Jọsụwa 7:6 - FỊAFỊA BAỊBỤLỤ

⁶ Anịtẹso Jọsụwa nwẹnị ori akapa kan tẹ ori na, Izirẹlị ḅẹ omongiapụ ma na nwẹnị KỊNỊNYANAḄỌ ḅe Ọḅọkụ-Igbe mẹ tọrọkọ ịna atọrụ-kuḅu kẹ ḅịkị kiri-ḅio koro tẹ sime nwenii ene ḅoḅiri, tẹ fọọn kẹ ịna asịḅị sara.

Jọsụwa 7:6 Iomraidhean Croise

Suku-saakị 37:29

Rubẹnị pịkịma olulu mẹ mum tẹ ẹrịm mịnẹ Josẹfụ ḅarị olulu mẹ ḅio ofori tẹso, ọ̀ nwẹnị ori akapa nụnụ kan,

Suku-saakị 37:34

Anịtẹso Jekọbụ ori opu akapa nụnụ kan, tẹ akpa kẹ ò ḅiri ḅụ ịnwaịn, tẹ tọnwa ḅẹ aḍin kẹ ori owiḅọtụḅọ ḅe kururum.

2 Samụẹlị 1:11

Anịtẹso Devidi nwẹnị ori akapa ọlọ tẹ arị kan; tẹ owiapụ ma tẹ ori na sime apụ mamgba sọ ọkọ mịẹm;

2 Samụẹlị 1:12

tẹ kururu, tẹ tẹmẹ-la ḅara kẹ owu, tẹ ḅuru-ịmọ nwenii ḅoḅiri-so la kẹ Sọlụ na, ori owiḅọtụḅọ Jonatanị na, KỊNỊNYANAḄỌ ḅe atomi ma na, Izirẹlị warị mẹ na pịrịm, gbala ini okologie mẹ ḅụ ḅịkị tẹ ẹrẹsị.

2 Samụẹlị 1:2

Tẹrẹị karama ene mẹ ḅụ, gbọrụ owiḅọ nwẹnị Sọlụ ọmụ-ogbo ḅio sime tẹ ḅo, ọ̀ kaan tẹ kapa na ori na; tẹ ọ̀ sịḅị mẹmgba lịka-lịka-lịka. Ò ḅo Devidi la tẹso, ọ̀ nwẹnị ḅịkị kiri-ḅio koro, tẹ kụn kẹ ọ̀ pịrị.

2 Samụẹlị 12:16

Devidi anịẹrẹsị Tamụnọ tẹkẹ tụḅọ mẹ pịrịm, tẹ Devidi ḅuru-ịmọm, tẹ ḍin mamgba ḅụ warị ḅio ḅụ warị ḅio sọ, sọ mu papaa kiri mẹ ḅio mono simem.

2 Samụẹlị 13:19

Tama nwẹnị fọọn ḍuu á sịḅị sara, tẹ vọrọrọ-kapa mẹ tẹ á sụa ye mẹ kaan-sara; tẹ á ḅara kẹ á sịḅị-ogbo gbana tẹ nwẹnị oloko oloku owu-ma mẹnjị so

2 Samụẹlị 13:31

Anịtẹso amadaḅọ ḅe nwẹnị saakị, tẹ ori opu akapa kaan-sara, tẹ ọ̀ ḅụụ saakị kiri gbin, tẹ ori afịrịmẹnjịapụ tẹ akaka ḅụ sịẹ, sịẹ wararị apụ mamgba nwẹnị ịna opu akapa kan.

2 Amadapụ 22:11

Amadaḅọ ḅe Oloko ḍiri mẹ ḅio ḅẹ ẹkwẹn-aḅịḅị ma naa tẹso, ọ̀ nwẹnị ori akapa kan.

2 Paka-aị 34:19

Amadaḅọ ḅe ḍiri mẹ ḅio ḅẹ ẹkwẹn-ḅịḅị ma naa tẹso, ọ̀ nwẹnị ori akapa kan.

