Jọsụwa 5:5 - FỊAFỊA BAỊBỤLỤ

⁵ Tomi mamgba tẹ paka-ḅo apụ ma tarị ḅụụ sin tẹ ḅẹsọ, anịsọ Ijiputi ḅụ ịn paka-ḅo tẹrẹmẹ ịkpa mẹ ḅio etela ḅụ iyi apụ mamgba aḅụụ amụ sinya-a.

Jọsụwa 5:5 Iomraidhean Croise

Matiyo 12:7

Fịafịa Ḍiri mẹ ḅẹẹm, ‘Tomi na iḅi anga kọn mie à ḅiiarị, nama kẹ mịẹ agba-a.’ Ọ́ nwẹnị miemẹ fiearị ye nimim namịna ọ́ ḅẹrẹ-ḅarasii pẹlẹ mịẹye-ofori apụ pịrị-a so tẹ;

Romu 2:26

Jen sịẹ ḅẹ ḅọ tarị-ḅụụ sin-a tẹ Oloko mẹ koko kụma Tamụnọ mḅọ kẹ tarị-ḅụụ sin tẹ ḅọ ḅara ọkị ḅịa?

1 Kọrịntị 7:19

Owiḅọ tarị-ḅụụ sin tẹ, anịanịa tarị-ḅụụ sin-a, mẹ gberie ḅụ sọ ofori; ye ḅụ simearị ye anie Tamụnọ ḅịḅị poki tẹ ọ̀ tọn koroma aị mịẹ.

Galesiya 5:6

Gbala, wa Kịrayịsị ḅụ emi sakị goyegoye, wa tarị-ḅụụ sin na, tarị-ḅụụ sin-a na, gbọrụ kiri sọ nyana-a; ḅẹlẹma ḅụ ḅọrọ tẹ kọrịnama kọrịarị minini anie ḅẹrẹ-sịḅị mẹ.

Galesiya 6:15

Tomḅọ tarị-ḅụụ sin tẹ-o, mḅọ sin-a-o, gbọrụ ḅẹrẹ sọ nyana-a; mḅọ ịwọma tẹmẹ tẹ ḅọ sọ tẹ ḅẹ ye mẹ anie ye-mẹmgba.

Jọsụwa 5:4

Anịsakị miemẹ mie Jọsụwa gotẹ ịna tarị aḅụụ ma sin ye: tomi ma ḅụ owiapụ mamgba tẹ Ijiputi ḅụ paka-ḅo apụ ma ḅụ owu-akọnịapụ mamgba ịkpa mẹ ḅio etela ḅụ fịịm ini Ijiputi ḅio paka-ḅo tẹrẹmẹ.

Jọsụwa 5:6

Kẹ gotẹ ọkọ ḅẹẹarị, Izirẹlị ḅẹ atomi ma kụra amesi kẹ ịkpa mẹ ḅio mẹnjịm, nwenii opu sịẹ mẹmgba ḅụ owu-akọnịapụ tẹ Ijiputi ḅụ paka-ḅo owiapụ ma fịị-faa famam, gbala ịn KỊNỊNYANAḄỌ ḅe pọkọ mẹ poki-a ẹrẹsị; KỊNỊNYANAḄỌ ḅe ye karị ịn pịrịm mịnẹ ò mininitẹ anị ama mẹ tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ, tẹ KỊNỊNYANAḄỌ ḅe ye karị kẹ ịna aḍapụ pịrịm ọ̀ kẹ ịn pịrị ḅẹ ama mẹ ịn tọrụngbọ kẹ anị ẹrị ḅịa.