Jọsụwa 4:12 - FỊAFỊA BAỊBỤLỤ

¹² Rubẹnị owiapụ-awọmẹ ma na, Gadi owiapụ awọmẹ ma na, Manasẹ furo mẹ kẹ maa anga ḍiya ḅẹ gbọrụ anga mẹ na, ọmụ-aị ọlọ tẹ mẹnjị kirikọn-apụ ma tọrọkọ ḅọrọm, Mozizi kẹ ịn ḅẹẹ ḅara ḅụ.

Jọsụwa 4:12 Iomraidhean Croise

Paka-so 13:18

Kụma Tamụnọ ịkpa mẹ ḅẹ etela mẹ ḅụ ikelema Awụ Tọrụ mẹ da-mu ḅụ etela kẹ tomi ma ḍiem. Tẹ Izirẹlịapụ ma ḅụụ tẹlẹma owu pịrị tẹ ḅara kẹ Ijiputi ama ḅụ mẹnjị pakam.

Kịẹn-aḅịḅị 1:24

Danị atomi ma ḅụ, ịna aḅụọ ḅụ, furo-furo ma, ịna aḍapụ awarị ma ḅụ, ẹrẹ ma kịẹn-ḅịḅị sime-ḅara ḅụ, si kụra sịḅị ḅụ ḅọrọtẹ apụ ḅụ ọkị iwo inimgba tẹ ịnyọ nyanatẹ mu ọmụ gbin ḅarị apụ;

Kịẹn-aḅịḅị 32:17

Kụma wa ọmụ-aị ọkị tẹ ḅụụ tẹlẹma Izirẹlịapụ ma tọrọkọ tarị pịrị ḅa, nwenii wa ini ọkị-ḅo ịna sime-yọ ḅụ wẹrị ḅa; anịsakị ama ḅẹ apụ ma gotẹ, wamịna ḍọkọḍọkọ-awọmẹ ma ọmụ kiki ḅara kẹ nama kụrọma wararị opu ama ma ḅio anga ḅa.

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 33:21

Ori ama mẹ ḅẹ iḅitẹịn anga sẹlẹ ọ̀ ḅụụ pịrịm; anịjụ ịn ḅẹrẹtọnḅọ kiri sikimam; tẹ ò tomi ma ḅẹ sịḅịdapụ ma ḍọkụma-ḅom, Izirẹlị ḅụụ ḅụ ọ̀ ḅẹrẹ mẹ tọnm na KỊNỊNYANAḄỌ ḅe sụa karakara Oloko ma na.

Jọsụwa 1:14

Ọmịna sime-ereme na, ọmịna ḍọkọḍọkọ-awọmẹ na, ọmịna opu anama na ama mẹ tẹ Jodanị saḅa-koro ḅụ Mozizi kẹ ọ́ pịrị ama mẹ ḅio sime ḅa; kụma ọmịna ogboku ḅụ, ḅiokpọ tẹ ọmụgbin ḍin owiapụ mamgba ịna ọmụ-aị ḅiri tẹ tarị saḅa-ḅọrọ tẹrẹmẹ ọmịna amịnapụ ma ḅo ḅa, tẹ ọ́ ḅarasụa ịn pịrị ḅa,

Jọsụwa 4:11

Tomi mamgba saḅa-ḅọrọ fama tẹso, KỊNỊNYANAḄỌ ḅe Ọḅọkụ-Igbe mẹ na, agbamịẹapụ ma na nwẹnị mẹnjị tomi ma tọrọkọ ḅọrọ.

Jọsụwa 4:13

Ḅụụ tẹlẹma ọmụgbin pịrị tẹ ọmụ-aị ọlọ wararị kịnị sọnọa puku pembe apụ KỊNỊNYANAḄỌ ḅe tọrọkọ nwẹnị owu gotẹ mẹnjị ḅọrọ Jeriko ḅẹ ele ma ḅio mu.