Ẹzịra 10:1

Ẹzịra tẹkẹarị, si-goarị, owuarị tẹ ọ̀ ḅụụ sịẹma-sịẹma Tamụnọ warị mẹ tọrọkọ gbin-arị sakị, owiapụ na, ereme na, awọmẹ na gburo-gburotẹ kobiri-ogbo Izirẹlị ḅụ kobiri tẹ paka ọ̀ ḍọkụma-ḅom; gbala tomi ma akụ ye ḅụụ la ḅara kẹ tẹmẹ-la owu kọnm ẹrẹsị

Nehimaya 9:1

Mịọkụ mị akalụ mẹ ḅẹ si ini aḍin finji karama ene ḅụ Izirẹlịapụ ma nwẹnị ḅuru-ịmọ kẹ kobiri tẹ akpa sụa tẹ ịnwaịn, tẹ fọọn kẹ ịna asịḅị sara.

Ẹsịta 4:1

Mọdịkaya paka tẹ aị mamgba naa fama tẹso, Mọdịkaya nwẹnị ori akapa kan tẹ kururu gotẹ akpụrụ ọkị sụa, pịkị fọọn ḅiri, tẹ paka opu ama mẹ ogboku mu, tẹ nwẹnị gele pọkọ kẹ lee-leema ye ḅụụ ḅụ akụ ḅara kẹ owu;

Ẹsịta 4:3

Itu goyegoye tẹ amadaḅọ ḅe tọn ye na, ori oloko na ḅo la anga la anga, gburo-gburotẹ kururu na, ḅuru-ịmọ na, tẹmẹ-la owu kọn na, simini owu kọn na saakịm Juu-ḅẹ-apụ ma ogbo-ḅio ḅụ, tẹ ini ḅẹ opu anga akpụrụ sụa tẹ fọọn ḅio koro-simem.

Jobu 1:20

Anịtẹso Jobu nwẹnị saakị tẹ ọ̀ kapa kan, ọ̀ sịḅị sẹịn-siin, tẹ ḅịkị kiri-ḅio koro tẹ sunsin.

Jobu 2:12

Ini ala-jụ ḅụ ori ẹrị sakị, ini ò lekiri-a; tẹ ịn nwẹnị ịna pọkọ saakị tẹ tẹmẹ-la ḅara kẹ owu, tẹ ịna kapa kan tẹ fọọn wakị wakị So da tẹ kẹ ịna asịḅị sara, kẹ ịna kururu na akụ na ḍie ḅụ.

Jobu 42:6

anịẹrẹsị arị ị̀ ḅụụ ḍiki-simam, tẹ ḅụọ-kuḅu na ọpọ ḅio ḅẹ afọn na ḅụ pịkịm si ḅụ.”

Kururu Owu-apọkọ 2:10

Zayọnị ḅẹ ẹrẹḅọtụḅọ ma omongiapụ ma, ẹkwẹn-a ḅara kẹ kiri-ḅio lẹgị-simem; ịn fọọn kẹ ịna asịḅị sara tẹ akpa sụa tẹẹ. Jeruselemu ḅẹ fịrịmẹnjị-ereme ma, ịna asịḅị-tuu mu kiri lama tẹẹ.

Kịẹn-aḅịḅị 14:6

Tẹ Jọsụwa, Nọnị owiḅọtụḅọ ḅe na, Kẹlẹbụ, Jefune owiḅọtụḅọ ḅe na tẹ inima tẹ ama mẹ ẹnyẹ-apụ ma ogbo-ḅio sime apụ ma nwẹnị ịna akapa kan,

Kịẹn-aḅịḅị 16:22

Kụma Mozizi na Erọnị na nwẹnị ịna atọrụ-kuḅu kẹ ḅịkị kiri koro tẹ ḅẹẹ, “yei, Tamụnọ, oju-meni mamgba ḅẹ atẹmẹ ma ḅẹ Tamụnọ, kpọkpọ gbọrụ tomḅọ mịẹ si ḅụ ị́ ịganị nyana bebe tomina-ogbo mẹ pịrị ḅẹ?”

Kịẹn-aḅịḅị 16:45

“Mị tomina-ogbo ogbo-ḅio ó sikimaa, mịẹtẹ gbọrụ sakị kịngẹ ḅụ arị ịn ḅaa guluguluma ḅarị ḅara.” Ini maa apụ ma nwẹnị ịna atọrụ-kuḅu kẹ ḅịkị kiri koro.

