Jọsụwa 5:1 - FỊAFỊA BAỊBỤLỤ

¹ Amọrayịtị apụ ma amadapụ mamgba tẹ Jodanị ịrụa-ideriarị-anga ḅụ sime-sime apụ ma na, Kenanị ḅẹ apụ ma amadapụ mamgba tẹ opu tọrụ mẹ akaka sime sime apụ ma naam mịnẹ KỊNỊNYANAḄỌ ḅe Jodanị mẹ ḅẹ aminji ma samụnọma Izirẹlị ḅe atomi ma pịrị nwenii ịn saḅa-korom ḅẹ ye ḅụ ịna ḅioḅẹngbọ sanịm ịn ḅarị ḅioḅẹngbọ nyana-a, tẹ tẹmẹ gbọrụmgbọ-sọ ḅarị ịna aḅụụ ofori, Izirẹlị ḅe atomi ma gotẹ.

Jọsụwa 5:1 Iomraidhean Croise

Suku-saakị 12:6

Ebiramụ nwẹnị mẹnjị ama mẹ ḅio tolu-ḅọrọ Sẹkẹmụ ḅụ ịn More ḅẹ oku nwẹn-sịn opu sịn mẹ sime anga mẹ mu. Anị sakị mẹ Kenanị ḅẹ apụ ma sọ ama mẹ ḅio emi.

Suku-saakị 48:22

Anie mẹ sikima, à kẹ ị́ owiapụ-amịnapụ ma pịrị ḅẹ nakara, à Sẹkẹmụ kẹ ị́ pịrịm aniemẹ tẹ arị ì okologie na, ị̀ iboli na kẹ Amọrayịtị apụ ma ḅara ḅụ ọkị ye mẹ.”

2 Samụẹlị 21:2

Anieḅụ ò Gibiyọnị ḅẹ apụ ma sịnm. Mịọkụ Gibiyọnị ḅẹ apụ ma ini Izirẹlị ḅẹ apụ-a, kụma. Amọrayịtị apụ ma ḅẹ kirikọn wararị apụ; Izirẹlịapụ ḅarị ịn ḅaa ḅịa tẹ ye karịm ḅẹsọ, Sọlụ ọ̀ nyana Izirẹlị na, Juda na pịrị ḅẹlẹma ḅụ ịn ḅaam.

1 Amadapụ 10:5

Ọ̀ dẹbịlẹ ọgọnọ in gbana ọ̀ pịrị afịaị ma na ọ̀ fịrịmẹnjị-opuapụ ma angarị awarị ma na, ori afịrịmẹnjị-opuapụ ma lẹgị ọrụtọn ḅara mẹ amadapụ warị mẹ ḅio na, pịkị gbọrụ tọrụ sụa kapa ma tẹ in sụa wararị aị ma na, fịrịmẹnjịapụ ma tẹ ò fịye fị kiri ḅụ ò koru tẹ ò ḍikiḍikiarị apụ ma na, pịkị dọkịma-agba tẹ ọ̀ Tamụnọ-warị mẹ ḅio mịẹ agba ma ẹrị fama tẹso, á nwẹnị ḅụụ-gbiripu tẹ tẹmẹ-naịn-naịn.

Ẹzịra 9:1

Mịna aị ma mịẹ ḅọrọ tẹso, fịrịmẹnjị-opuapụ ma nwẹnị ị̀ ḍọkụma-ḅo tẹ ḅẹẹ, “Kenanị ḅẹ apụ ma na, Itayịti apụ ma na, Pẹrịzayịtị apụ ma na, Jebusayịtị apụ ma na, Amọnị ḅẹ apụ ma na, Mohabụ ḅẹ apụ ma na, Ijiputi-ḅẹ-apụ ma na, Amọrayịtị ḅẹ apụ ma na ini ama ḅẹ apụ ma na, ịna tọn-tọn-aị ma na ḅụụ Izirẹlịapụ ma na, agbamịẹapụ ma na, Livayị furo-ḅẹ-apụ ma na paa amịna ḅụụ sikima-a,

Devidi-Anume 135:11

Siyọnị, Amọrayịtị ḅẹ apụ amadaḅọ; Ọgụ, Basani ḅẹ amadaḅọ, na Kenanị ḅẹ amadapụ mamgba na.

Paka-so 23:28

Anịsakị à tarị ọmịna tọrọkọ ḅịlagbin kẹ fịrịma ḅa, arị aị ma tẹ ọmịna tọrọkọ Hivayịtị apụ na, Kenanị ḅẹ apụ na, Itayịti apụ na dee-pakama ḅarị aị ma.

Ayịzaya 41:5

Sụma-jụ ḅẹ ama ma ḅụ ḅẹ apụ ma à mịẹ tẹ ye ẹrị tẹẹ, ịn tẹmẹ-naịn-naịntẹ oju sẹkịarị ḅalafa ḅụ. Mie ḅụ inimgba kobiri tẹ ḅoarị.

Izikẹlị 16:3

Ḍuko Jeruselemu pịrịị Tẹịn-Ḅẹrẹtọn-Kụrọ-Nyana ḅọ ḅe kẹ á ḅẹẹarị ye: ‘Ị́yẹrị ma Kenanị amakiri ḅụ ini í iyim. Ị́ ḍa Amọrayịtị ḅọ, tẹ í iyingi Itayịti ḅẹ ḅọ.

