌ ḅe ori atomi kẹ wakị-nguma ḅịa, ori opu ẹrẹ mẹ ẹrẹsị, anị gbala KỊNỊNYANAḄỌ ḅe ḅụụ-ḅẹlẹm ọ́ kẹ gbọrụ atomi mịẹ ọ̀ ḅụụ pịrị.