Fịrịmẹnjịapụ 14:14

Banabasị na Pọlụ na ịn mịẹ ḅẹ tọn ye mẹ naa tẹso ịn nwẹnị ịna akapa kan tẹ mangị tomi ma ogboku sọ-mu tẹ oloku,

Jọsụwa 7:7

Jọsụwa nwẹnị ḅẹẹ, “yei, KỊNỊNYANA-TAMỤNỌ, Í tiegotẹ Jodanị ḅụ mịna atomi ma saḅama ḅo tẹ wa kẹ Amọrayịtị apụ ḅara-ḅio suu ḅaa ḅẹ ḅara? Anie nakara, wa mimgbe Jodanị mẹ ọgọnọ-jụ koro-sime wamịnị na iḅitẹịnm!

Mịẹfinji 18:19

Tẹ ịn fọọn ḍuu ịna asịḅị sara tẹ owu-owu tẹ ḅẹẹm, “Anị ḅalafama ḅara ḍikii! Mị opu ama mẹ tẹkẹlẹ tẹ ḅara ḍikii! Mị ḍụḅa ḅakatẹ opu ama mẹ Kọn-sara ngọ ḅụ mie arụ nyana tẹ tọrụ kọngọ dọkụ apụ mamgba ḅọrọ tẹ pẹrẹ ye! Kụma ḍikii, boowa kala-sakị kịngẹ ḅụ á nyana ye, nyana ye fa tẹ!”

Ḅẹrẹkọn-apụ 11:35

Tẹ ori árị ẹrị tẹso, ọ̀ nwẹnị ori akapa kan, tẹ ḅẹẹ, “Yaayoo, ị̀ ẹrẹḅọtụḅọ! Ị́ ị̀ kalama lama tẹẹ; anịsakị ị́ ḅo gburo-gburotẹ ḅụụ-fụka pakama-ḅo ị̀ pịrị ḅọ sọ tẹẹ; kẹ gotẹ ọkọ ḅẹẹarị, àrị ị̀ ḅịḅị finji tẹ ịlọ minini KỊNỊNYANAḄỌ ḅe pịrị tẹẹ, anịsakị à ḅarị à minini tẹ ịlọ mẹ pịkịma ọkị ḅịa.”

Ḅẹrẹkọn-apụ 20:23

Tẹ Izirẹlịapụ nwẹnị iwo mu KỊNỊNYANAḄỌ ḅe tọrọkọ tẹmẹ-la ḅara kẹ owu nwenii ḅoḅiri-so la; tẹ ịn nwẹnị KỊNỊNYANAḄỌ ḅe ḅụụ ḅụ gbela, “Wa pịkị sin wamịna amịnapụ Benijamịnị furo-ḅẹ-apụ ma na owu sọ kẹ kpeki mu ḅarị mọ?” KỊNỊNYANAḄỌ ḅe nwẹnị pakịrị, “Ó mu owu kẹ ịn pakaa.”

Ḅẹrẹkọn-apụ 20:26

Anịtẹso Izirẹlịapụ mamgba, bebe ọmụ-ogbo mẹ nwẹnị iwo so tẹ Bẹtẹlị ḅo, tẹ tẹmẹ-la ḅara kẹ owu. Ini anịjụ KỊNỊNYANAḄỌ ḅe tọrọkọ lẹgị-simem, tẹ ḅuru-ịmọ nwenii ḅoḅiri-so lam, tẹ KỊNỊNYANAḄỌ ḅe tọrọkọ dọkịma-agba na, dein-pịrị-agba na mịẹm.

Ḅẹrẹkọn-apụ 21:2

Tomi ma nwẹnị Bẹtẹlị ḅo tẹ Tamụnọ tọrọkọ lẹgị-sime nwenii ḅoḅiri-so la, tẹ ịna apọkọ saakị tẹ ye ḅụụ ḅụ akụ ḅara kẹ tẹmẹ-la owu kọn.

1 Samụẹlị 4:12

Benijamịnị furo ḅẹ gbọrụ owiḅọ owu-siri mẹ ḅẹ ọgbụrụ mẹ ḅụ mangị-som, tẹ anị gbọrụ ene ḅụ ḅo Silo lam; ori akapa kaan-sara wararị tẹ ọ̀ sịḅị mẹmgba lịka, lịka, lịka.