Jọsụwa 6:1 - FỊAFỊA BAỊBỤLỤ

¹ Mịọkụ Izirẹlịapụ ma gotẹ Jeriko mẹ ḅioju ḅụ na, etela da anga na ḅụ ịkasị simem; gbọrụḅọ-sọ mẹnjị paka-a, gbọrụḅọ-sọ pịkị sọ-ḅoa.

Jọsụwa 6:1 Iomraidhean Croise

2 Samụẹlị 10:5

Ini anị ḍuko Devidi pịrị tẹso, ọ̀ nwẹnị ịn mu ini na bịama ḅẹ ḅara kẹ kịnị kẹ ịn fịrịma, owiapụ ma opu ḅara kẹ Ḅụụ-jịrịarị ẹrẹsị. Tẹ amadaḅọ ḅe nwẹnị ịn ḅẹẹ, “Ó Jeriko ḅụ sime nwenii ọmịna ḅekeke ḅẹ mpọrị ma paka-ḅo tẹrẹmẹ ọ́ pịkịma-ḅo.”

2 Amadapụ 17:4

Kụma Asiriya ḅẹ amadaḅọ ḅe nwẹnị ḍọkị-ẹrị mịnẹ Hosiya ḅarị ọ̀ mịẹ-mịẹ ḅara mịẹ-a; ọ̀ gbala oku kẹ Ijiputi ḅẹ amadaḅọ Soo fịrịma tẹ ḅarasụa ḅii tẹ ẹrẹsị, ọ̀ ḅarị kụra-kụra ḅụ ọ̀ gbẹẹ-gbẹẹ igbigi mẹ kẹ Asiriya ḅẹ amadaḅọ gbẹẹ-a; ọkọẹrẹsị Asiriya ḅẹ amadaḅọ ḅe nwẹnị ò kun ịkasị ikoli ḅio ḅụ.

2 Amadapụ 2:4

Anịtẹso Ịlayịja nwẹnị ọ̀ ḅẹẹ, “Ịlayịsa, mịanga simee, àrị ị́ tẹkẹm; gbala KỊNỊNYANAḄỌ ḅe ị̀ kẹ Jeriko fịrịma tẹẹ.” Kụma ọ̀ nwẹnị ḅẹẹ, “KỊNỊNYANAḄỌ ḅe ḍumo wararị, tẹ ị́yẹrị ḅe sọ ḍumo wararị ogbo àrị ị́ wẹrịso ḅịa.” Anieḅụ ịn nwẹnị Jeriko mu.

Devidi-Anume 127:1

KỊNỊNYANAḄỌ ḅe warị mẹ nama-a ḅẹḅẹ, warị nama apụ ma kọrịnama mẹ papaa faam; KỊNỊNYANAḄỌ ḅe ama mẹ gbaịn-a ḅẹḅẹ, ama-koruapụ ma sịẹsime tẹ koruarị ye mẹ papaa faam.

Jọsụwa 16:7

Anịtẹrẹmẹ anị nwẹnị Janoha ḅụ mẹnjị ideri-mu Atarọtị na Nahara na la, mu Jeriko sẹsẹrị ḅọrọ mu Jodanị ḅụ kunoma.

Jọsụwa 18:21

Benijamịnị furo mẹ ịna afuro ma wẹrịtẹ sime ḅara ḅụ mịọkụ nyana opu ama ma anie, Jeriko na, Bẹtị-hogila na, Ẹmẹkị-kẹzịzị na.

Jọsụwa 2:1

Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 2:7

Anieḅụ tomi ma nwẹnị ịn mẹnjị Jodanị muarị etela ḅụ ịn ḍuka mu ala-jụjụ-ḅio ịn ḅụọ kẹ mẹnjị saḅarị minji mẹ la; ịn ḍuka apụ ma paa mẹnjị paka gbọrụ sakị ogigo-ḅọkọ mẹ ịkasịm.

Jọsụwa 5:15

Tẹ KỊNỊNYANAḄỌ ḅe ọmụ-ogbo mẹ ḅẹ sịḅịdaḅọ ḅe nwẹnị Jọsụwa ḅẹẹ, “Ị́ aḅụọ ḅụ simearị okuro ma sin, kẹ gotẹ ọkọ ḅẹẹarị, í sịẹsime wararị kiri ọgọnọ mẹ anie fịafịa kiri.” Jọsụwa nwẹnị ọkọ mịẹ.

Jọsụwa 6:2

KỊNỊNYANAḄỌ ḅe nwẹnị Jọsụwa ḅẹẹ, “Ḍikii, à Jeriko na, anịḅẹ amadaḅọ na, kụrọ nyanatẹ ḅiokpọ ḅara kẹ owu-sọ ḅara-ḅaatẹ owiapụ ma na kẹ ị́ ḅara-ḅio suu ị́ pịrị tẹ.