Jọsụwa 7:11 - FỊAFỊA BAỊBỤLỤ

¹¹ Izirẹlị si mịẹ tẹ; ị̀ ọḅọkụ tẹ à tọn ịn pịrị ye mẹ ini anị kan tẹẹ; ‘Sime ḅaa na gulugulma na pịrị aị’ ma ḅẹ jaị ịn nwẹn ọkị tẹẹ; ịn furu tẹ ọkị ịna soku-ḅẹ aị ḅụ sụa tẹ iruo tẹẹ.

Jọsụwa 7:11 Iomraidhean Croise

2 Amadapụ 18:12

gbala ịn KỊNỊNYANAḄỌ ịna Tamụnọ ḅe ḅịḅị poki-a, pịkị ori ọḅọkụ mẹ sima, jen-a jen-a Mozizi KỊNỊNYANAḄỌ ḅe fịrịmẹnjịḅọ ḅe tọn ye mẹ; ini anị poki-a pịkị ọ̀ ḅịḅị poki-a.

2 Amadapụ 5:24

Ịn ḅo Ịlayịsa angarị tụndụ mẹ la tẹso, ọ̀ nwẹnị ịna aḅara ḅụ arị ọkị tẹ kẹ warị ḅio su, tẹ tomi ma fịrịma pịkị, tẹ ịn nwẹnị so.

Ayịzaya 24:5

Tomi ma kiri mẹ pilema tẹ, Tamụnọ oloko ma kan ḅụ, pịkị ori Ọḅọkụ mẹ tẹ sime-gbamaso ḅẹ ye mẹ sima ḅụ.

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Lẹvitikọsị 5:15

“Ḅẹḅọ-ḅẹḅọ nwẹnị nimi tẹ mịẹ-a ḅara ḅụ sime KỊNỊNYANAḄỌ ḅe pịrị fịafịa aị ma ḅụ ḅẹẹye-ḅẹẹye ḅụ minini ḅara mẹ mịẹ-a si-mịẹḅọ-mịẹḅọ, mḅọ anana-ogbo ḅio ḅụ ḅẹkụ ḅụụ ḅụ ofori gbọrụ ejimina ọkị-ḅo KỊNỊNYANAḄỌ ḅe pịrị ḅa mḅọ ḅara si ḅẹrẹ mẹ ḅẹ agbamịẹye ḅara ḅụ, ị́yẹrị fịafịa ye tọnye mẹ ḅụ ejimina ḅe la ye tọn nimi ḅa seleḅa apakịrị ḅụ; miemẹ anie ḅẹrẹ-ḅarasii agba.

Habakọkụ 2:6

Ini nẹngịma tẹ atomi ma ịn wori sima ḅa, tẹ ini ịn ḍiki-iderimarị ye ḍie-pakama ḅa. Ịn ḅẹẹ ḅa, “Ọmịna nye-a ye mie ọmịnị ọkịarị, kụma fomu-ḅara sime ọ́ pịrịm! Ọ́ paa tomi inetẹ ịn fị saa gbẹẹ-a gotẹ ponoma ḅara kẹ ịna ngọ fọịn-ọkị mu tọ-sakị la ḅẹ?”

Zẹkaraya 5:4

Kụrọmamgba nyana KỊNỊNYANAḄỌ ḅe ḍukoarị mịnẹ ọ̀ mị wori-nume mẹ fịrịma pakama ḅa, tẹ anị furuḅọ sime warị goyegoye na ye karị tẹrẹmẹ iruo ye ḍukoarị ḅọ sime warị goyegoye na so ḅa. Anị ịna awarị ḅio sime tẹ warị ma fama ḅa.”

Matiyo 22:21

Ịn nwẹnị pakịrị, “Romu Tomikiri mẹ daarị ḅọ ḅe tọrụkuḅu na, ẹrẹ na.” Mie ḅụ Jizọsị ịn ḅẹẹm, “Ọkọ ḅẹḅẹ iḅim, ó sime Romu Tomikiri mẹ daarị ḅọ ḅe pịrị ye kẹ Romu Tomikiri mẹ daarịḅọ ḅe pịrịị, pịkị sime Tamụnọ pịrị ye mẹ kẹ Tamụnọ pịrị.”

Fịrịmẹnjịapụ 5:9

Mie ḅụ Pita nwẹnị á ḅẹẹ, “Ndẹẹ í di na ị́ na tọn-pẹlẹ tẹ KỊNỊNYANAḄỌ ḅe Tẹmẹ ḅe daaḍiki ḅẹ ḅo ḅara? Í di ḍiḅi apụ ma ịn ḅọkọ anga emi mịọkụ, tẹ ini sọ dogi paka ḅa!”

Ditẹrọnọmị 17:2

Ọmịna ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama ma ḅụ, ḅẹ ama, ḅẹ ama ḅio, ọmịna ogbo-ḅio gbọrụ owiḅọ, anịanịa, gbọrụ ẹrẹḅọ, tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ, ori ọḅọkụ kan ḅụ siye mịẹ tẹ ọ́ ḍọkị-ẹrị-ẹrị,

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

Jọsụwa 23:16

Ọ́ KỊNỊNYANAḄỌ ọmịna Tamụnọ ḅe ọḅọkụ mẹ tẹ ọ̀ tọn ọ́ pịrị ye mẹ ḅụ mịẹ-irima tẹ mu fịrịmẹnjị oru-atamụnọ pịrị tẹ sịḅị-tuu ịn pịrị-pịrị, anịrẹ mie KỊNỊNYANAḄỌ ḅe ịganị kẹngẹma ọmịna ọgọnọ sara tẹ ọ́ fọnya ḅara ḅụ iḅi ama mẹ tẹ ọ̀ kẹ ọ́ pịrị tẹ ama mẹ ḅụ fịị fa ḅarịye.”

Jọsụwa 7:1

Kụma Izirẹlị ḅẹ atomi ma “Sime ḅaa na gulugulma na pịrị aị” ma oloko mẹ kanm. Ịn kẹ Ekanị sịn owiḅọ anie Kami owiḅọtụḅọ pịkị Zabidi taa-owiḅọtụḅọ pịkị Zera ile-owiḅọtụḅọ ḅe tẹ Juda furo ḅụ ḅo ḅọ ḅe “Sime ḅaa na guluguluma na pịrị aị” ma ḅẹ jaị ọkịm, tẹ KỊNỊNYANAḄỌ ḅe ịganị nwẹnị kọrị Izirẹlị ḅẹ atomi ma da-paka.

Jọsụwa 7:10

KỊNỊNYANAḄỌ ḅe nwẹnị Jọsụwa ḅẹẹ, “Saakịị, í tiegotẹ ị́ tọrụkuḅu kẹ ḅịkị-koro?

Ḅẹrẹkọn-apụ 2:20

Anieḅụ KỊNỊNYANAḄỌ ḅe ịganị kẹngẹma Izirẹlị ọgọnọ saram, tẹ ọ̀ nwẹnị ḅẹẹ, “Mịna atomi ma arị ịna aḍapụ na fị ọḅọkụ tẹ tọn ịn piri aị ma kan tẹ, tẹ ḅarị ị̀ pọkọ poki-a ẹrẹsị,

1 Samụẹlị 14:38

Sọlụ nwẹnị ḅẹẹ, “ọmịnị tomi ma tọrọkọ tarị apụ mamgba ọ́ mịanga ḅoo; tẹ nimii; tẹ mị si mẹ saakị ḅara ẹrị mịmgba.