Jọsụwa 4:7 - FỊAFỊA BAỊBỤLỤ

⁷ Anịtẹso ó ḍuko ịn pịrị ḅa mịnẹ Jodanị mẹ ḅẹ aminji ma pẹlẹ-som KỊNỊNYANAḄỌ ḅe Ọḅọkụ-Igbe mẹ tọrọkọ; anị Jodanị mẹ saḅa-ḅọrọ sakị, Jodanị ḅẹ aminji ma pẹlẹ-som. Anieḅụ mịna aḍụḅarị ma ye kẹ kịnị aḅio kuroma aḍụḅarị sọ Izirẹlị ḅẹ atomi ma pịrị gbamaso ḅa.”

Jọsụwa 4:7 Iomraidhean Croise

Devidi-Anume 111:4

KỊNỊNYANAḄỌ ḅe ḍụkụ tẹ wa ọ̀ ḅụụ-buama amịẹaị ma kẹ ḅioḅọrọma-a; ori iḅi ḅara kẹ kịnị na mịẹarị, ọ̀ pịkị ọkụrụkụrụ nyana wararị.

Paka-so 12:14

Mịmgba mẹ ọ́ kẹ ḅiokoroma ḅarị ene sọ ọ́ pịrị ḅa, tẹ ọmịnị anị kẹ kopini afịaị fị KỊNỊNYANAḄỌ ḅe pịrị alalị ene ḅara wẹrị ḅa, ḅụọ-fa-ḅụọ-paka ḅụ ọmịnị anị kẹ kụrọ ḅara ḅio sime ḅọ sụa oloko sọma tẹ anị kẹ elekima sụa gbamaso ḅa.”

Paka-so 28:12

Ị́ maa aḍụḅarị ma kẹ ẹfọdị nwẹn-sịn kapa mẹ ḅụ simearị apana-ḅọrọma-ḅịtẹ ma ḅụ oḅolo ḅa, Izirẹlị owiapụ-awọmẹ ma kẹ ḅiokoroma aḍụḅarị ḅara ḅụ. Mị ḅara, Erọnị ịn kẹ ḅiokoroma ḅara kẹ ori apana ọgọnọ ḅụ ịna ẹrẹ ma dogi ḅa KỊNỊNYANAḄỌ ḅe tọrọkọ ḅụ.

Paka-so 30:16

“Ị́ Izirẹlịapụ ma ḅara ḅụ si-wẹrịso pịrị igbigi mẹ ḍa ḅa, tẹ anị kẹ Kobiri Akpụrụ-warị mẹ ḅẹ kọrịnama ḅụ suu ḅa mịẹtẹ anị KỊNỊNYANAḄỌ ḅe tọrọkọ ḅụ Izirẹlịapụ kẹ ḅiokoroma ọkị-ḅo ḅẹ ḅara; mịẹtẹ ó si wẹrịso pịrị mịẹ ọmịna aḅụụ pịrị ḅarị ḅara.”

Ayịzaya 66:3

Tomi ma ịna ḅụụ ḅẹlẹ ye ḅẹlẹ ye mịẹarị. Ịn nambulo ḅaa kẹ agba mịẹ-o, in tomḅọ kẹ mịẹ-o, ịna ḅụ gberie; ini anana tụḅọ kẹ agbamịẹ-o, obiri kọngọ anyịma tẹ kẹ mịẹ-o, anịanịa ini mgbọlị afịaị kẹ agbamịẹ-o, opuropo ọmbie kẹ mịẹ-o; ịn ḅọrọ kụnụaị agbamịẹ oru pịrị, anịanịa oru tẹkẹ-o. Ḅụụ ḅụ si lama wararị sunsin Tamụnọ pịrị ḅara mẹ nwẹnị ịna ḅio ḅẹlẹmarị.

Kịẹn-aḅịḅị 16:40

anị ye kẹ kịnị ḅiokoromaye sọ Izirẹlịapụ ma pịrị ḅarị ḅara, mịẹtẹ agbamịẹḅọ-a tomḅọ, Erọnị furo ḅụ paka-ḅo-a ḅọ, sọma mu agbamịẹ-anga mẹ kpeki, tẹ KỊNỊNYANAḄỌ ḅe tọrọkọ agba dọkịma ḅịa ḅara, anieofori mḅọ ḅofa ḅo Kora na ori ogbo ḅẹ apụ na sọ KỊNỊNYANAḄỌ ḅe wẹrịtẹ Mozizi ḅụ ḅọrọ tẹ kẹ Ẹlịyeza ḅẹẹ ḅara.

Kịẹn-aḅịḅị 17:5

Anịsakị tomḅọ ḅe tẹ à sẹlẹ-ọkị ḅọ ḅe mkpara mẹ so-paka ḅa; mị-ḅara mie à mịẹtẹ kẹ ị̀ ḅụụ ḅụ Izirẹlịapụ ma mbụrụmbụrụ ma dasịẹma ḅarị ḅara, arị aị ma tẹ ịn kẹ mbụrụmbụrụ ọ́ pịrịarị aị ma.”

1 Kọrịntị 11:24

tẹ ịmịẹtẹ kẹ Tamụnọ ḅẹẹ tẹ, anị paịn tẹ ḅẹẹm, “Mịẹ ì oju mẹ, ịn kẹ ó gotẹ pịrị ye mẹ. Ó miemẹ mịẹ tẹ kẹ ị̀ kẹ ḅiokoromaa.”

Ditẹrọnọmị 16:3

Ọ́ suntẹ fịturu kẹ anị na fị ma; sọnọma aḍin ọ́ nwẹn kẹ sun-a fịturu kẹ anị na fị ḅa, tọrụsiẹrị fịturu mẹ — kẹ gotẹ ọkọ ḅẹẹarị, fọnya mangị ḅụ ọmịnị Ijiputi ḅẹ ama mẹ ḅio paka-ḅom — mịnẹ ọmịna ḍumo ene mamgba ḅụ ọmịnị inetẹ mịmgba mẹ tẹ ọmịnị Ijiputi ḅẹ ama mẹ ḅio paka-ḅo sakị mẹ kẹ ḅiokoroma ḅa.

Jọsụwa 4:6

Mịna aḍụḅarị ma elekima sọ ḅa ọmịna ogboku, ḅo ḅarị sakị ḅụ ọmịna awọmẹ ó gbela ḅẹ sakị, ‘Arị aḍụḅarị ma arị ọmịna ḅụụ tiye fie?’