Jọsụwa 6:2 - FỊAFỊA BAỊBỤLỤ

² KỊNỊNYANAḄỌ ḅe nwẹnị Jọsụwa ḅẹẹ, “Ḍikii, à Jeriko na, anịḅẹ amadaḅọ na, kụrọ nyanatẹ ḅiokpọ ḅara kẹ owu-sọ ḅara-ḅaatẹ owiapụ ma na kẹ ị́ ḅara-ḅio suu ị́ pịrị tẹ.

Jọsụwa 6:2 Iomraidhean Croise

2 Samụẹlị 5:19

Devidi nwẹnị KỊNỊNYANAḄỌ ḅe ḅịḅị gbela, “Arị iwo mu owu kẹ Filisiteniapụ ma paka mọ? Ị́ ịn kẹ ị̀ ḅara-ḅio suu ḅarị mọ?” KỊNỊNYANAḄỌ ḅe nwẹnị Devidi ḅẹẹ, “Iwo muu, kẹ gotẹ ọkọ ḅẹẹarị, gbarị-a ḅara ḅụ à Filisiteniapụ ma kẹ ị́ ḅara-ḅio ḅụ ị́ pịrị ḅa.”

Nehimaya 9:24

Anieḅụ ịna ḅụụ paka-ḅo apụ ma ama mẹ sọ tẹ nyanam; tẹ ịna tọrọkọ ị́ ama nyana Kenanị apụ ma sịḅị-tuu in pịrịm; Ị́ ịna Amadaḅọ na ini na kẹ ịna ḅara-ḅio sunm; ini ịna ḅụụ ḅẹlẹ ḅara kẹ in mịẹ ḅẹ ḅara.

Danẹlị 2:21

Ori anie ḅẹrẹtọn sakị-sakị ma pịrịarị; ori mie kịnị kẹ ama-damarị pịkị amadapụ sin-arị ori mie nimi na yefieye naa na kẹ kịnị pịrịarị.

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Danẹlị 4:17

Mie ye-goyegoye ḍikiarị fịafịa apụ ma tọn koroma yee. Anịẹrẹsị, yee tomi mamgba ḅẹẹ-anga ḅẹẹ-anga ḅụ nimi mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa — jen-a jen-a tomina ḍiki-tọrụ ḅụ ye ḅụ ofori apụ sọ.”

Danẹlị 4:35

Tomikiri ḅẹ atomi ma, ọ̀ ḅụụ papaa apụ; So-ḅio simearị enjẹlịapụ ma na kiri-ḅio simearị atomi ma na in ò suku-ḅio emii. Gbọrụḅọ-sọ inetẹ ọ̀ tọn ye kan ḅịa anịanịa “tiye ẹrẹsị?” kẹ ọ̀ mịẹarị ye gotẹ ò gbela.

Danẹlị 5:18

“Kụrọmamgba-Nyana Tamụnọ ḅe ị́ ḍa kẹ gburo-gburo amadaḅọ sọmam tẹ ebube na opu na kẹ ọ̀ pịrịm.

Ditẹrọnọmị 7:24

Ori ịna amadapụ kẹ ọmịna ḅara-ḅio ọ́ pịrị ḅa, tẹ ó so mẹ suku-ḅio ḅụ ịna ẹrẹ guluguluma fama ḅa; gbọrụ tomḅọ sọ inetẹ ọmịna kuḅu sịẹ ḅịa nwenii ọmịnị ịn ḅaa fama ḅa.

Jọsụwa 12:9

Jeriko ḅẹ amadaḅọ ḅẹ, gbọrụḅọ; Bẹtẹlị akaka sime Ayị ḅẹ amadaḅọ ḅe, gbọrụḅọ;

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 2:9

tẹ ịn ḅẹẹm, “À nimi wararị mịnẹ KỊNỊNYANAḄỌ ḅe ama mẹ kẹ ọ́ pịrị tẹ, anịsakị ọmịna ḅalafa mẹ ḅo wamịna ọgọnọ gbana tẹẹ, tẹ tẹmẹ-naịn-naịn ama mẹ ḅio simearị apụ mamgba sanị ḅaarị.”

Jọsụwa 20:1

Anịtẹso KỊNỊNYANAḄỌ ḅe nwẹnị Jọsụwa ḅẹẹ,

Jọsụwa 6:1

Mịọkụ Izirẹlịapụ ma gotẹ Jeriko mẹ ḅioju ḅụ na, etela da anga na ḅụ ịkasị simem; gbọrụḅọ-sọ mẹnjị paka-a, gbọrụḅọ-sọ pịkị sọ-ḅoa.

Jọsụwa 6:3

Ị́ í owu-akọnịapụ mamgba na gbọrụ sakị kẹ mẹnjị opu ama mẹ ikelema-koro ḅa gbọrụ ene ḅụ. Ó sonio aḍin kẹ mị ḅara mịẹ ḅa.

Jọsụwa 8:1

KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Ḅẹrẹkọn-apụ 11:21

Tẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, nwẹnị Siyọnị na, ori atomi mamgba na kẹ Izirẹlị ḅara ḅio ḅụ ọ̀ pịrị; tẹ ini ịn nẹngịmam; mị-ḅara mie Izirẹlị kẹ Amọrayịtị apụ ma tẹ anị opu sịẹ mẹ ḅụ sime apụ ma ama mẹ ọkị nyana ḅara.

Ḅẹrẹkọn-apụ 11:24

Ị́ oru-tamụnọ Kẹmosi kẹ ị́ pịrị ye ị́ ọkị í nye sọma ḅịa? Anịsakị KỊNỊNYANAḄỌ wamịna Tamụnọ ḅe wamịna tọrọkọ dee-siin tẹ kẹ wa pịrị ye pịrị ye, wa ọkị nyana ḅa.