Izikẹlị 21:7

Ini í tiegotẹ ḅio-fiemarị mọ kẹ í gbela sakị, ḍuko ịn pịrị ḅo ḅeri la ḅẹ-yearị ḍukoye mẹ gotẹ. Anị ḅo sakị, kururu ịna aḅioḅẹngbọ ḅin ḅa, ịna aḅara kpalasaịma ịna akaka ịnyọ ofori ḅara kẹ sime ḅa, ịna tẹmẹ-kụrọ so ḅa, tẹ ịna aḅụọ-kụkụ jen-jen gbolo ḅa. Sakị mẹ ḅo tẹ; mie anị.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Danẹlị 5:6

Ọ̀ tọrụkuḅu anị gbọrụ sakị ḅụ epe ḅịyam tẹ opu ḅalafa ḅo ọ̀ la ḅara gotẹ ori aḅụọ-kụkụ nwẹnị jike.

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Jọsụwa 17:12

Anịsọ Manasẹ owiapụ-awọmẹ ma inetẹ arị opu ama ma ọkị nyana-a; kụma Kenanị ḅẹ apụ ma paa anị ama mẹ ḅio anga ma mum.

Jọsụwa 17:18

kụma tụndụ ọgọnọ ḅẹ opu sịẹ mẹ ọmịna nye sọ ḅa, anị opu piri ḅẹsọ, ọmịnị anị pẹlẹ ḅa, tẹ anị nyana mu anị ḅẹ ala-tẹịn agara ma la ḅa; kẹ gotẹ ọkọ ḅẹẹarị, Kenanị ḅẹ apụ ma ọmịnị in dee pakama ḅa, ini ikulele kirimẹnjị-ọmụarụ nyana tẹ ịn kụrọ wararị ḅẹsọ.”

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”

Jọsụwa 3:16

ọgọnọ-jụ seri ideri-ḅoarị aminji ma nwẹnị ala-jụ ḅụ pẹlẹ tẹ tunduru sime, ịn kẹ Adamụ sịn opu ama tẹ Zarẹtani akaka simearị ye mẹ ḅụ. Anịsakị seri ideri Araba mẹ ḅẹ tọrụ mẹ na, Fụn Tọrụ mẹ na muarị aminji ma nwẹnị gbọrsịḅị pẹlẹ so; tẹ tomi ma Jeriko na dama-dama ḅụ saḅa-korom.

Jọsụwa 3:17

Izirẹlị mẹmgba saḅa-ḅọrọarị sakị agbamịẹapụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma Jodanị mẹ ogboku samụnọtẹ kiri ọgọnọ sịẹsime nwenii opu sịẹ mẹmgba Jodanị mẹ saḅa-koro famam.

Mịẹfinji 18:10

Ini á daarị ḅụụ-fụka mẹ ḅio sọ ḅarị ḅoto ḅẹ ḅalafa gotẹ ala-jụ mie ịn sịẹsime tẹ ḅẹẹarị, “Á tẹkẹlẹtẹ ḅara ḍikii! Anị ḅalafama ḅara ḍikii! Babịlọnị, mị ḍụḅatẹ, kụrọtẹ opu ama mẹ! Boowa kala-sakị kịngẹ ḅụ á nwẹn sime fomu-ḅara da tẹ ḅara ḍikii!”

Ḅẹrẹkọn-apụ 1:1

Jọsụwa fịị ḅọrọ tẹso, Izirẹlịapụ ma KỊNỊNYANAḄỌ ḅe gbelam, “Tọ furo-ḅẹ-apụ wamịna ogboku tarị owu kẹ Kenanị ḅẹ apụ ma paka tẹ ini na owu sọ ḅẹ?”

Ḅẹrẹkọn-apụ 11:23

Anieḅụ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, mie Izirẹlịapụ ma tọrọkọ Amọrayịtị apụ ma dee-siin ye; tẹ ị́ ḅo arị ọkị nyana ḅẹ tẹ?

Ḅẹrẹkọn-apụ 3:3

Ọ̀ kọnma asịẹ ma anie Filisiteniapụ sọnọa ama ma na, Kenanị ḅẹ apụ ma na, Sayịdọnị ḅẹ apụ ma na, Hivayịtị apụ tẹ Lẹbanọnị tụndụ ọgọnọ sime apụ ma na, Balị-hamọni tụndụ ḅụ ọkị mu mẹnjị Hamatị sọarị ḅọkọ mẹ jụjụ-ḅio la.

Ḅẹrẹkọn-apụ 4:2

Anie ḅụ KỊNỊNYANAḄỌ ḅe mịẹtẹ Jabini, Kenanị ḅe amadaḅọ ḅe tẹ Hazọ ḅụ sime tẹ ama-da ḅọ ḅe ịn nẹngịmam. Ori ọmụ-ogbo ḅẹ ḅẹrẹtọnḅọ ḅe anie Sisera, oriḅe tẹ Harosẹtị-agoyimụ ḅụ sime ḅọ ḅe.

1 Samụẹlị 25:37

Dede-ḅio iru mẹ Nabalị tọrụ kasa tẹso, ọ̀ ta nwẹnị mịna aị ma ḍuko ọ̀ pịrị, tẹ ò ḅioḅẹngbọ nwẹnị ò ḅioḅu sime fịị, tẹ ò ḅo ḍụḅarị sime-ḅara simem.