Jọsụwa 4:8 - FỊAFỊA BAỊBỤLỤ

⁸ Izirẹlị ḅẹ owiapụ ma Jọsụwa tọn ḅara mịẹm, tẹ Jodanị mẹ ogboku oyi maa aḍụḅarị finji ọkịm Izirẹlị ḅẹ atomi ma afuro ma kịẹn-ḅịḅị wẹrịtẹ la ḅara, KỊNỊNYANAḄỌ ḅe wẹrịtẹ ḍuko Jọsụwa pịrị ḅara; tẹ ịn nwẹnị arị dogi saḅama tẹ arị kẹ ịn sime anga mẹ ḅụ koromam.

Jọsụwa 4:8 Iomraidhean Croise

Paka-so 12:28

Anịtẹso Izirẹlịapụ ma so tẹ mu ọkọ mịẹm, KỊNỊNYANAḄỌ ḅe wẹrịtẹ tọn Mozizi na, Erọnị na pịrị ḅara anie ịn mịẹ ḅara.

Paka-so 24:4

Tẹ Mozizi KỊNỊNYANAḄỌ ḅe ẹkwẹn-aḅịḅị mamgba kẹẹ famam. Ọ̀ nwẹnị dede-funfun ḅụ saakị, tẹ nwẹnị tụndụ mẹ suku ḅụ gbọrụ agbamịẹ-anga nama, tẹ oyi maa ḅeriaị finji pike Izirẹlị ḅẹ oyi maa afuro finji ma wẹrịtẹ sime-ḅara.

Jọsụwa 4:20

Arị oyi maa aḍụḅarị finji ma tẹ ịn Jodanị mẹ ḅụ dogi pakama-ḅo aị ma, Jọsụwa kẹ Giligalị ḅụ sịẹmam.

Jọsụwa 4:9

Jọsụwa pịkị oyi maa aḍụḅarị finji ọkị tẹ kẹ Jodanị mẹ ogboku Ọḅọkụ-Igbe mẹ dogi agbamịẹapụ ma aḅụọ ma sịẹsime anga mẹ ḅụ sịẹmam, tẹ arị anịjụ paa emi ḅo mịmgba lam.