Jọsụwa 4:9 - FỊAFỊA BAỊBỤLỤ

⁹ Jọsụwa pịkị oyi maa aḍụḅarị finji ọkị tẹ kẹ Jodanị mẹ ogboku Ọḅọkụ-Igbe mẹ dogi agbamịẹapụ ma aḅụọ ma sịẹsime anga mẹ ḅụ sịẹmam, tẹ arị anịjụ paa emi ḅo mịmgba lam.

Jọsụwa 4:9 Iomraidhean Croise

Suku-saakị 26:33

Ọ̀ nwẹnị anị sịn Sẹba. Anịẹrẹsị ọkị-ḅo mịmgba la opu ama mẹ ẹrẹ, Biyasẹba.

Suku-saakị 28:18

Mie ḅụ Jekọbụ dede-funfun ḅụ saakịm, tẹ ḍụḅarị mẹ tẹ ọ̀ kẹ ọ̀ sịḅị saakị ye mẹ ọkị ogbo da ḅeriye ḅara pikem, tẹ pulo kẹ anị sịḅị saram.

2 Samụẹlị 4:3

Biyarọtị furo-ḅẹ-apụ ma ḍumo-mangị kọn so Gitahịmụ mum, tẹ anịjụ ḅụ bịan apụ sọ ḅo mịmgba lam.)

1 Amadapụ 18:31

Ịlayịja nwẹnị oyi maa ḍụḅarị finji ọkị Jekọbụ owiapụ-awọmẹ ma ibe ma kịẹn-ḅịḅị mẹ wẹrịtẹ la ḅara ḅụ, ori ḅe tẹ KỊNỊNYANAḄỌ ḅe “Izirẹlị” kẹ sịn ḅọ ḅe.

2 Paka-aị 5:9

Sịn ma nangwọ lama wararị ẹrẹsị Fịafịa-tẹịn Yọ mẹ ḅụ tẹrẹmẹ mu kala-ḅio mẹ la arị asịḅị waa paka tẹ kịnị ẹrị-ẹrịm, kụma kịnị inetẹ etela-ogbo ḅụ arị ẹrị ḅịa; arị emi nwenii ḅo mịmgba lam.

Paka-so 24:12

KỊNỊNYANAḄỌ ḅe nwẹnị Mozizi ḅẹẹ, “Tụndụ mẹ ọgọnọ-jụ ḅụ ị̀ ḍọkụma-ḅo tẹ anị yọ ḅụ sime koru anịsakị à ḍụḅarị ma tẹ arị à kẹ ịn toluma ḅẹ oloko ma na, à tọn aị ma na kẹ kẹẹ wararị aḍụḅarị ma kẹ ị́ pịrị ḅa.”

Paka-so 28:21

Izirẹlị owiapụ-awọmẹ ma ẹrẹ ma wẹrịtẹ sime-ḅara mie arịḅẹ oyi maa aḍụḅarị finji ma ọgọnọ ịna ẹrẹ ma sime ḅarị ḅara; arị elekima sụa ḅara kẹ ịn kẹẹ ẹrẹ sime-ḅara sime ḅa; oyi maa furo finji ma, gbọrụ ḍụḅarị, gbọrụ ḍụḅarị ọgọnọ ḅụ anị ḅẹ ẹrẹ sọkị sọ ḅa.

Matiyo 27:8

Anie mie ịn gotẹ “Ọmbie Piri” kẹ anị sịn nwenii ḅo mịmgba ḅẹ eneḅaka sọ la ye.

Matiyo 28:15

Ḍuḅu mẹ koru sime ọmụapụ ma nwẹnị igbigi mẹ ọkị tẹ in ḍuko ịn pịrị ye mẹ mịẹ. Mie ḅụ Juu-ḅẹ-apụ ogboku ḅụ miemẹ mie ịn kẹ anị ọkị tẹ ḍuko wasama wararị ḅara, ọkị-ḅo mịmgba ḅẹ eneḅaka mẹ sọ lam.

Ditẹrọnọmị 34:6

tẹ Mohabụ ḅẹ ama mẹ ḅio Bẹtị-pẹyọ na dama-dama tụndụ ogboku ḅụ ori ò ḍiḅim; kụma ọkị-ḅo mịmgba la gbọrụḅọ sọ ò ḍiḅi anga nimi-a.

Jọsụwa 24:26

Jọsụwa mịna ẹkwẹn-aḅịḅị ma kẹẹm Tamụnọ Oloko ḍiri mẹ ḅio; tẹ ọ̀ nwẹnị gbọrụ gburo-gburotẹ ḍụḅarị ọkị tẹ anịanga ịn kẹ oku nwẹn-sịn opu sịn mẹ suku KỊNỊNYANAḄỌ ḅe fịafịa yọ mẹ ḅụ anị saakị sịẹma.

Jọsụwa 4:10

Anị kẹ gotẹ ọkọ mịẹ ye, agbamịẹapụ ma tẹ Ọḅọkụ Igbe mẹ dogi apụ ma Jodanị mẹ ogboku mẹ ḅụ sịẹsime nwenii ḅẹẹye-ḅẹẹye tẹ KỊNỊNYANAḄỌ ḅe tọn Jọsụwa pịrịm ò ḍuko tomi piri nwẹn ḅẹẹ ye goyegoye faam, Mozizi wẹrịtẹ tọn Jọsụwa pịrị ḅara mamgba. Fọnya ḅara ḅụ tomi ma saḅa-ḅọrọm.

Ḅẹrẹkọn-apụ 1:26

Owiḅọ ḅe nwẹnị sọ Itayịti apụ ma ama mẹ mu tẹ gbọrụ ama nama pakama, tẹ Lọzị kẹ ẹrẹ kẹ anị kuro; aniemẹ anie anị ẹrẹ ọkị-ḅo mịmgba la.

1 Samụẹlị 30:25

Anị ene mẹ ḅụ saakị tọrọkọ mu, ori anị kẹ Izirẹlị ḅụ kẹẹ wararị oloko na, kụrọ ḅara-ḅio simearị ḅọ sụa oloko na mịẹ ḅo mịmgba lam.

1 Samụẹlị 7:12

Anịtẹso Samụwẹlị nwẹnị gbọrụ ḍụḅarị ọkị tẹ anị saakị sịẹma Mizipa na, Sẹni na ogboku, tẹ nwẹnị Ebeniza kẹ ẹrẹ kẹ anị koro; gbala ori mẹẹ, “KỊNỊNYANAḄỌ ḅe mịanga ḅụ ḅarasụa wa pịrị tẹ.”