Jọsụwa 7:1 - FỊAFỊA BAỊBỤLỤ

¹ Kụma Izirẹlị ḅẹ atomi ma “Sime ḅaa na gulugulma na pịrị aị” ma oloko mẹ kanm. Ịn kẹ Ekanị sịn owiḅọ anie Kami owiḅọtụḅọ pịkị Zabidi taa-owiḅọtụḅọ pịkị Zera ile-owiḅọtụḅọ ḅe tẹ Juda furo ḅụ ḅo ḅọ ḅe “Sime ḅaa na guluguluma na pịrị aị” ma ḅẹ jaị ọkịm, tẹ KỊNỊNYANAḄỌ ḅe ịganị nwẹnị kọrị Izirẹlị ḅẹ atomi ma da-paka.

Jọsụwa 7:1 Iomraidhean Croise

Suku-saakị 34:27

Jekọbụ owiapụ-awọmẹ ma nwẹnị ịn kịnị ma ḅaa sara wararị ḅara mẹ ḅụ opu ama mẹ fọịn gbala ịna ịyịmbara si tẹ ẹrẹsị.

2 Samụẹlị 24:1

Jen sakị ḅụ, KỊNỊNYANAḄỌ ḅe ịganị mẹ siin Izirẹlị ọgọnọ kẹngẹma saram, tẹ ò Devidi toluma ịn da-paka tẹ ḅẹẹm, “Ó mu Izirẹlị na Juda na ḅụ simearị atomi kịẹn.”

2 Amadapụ 5:24

Ịn ḅo Ịlayịsa angarị tụndụ mẹ la tẹso, ọ̀ nwẹnị ịna aḅara ḅụ arị ọkị tẹ kẹ warị ḅio su, tẹ tomi ma fịrịma pịkị, tẹ ịn nwẹnị so.

1 Paka-aị 21:7

Kụma miemẹ Tamụnọ ḅụụ-ḅẹlẹ-a tẹ ori Izirẹlị fomum.

2 Paka-aị 24:18

In nwẹnị KỊNỊNYANAḄỌ ịna aḍapụ ma Tamụnọ ḅe warị mẹ sịkị tẹ Asẹra oru na ḅara kẹ tẹmẹ-aị ma na minini, tẹ fịrị mẹnjị arị pịrị. Tẹ ịganị nwẹnị ḅo Juda na Jeruselemu na ọgọnọ gbana, miemẹ tẹ in mịẹ-irima ye mẹ gotẹ.

Ẹzịra 9:6

“Yei Tamụnọ ị̀ ḅụụ-jịrịm, tẹ ị̀ tọrụkuḅu awụ ḅịyam anị saakị-gelema ị̀ Tamụnọ da ḅụ. Kẹ gotẹ ọkọ ḅẹẹarị, wamịna iri-amịẹaị ma tunduru gele wamịna asịḅị nẹngị tẹẹ, anịsakị mịẹ gbẹẹ-a tẹ wa mịẹ aị ma gele ḅo So ma la tẹẹ.

Jobu 35:8

Í si-sịḅịḅio mẹ í sime-ḅara sime tomḅọ mie anị gboloma ye anịsakị ị́ karakara mẹ tomḅọ tụḅọ ḅe gbolomam.

Nimi Tolumaḅọ 9:18

Nimi, iḅi kẹ ọmụgbin-aị nẹngịm; kụma gbọrụ si-mịẹḅọ ḍuko ḅẹ ọkụ ofori iḅi gulugulumarị.

Danẹlị 9:7

Ị́yẹrị, KỊNỊNYANAḄỌ, sakị mamgba kuraye mịẹarị, kụma wamịnị sakị mamgba tọrụ-tuu dogi-ḅo ḅụụ pịrịarị. Mie anị sime wamịnị-mgba tẹ Juda na Jeruselemu na Izirẹlịapụ mamgba tẹ ị́ kẹ sịẹ-sịẹ ma, kpeki anga sime aị na sụma-jụ sime aị na ogboku gala-galama wararị apụ ma na sime-ḅara, wa ḅioḅẹngbọ-kẹ-sịrẹrẹ-niḅi ḅara sime ị́ pịrị-a ẹrẹsị.

Lẹvitikọsị 10:6

Mozizi nwẹnị Erọnị na ori owiapụ-awọmẹ Ẹlịyeza na, Itama na ḅẹẹ, “Ọmịnị ọmịna sịḅị-ḅẹ-inume dala tẹlẹma-a ḅara kẹ sara wẹrịma, ọ́ pịkị kururu ḅụ ọmịna kapa sọ kan ma, anieofori ó ḅofa fịị; anieofori kụrọ ịganị ḅofa ḅo tomina-ogbo mẹmgba ọgọnọ gbana. Kụma ọmịna amịnapụ, Izirẹlị bebe warị mẹ inetẹ kọrị-fịnị mẹ tẹ KỊNỊNYANAḄỌ ḅe kẹngẹma fịnị mẹ owu ḅa.

Jona 1:7

Arụ-dọkụapụ ma nwẹnị jụmọ-jụmọ ḅẹẹ, “Ó yee wa apịan sụa tẹ ḍọkị-nimi, wa kẹ mu mị ḅụụ-fụka mẹ ḅio suuarị ḅọ mẹ.” Ini ọkọ mịẹ tẹ Jona ẹrẹ paka-ḅom.

Jọsụwa 22:16

“Mie KỊNỊNYANAḄỌ ḅe bebe tomina-ogbo mẹ ḅẹẹ ḅara, ‘Miemẹ anie tọ kịnị pikirima ḅara tẹ ọ́ kẹ Izirẹlịapụ tẹkẹarị Tamụnọ ḅe pikirima tẹ sịḅị-kụrọma KỊNỊNYANAḄỌ ḅe pịrị ḅụ mịmgba gbọrụ agbamịẹ-anga nama ọmịna aḅụụ pịrị tẹ mịmgba KỊNỊNYANAḄỌ ḅe ḍukamẹnjị ḅụ pịkị-soarị?

Jọsụwa 22:18

tẹ mịmgba ḅụ ọ́ KỊNỊNYANAḄỌ ḅe ḍukamẹnjị ḅụ pịkị-so nyana? Anịsakị mịmgba ị́ sịḅị-kụrọma KỊNỊNYANAḄỌ ḅe pịrị-pịrị, ori ịganị nyana bebe Izirẹlị tomina-ogbo mẹ pịrị ḅa ḅaa ḅụ.

Jọsụwa 22:20

Ekanị, Zera owiḅọtụḅọ ḅe sime sima pịrị aị mẹ ḅẹrẹ ḅụ minini kan sakị, ịganị mẹ bebe Izirẹlị tomina-ogbo mẹ ọgọnọ gbana-a? Anịsakị ori ngẹrị ọ̀ kọn iri mẹ gotẹ fịị.’ ”