Jọsụwa 6:3 - FỊAFỊA BAỊBỤLỤ

³ Ị́ í owu-akọnịapụ mamgba na gbọrụ sakị kẹ mẹnjị opu ama mẹ ikelema-koro ḅa gbọrụ ene ḅụ. Ó sonio aḍin kẹ mị ḅara mịẹ ḅa.

Jọsụwa 6:3 Iomraidhean Croise

2 Paka-aị 4:3

Anị suku ḅụ aḅụrọ sime ọkụ sime aị maa ise minji koko ye mẹ ikelema-korom, ise-ise ḅẹ nangwọ anie sọnọma kuḅu na, inia aḅụọ; ini anị tẹmẹ sakị ini arị kẹ anị na sụa tẹmẹm.

Kịẹn-aḅịḅị 14:9

Ọmịnị rẹ paa sịḅị-kụrọma KỊNỊNYANAḄỌ ḅe pịrị ma, tẹ ama mẹ ḅẹ atomi ma ḍiki-ḅalafa ma, kẹ gotẹ ọkọ ḅẹẹarị, ini anie sime wa pịrị fịye; ịna ḅụụ-ḍikiḍikiye mẹ ịna aḅụụ ḅụ sikima tẹ, anịsakị KỊNỊNYANAḄỌ ḅe wamịnị na emi; ọmịnị ịn ḍiki-ḅalafa ma.”

2 Kọrịntị 4:7

Anịsọ wamịnị, mị tẹmẹ ḅụ ḅẹ ngọ mẹ kọn apụ ma, papaa aḅaịn-aḅẹlẹ mie wa kịkarị, mịẹtẹ kịnị nimi ḅẹ ḅara, mịnẹ kụrọ mamgba nyana ḅọ anie Tamụnọ, wamịnị-a.

Jọsụwa 6:11

Mị-ḅara mie ọ̀ mịẹtẹ KỊNỊNYANAḄỌ ḅe Ọḅọkụ-Igbe mẹ gbọrụ sakị kẹ opu ama mẹ ikelema-koro ḅara; ịn nwẹnị sọ akpụrụ-warị mẹ ḅio ḅo tẹ ḍin mẹ kẹ akpụrụ-warị mẹ ḅio simem.

Jọsụwa 6:14

Maaịn karama ene mẹ ḅụ ịn pịkị gbọrụ sakị kẹ mẹnjị opu ama mẹ ikelema-korom. Mị-ḅara mie sonio aḍin ḅụ in mịẹ ḅara.

Jọsụwa 6:2

KỊNỊNYANAḄỌ ḅe nwẹnị Jọsụwa ḅẹẹ, “Ḍikii, à Jeriko na, anịḅẹ amadaḅọ na, kụrọ nyanatẹ ḅiokpọ ḅara kẹ owu-sọ ḅara-ḅaatẹ owiapụ ma na kẹ ị́ ḅara-ḅio suu ị́ pịrị tẹ.

Jọsụwa 6:4

Sọnọma agbamịẹapụ sọnọma ejimina ịfalị ọdụ ọlọ ḅa ọḅọkụ Igbe mẹ tọrọkọ; anịsakị sọnọma aḍin karama ene mẹ ḅụ agbamịẹapụ ma ọdụ ma ofuro-ofurotẹ ọ́ sọnọma asakị kẹ mẹnjị opu ama mẹ ikelema-koro ḅa.

Jọsụwa 6:7

Anịtẹso ọ̀ nwẹnị tomi ma ḅẹẹ, “Ọ́ mẹnjị tọrọkọ-tọrọkọ mu tẹ mẹnjị opu ama mẹ ikelema-koroo, anịsakị yee ọmụ-aị ọlọ wararị owiapụ ma KỊNỊNYANAḄỌ ḅe Ọḅọkụ-Igbe mẹ tọrọkọ ḅọrọ.”