Jọsụwa 7:16 - FỊAFỊA BAỊBỤLỤ

¹⁶ Anieḅụ Jọsụwa ḅaaso ḅio saakịm tẹ furo-furo ma ọkị-ḅo kpekima, tẹ Juda furo mẹ ịn nwẹn ọkịm.

Jọsụwa 7:16 Iomraidhean Croise

Suku-saakị 22:3

Mie ḅụ ene-ḅaa ḅẹ dede-funfun ḅụ, Ebira-amụ nwẹnị saakị tẹ ò yedogi-nama dẹẹ tẹlẹma, tẹ ori afịrịmẹnjịapụ ma ḅẹ maa apụ na, ori owiḅọtụḅọ Ayịzịkị na ọkị; tẹ nwẹnị ọ̀ kẹ dọkịma-agba mẹ mịẹ ḅarị sanga mẹ pẹlẹ, tẹ saakị so anịanga mẹ tẹ Tamụnọ ḍuko ọ̀ pịrị anga mẹ mu

Devidi-Anume 119:60

À sakị fama-a ḅara kẹ fọnya ị́ tọn kuroma aị ma poki tẹ mịẹarị.

Nimi Tolumaḅọ 9:10

Ị́ ḅara laa tẹ ị́ inetẹ mịẹ ḅẹ ye goyegoye ị́ ịnyọ mẹmgba kẹ anị mịẹ; kẹ gotẹ ọkọ ḅẹẹarị, í muarị ḍuḅu mẹ ḅio kọrị-kọrị kọrịnama, anịanịa kuroma nyana, anịanịa ye ḍawọ ḍịn tẹ anị nimi, anịanịa nimi sọ ofori.

Jọsụwa 3:1

Ḅaso ḅio ḅụ Jọsụwa na Izirẹlị ḅẹ atomi mamgba na Sitimu ḅụ saakị mẹnjịm, tẹ ịn nwẹnị ḅo Jodanị mẹ la, tẹ anịjụ sime tẹrẹmẹ ịn saḅa-ḅọrọm.

Jọsụwa 7:15

Anịsakị oriḅe tẹ ‘Sime ḅaa na gulugulma na pịrị aị’ ma na emi ḅọ ḅe ịn fịnị kẹ ori na, ọ̀ nyana aị mamgba na dọkịma ḅa; gbala ọ̀ KỊNỊNYANAḄỌ ḅe ọḅọkụ mẹ kanm, tẹ pịkị ḅụụ-jịrịma ye mịẹ tẹ ẹrẹsị Izirẹlị ḅụ.”

Jọsụwa 7:17

Ọ̀ nwẹnị Juda ḅẹ ere-furo ma ọkị-ḅo ọkị-ḅo kpekima, ịn nwẹnị Zera ere-furo mẹ ọkị; tẹ ọ̀ nwẹnị Zera ere-furo mẹ ọkị-ḅo kpekima; tẹ tomḅọ sịḅị-sịḅị ọkị-ḅo kpekima tẹ ịn nwẹnị Zabidi ọkị.

Ḅẹrẹkọn-apụ 20:19

Anịtẹso Izirẹlịapụ ma nwẹnị dede-ḅio ḅụ saakị, tẹ owu kẹ Gibiya paka ḅẹ akpụrụ-warị pike.