Jọsụwa 7:2 - FỊAFỊA BAỊBỤLỤ

² Jọsụwa, Jeriko ḅụ sime tẹ owiapụ kẹ Ayị fịrịmam, Bẹtẹlị ḅụ ịrụa-saakịarị-anga ḅụ simearị Betavini na kpeki wararị ama mẹ, tẹ ịn ḅẹẹm, “Ó muu, tẹ furu ḅara kẹ ama mẹ ḍikii.” Tẹ owiapụ ma mu furu ḅara kẹ Ayị ḍikim.

Jọsụwa 7:2 Iomraidhean Croise

Suku-saakị 12:8

Anịjụ ọ̀ nwẹnị pịkị saakị so Bẹtẹlị ḅụ ịrụa-saakịarị-anga mẹ ḅẹ tụndụ mẹ mu tẹ ori akpụrụ-warị pike, Bẹtẹlị ịrụa-ideriarị-anga emi, anịsakị Ayị ịrụa-saakịarị-anga mẹ ḅụ emi; tẹ anịjụ ọ̀ nwẹnị pịkị gbọrụ agbamịẹ-anga nama KỊNỊNYANAḄỌ ḅe pịrị tẹ KỊNỊNYANAḄỌ ḅe ẹrẹ mẹ sịn.

Suku-saakị 28:19

Ọ̀ nwẹnị ẹrẹ kẹ anịjụ mẹ sịn Bẹtẹlị; kụma tarị-pịrịpịrị-ḅụ ịn kẹ anịjụ sime opu ama mẹ sịn ẹrẹ Luzu.

1 Amadapụ 12:29

Ọ̀ nwẹnị gberie kẹ Bẹtẹlị ḅio ḅụ koroma tẹ nwẹnị osiye kẹ Danị ḅụ koroma.

Nehimaya 11:31

Benijamịnị ḅẹ apụ ma so Geba ḅụ saakị Mikimasi na, Ahija na, Bẹtẹlị na arịḅẹ kala-ama ma na,

Egberima-Ẹkwẹn 20:18

Iḅi toluma karakarama ẹkwẹn nyana, anịsakị ye ị́ na iḅi ḅa; ye kẹ ọrụtọn-a ḅara kẹ sakị-paka mu ọmụ gbin ma.

Egberima-Ẹkwẹn 24:6

Kunoma, ẹrị mịnẹ ị́ iḅiọkụ ye tọn karakarama tẹrẹmẹ ị́ paka ọmụ mum, ị́ pịkị iḅi datụkụma ẹkwẹn nyana lamam, anị ḅọkọ ḅụ mie ị́ ḅọrọ tẹ owu-ḅara-iḅi nyana ḅarịye.

Ayịzaya 10:28

Si kẹ kịnị tọn apụ ma ọmụ ogbo mẹ ḅo Ayị opu ama ọkị tẹ! Ịn mẹnjị Migirọnị tolu ḅọrọtẹ! Mikimasi ḅụ mie ini ịna ngọ-aị koko ye!

Jerimaya 49:3

Hẹsịbọnị ḅẹ apụ, ọmịnị owu pakamaa! Ini Aị guluguluma tẹẹ! Raba ḅẹ ereme, ó mu ḍụẹịn ḍuu apụ ḅara kẹ kururuu! Ọmịnị akpa ịnwaịn tẹ kẹ ḍuu. Ọ́ mịẹarị ye nimi-a apụ ḅara kẹ mangị ikele-ikelee. Ọmịna tamụnọ Mịlịkọmụ ḅe ini ori na, ori agbamịẹapụ na, amadapụ awọmẹ na kẹ ọ̀ ḅụ sụa ọkị-so jen sịẹ mu ḅa.

Hosiya 4:15

“Izirẹlịapụ ma nwẹnị ḅioḅẹngbọ-kẹ-sịrẹrẹ-niḅi-a ḅara sime ị̀ pịrịarị sọ, yee Juda paa anị gbọrụ si mẹ mịẹ ma. Giligalị anịanịa Bẹtẹlị ḅụ sunsin oru pịrị ma, anịanịa anị anga ḅụ ḍumo wararị Tamụnọ ḅe ẹrẹ ḅụ ye minini.”

Matiyo 10:16

“Ó pokii! À nwẹn kẹ ọ́ fịrịma pakamarị mẹ, à gbala ḅọrọ ọ́ kẹ anana kun pẹị-pẹị anama ogboku fịrịmarị ọkụ! Ọmịnị ododo aka tii tii ḅara kẹ aka tii tẹ olosịkịya ye kẹ kịnị lama lama-a ḅara mẹ simee, tẹ ye kẹ gbọrụḅọ-sọ lama ma.

Ẹfisọsị 5:15

Ọkọẹrẹsị, ọmịnị ó ḍumo kọn-arị ḅara ẹbịị. Ó gberie-sọ nimi-a apụ ḅara kẹ ḍumo kọn ma, kụma ye-nimiapụ ḅara.

Jọsụwa 12:9

Jeriko ḅẹ amadaḅọ ḅẹ, gbọrụḅọ; Bẹtẹlị akaka sime Ayị ḅẹ amadaḅọ ḅe, gbọrụḅọ;

Jọsụwa 18:12

Ọgọnọ-jụ pakịrị ḅụ ịna oke mẹ Jodanị mẹ ḅụ saakịm; anịtẹso anị iwo Jeriko ọgọnọ-jụ ḅẹ akaka mẹ mum, tẹ ịrụa-ideriarị-anga da-mu ḅụ iwo tụndụ ọgọnọ ḅẹ opu sịẹ mẹ tolu-ḅọrọm, tẹ anị nwẹnị Bẹtevẹnị Ịkpa mẹ ḅụ kunoma.

Jọsụwa 2:1

Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Jọsụwa 7:3

Ịn nwẹnị pịkịma Jọsụwa ḍọkụma-ḅo tẹ ọ̀ ḅẹẹ, “Yee tomi mamgba mu ma, kụma yee kịnị sọnọa ẹndẹ (2,000) anịanịa kịnị sọnọma ẹndẹ, oyia asi finji (3,000) pembe atomi mu tẹ owu kẹ Ayị paka; mịẹtẹ bebe tomina-ogbo mẹ ḅụụ nụnụ anịjụ mu ma, kẹ gotẹ ọkọ ḅẹẹarị, ịn boowa.”

1 Samụẹlị 13:5

Filisiteniapụ ma nwẹnị Izirẹlị na owu sọ ḅẹ kirimẹnjị-ọmụarụ tẹra puku, jeia ẹndẹ finji (30,000) tẹlẹma, asụ-dọkụ-ọmụapụ kịnị jeia ẹndẹ (6,000) na pekele-ḍiki tẹ sẹlẹ-ọkị, ḅụọ kẹ mẹnjị ọmụgbin-apụ itu kụma mịmọ ọgọnọ ḅẹ onwi sara ḅara saratẹ inweni-ogbo sẹlẹ-ọkị; in nwẹnị iwo Mikimasi dama-mu, anie Bẹtị-aveni ḅẹ ịrụa-saakịarị-anga mẹ, tẹ akpụrụ-warị pike tẹ kobiri.

1 Samụẹlị 14:23

Anị ḅara mie KỊNỊNYANAḄỌ ḅe kẹ anị ene ḅụ Izirẹlị ḍụa-ḅọrọma ḅara; tẹ owu mẹ mẹnjị Bẹtị-aveni ḅọrọ iwom.

1 Samụẹlị 30:27

Anị sime inima tẹ Bẹtẹlị na, Kenanị Suku-jụ ḅẹ Ramọtị na, Jataya na,