Jọsụwa 5:9 - FỊAFỊA BAỊBỤLỤ

⁹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba mie arị ọmịna aḅụụ Ijiputi ḅẹ ḅụụ-jịrị mẹ mbelembele sin tẹ ye.” Anieḅụ ọkị ḅo mịmgba la ịn kẹ anịjụ mẹ sịn ẹrẹ anie Giligalị.

Jọsụwa 5:9 Iomraidhean Croise

Suku-saakị 34:14

Ịn nwẹnị ịn ḅẹẹ, “Wa inetẹ miemẹ mịẹ ḅịa, anie wamịna ịyịmbara kẹ gbọrụ owiḅọ tẹ tarị ḅụụ sin-a ḅọ pịrị mẹ, kẹ gotẹ ọkọ ḅẹẹarị, aniemẹ ḅụụ-jịrịma ye sọ wa pịrị ḅa.

2 Samụẹlị 19:15

Anieḅụ amadaḅọ ḅe pịkịma-ḅo Jodanị mẹ lam; tẹ Juda ḅo amadaḅọ ḅe na bịama, tẹ amadaḅọ ḅe ọkị-ḅo Jodanị mẹ saḅama ḅẹ ḅara kẹ Giligalị ḅom.

Nehimaya 12:29

Bẹtị-giligalị na, Geba na, Azimavẹtị na, ye yọ ḅụ sime apụ sọ ḅo sọm. Nume-suapụ ma gbala Jeruselemu pakịrị anga ḅụ kala-ama pakama in aḅụụ pịrị tẹ.

Devidi-Anume 119:39

Ị̀ ḅalafamarị kịnị mịẹ-sima aị ma ḅụ ị̀ ḅọrọma; ị́ aḅẹrẹkọn ma ḅụụ-buama ḅara ḍikii!

Jerimaya 9:25

KỊNỊNYANAḄỌ ḅe ḍuko-pakamarị, “Ene ma ḅoarị, à meni-oju kịngẹ ḅụ tarị-ḅụụ siin wararị apụ ma fomu ḅẹ sakị mẹ, anie —

Izikẹlị 23:3

Ịna iriawọ sakị ḅụ, ini Ijiputi ḅụ angarị ogbo ini owiapụ nimi tẹ ḅo ama-mẹnjị-ereme sọm.

Izikẹlị 23:8

Ijiputi ḅụ á kọn sime ama-mẹnjị eremịna ḍumo mẹ á paa kọn tọrọkọ-tọrọkọ mum, anie árị árị owiḅọ nimi-a ḍumo mẹ ḅụ so anga mẹ. Árị ẹrẹḅọtụḅọ sakị kụra ḅio á saakị owiapụ na tii-tii-tiim, tẹ ini ama-mẹnjị-ẹrẹḅọ ḅara kẹ á mịẹm.

Hosiya 4:15

“Izirẹlịapụ ma nwẹnị ḅioḅẹngbọ-kẹ-sịrẹrẹ-niḅi-a ḅara sime ị̀ pịrịarị sọ, yee Juda paa anị gbọrụ si mẹ mịẹ ma. Giligalị anịanịa Bẹtẹlị ḅụ sunsin oru pịrị ma, anịanịa anị anga ḅụ ḍumo wararị Tamụnọ ḅe ẹrẹ ḅụ ye minini.”

Lẹvitikọsị 24:14

“Kobiri-ogbo mẹ ogbo-ḅio ḅụ ori ḅe tẹ ye karị ḅọ ḅe pakama-ḅo tẹ inima tẹ ò ye mẹ karị tẹ naa apụ ma ịna aḅara kẹ ọ̀ sịḅị ọgọnọ gbana, anịsakị yee tomina-ogbo mẹmgba ḍụḅarị kẹ ò gbin ḅaa.

Emọsị 5:5

Ó mu Biyasẹba ḅụ tẹkẹ ma. Ọ́ Bẹtẹlị ḅụ ị̀ ḍọkị-ẹrị ḅẹ ḍọkị ma-a Bẹtẹlị ḅo papaaye sọ ḅa. Ó Giligalị mu ma — árị atomi ma ini in gboo kun-ḅara ḅio sọ pịrị tẹẹ.”

Mayịka 6:5

Yei, ị̀ atomi, Mohabụ ḅẹ amadaḅọ Balakị ọ́ mịẹ ḅẹ tọn ye, tẹ Bẹyọ owiḅọtụḅọ Balamụ ḅe kẹ ọ̀ pakịrị ye ó gbeke kẹ ḅiokoroma? Sitimu ḅụ ọkị mu Giligalị la ḅụ Akasiya ḅẹ Akpụrụ-warị ḅụ paka ye mẹ ó gbeke kẹ ḅiokoroma? Ọ́ mịna aị ma kẹ ḅiokoroma, tẹ ọ́ ḅọrọma gotẹ à kọrị aị ma lekirii.”

Zẹfanaya 2:8

Kụrọmamgba nyana KỊNỊNYANAḄỌ ḅe ḅẹẹarị, “À naa tẹ Mohabụ na Amọnị na ḅẹ apụ ma kẹ ị̀ atomi mịẹ sima-sima tẹ kẹ ịna ḅụụ-sịnịsịnịmarị ye mẹ, pịkị ịn ḅụụ bomarị ye mẹ na, mịnẹ, ịn kụrọ ḅara kẹ ịna kiri ọkị ḅa.

Jọsụwa 24:14

“Anịẹrẹsị mịọkụ ọ́ KỊNỊNYANAḄỌ ḅe ḍiki-ḅalafaa tẹ karakara ḅara na, minini na kẹ fịrịmẹnjị ọ̀ pịrịị ọmịnị oru-atamụnọ ma tẹ ọmịna aḍapụ ma Tọrụ mẹ saḅa anga ḅụ na, Ijiputi ḅụ na fịrịmẹnjị pịrị aị ma kẹ ngumaa, tẹ fịrịmẹnjị KỊNỊNYANAḄỌ ḅe pịrịị.

Jọsụwa 4:19

Tarị akalụ mẹ ḅẹ oyi aḍin karama ene ḅụ mie tomi ma Jodanị mẹ ḅụ paka-ḅo ye, tẹ nwẹnị Giligalị ḅụ kobiri sime, Jeriko akaka ịrụa-saakịarị-anga mẹ ḅụ.

Jọsụwa 5:8

Bebe opu sịẹ mẹmgba sin-arị tarị ḅụụ mẹ siin fama tẹso, ịn nwẹnị ịna asime-anga ḅụ akpụrụ-warị ḅio sime nwenii ịna oju iḅim.

1 Samụẹlị 14:6

Jonatanị nwẹnị asatụḅọ ḅe tẹ ori ọmụ-aị dogiḅọ ḅe ḅẹẹ “ḅoo, ye wa saḅa-ḅọrọ mịna tarị-ḅụụ pẹlẹ-a apụ ma ọmụ-ogbo mẹ mu; ẹbịsịya kụma KỊNỊNYANAḄỌ ḅe kọrịnama kọrị wa pịrị ḅa; kẹ gotẹ ọkọ ḅẹẹarị, inetẹ KỊNỊNYANAḄỌ ḅe dasịẹma ḅẹ ye ofori tọnwa apụ, anịanịa boowa apụ ḅụ kịnị ḅọrọma mẹ.”

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”

1 Samụẹlị 17:36

Ị́ fịrịmẹnjịḅọ tọnwa ọkụkụ-o, tuu-o ḅaa lama tẹẹ; anịsakị ḅie ḅụụ-pẹlẹa Filisiteniḅọ ḅe ini ḅẹ gbọrụḅọ-sọ ḅa ò ḍumo wararị Tamụnọ ḅe ọmụ-ogbo mẹ mịẹ pilema tẹẹ, tẹ wa ẹrịarị ḅẹẹ-sakị.”

1 Samụẹlị 7:16

Kụra-kụra ḅụ ọ̀ mẹnjị Bẹtẹlị na, Giligalị na, Mizipa na mu, tẹ ḅẹrẹkọn Izirẹlị pịrịm mịna anga mamgba ḅụ.