Jọsụwa 4:10 - FỊAFỊA BAỊBỤLỤ

¹⁰ Anị kẹ gotẹ ọkọ mịẹ ye, agbamịẹapụ ma tẹ Ọḅọkụ Igbe mẹ dogi apụ ma Jodanị mẹ ogboku mẹ ḅụ sịẹsime nwenii ḅẹẹye-ḅẹẹye tẹ KỊNỊNYANAḄỌ ḅe tọn Jọsụwa pịrịm ò ḍuko tomi piri nwẹn ḅẹẹ ye goyegoye faam, Mozizi wẹrịtẹ tọn Jọsụwa pịrị ḅara mamgba. Fọnya ḅara ḅụ tomi ma saḅa-ḅọrọm.

Jọsụwa 4:10 Iomraidhean Croise

Devidi-Anume 119:60

À sakị fama-a ḅara kẹ fọnya ị́ tọn kuroma aị ma poki tẹ mịẹarị.

Paka-so 12:39

Tẹ ịn fịlawa mẹ tẹ Ijiputi ḅụ ịn pikiri tẹ kẹ ḅo ye mẹ kẹ sunmaye sọ-a akịkị fọịnm, gbala ini Ijiputi ḅụ ịn sukuruma pakamam, ini inetẹ sime ala-a, ịn fị ḅẹ gberie-sọ ịn tẹlẹma ịna aḅụụ pịrị-a ẹrẹsị mie anị gotẹ sunma-a ye sọ ye.

Egberima-Ẹkwẹn 27:1

Ḅaa gotẹ ḅụụ-boma ma. Mịọkụ na anị sakị na ogbo ḅụ paka ḅẹ ye í nimi-a.

Nimi Tolumaḅọ 9:10

Ị́ ḅara laa tẹ ị́ inetẹ mịẹ ḅẹ ye goyegoye ị́ ịnyọ mẹmgba kẹ anị mịẹ; kẹ gotẹ ọkọ ḅẹẹarị, í muarị ḍuḅu mẹ ḅio kọrị-kọrị kọrịnama, anịanịa kuroma nyana, anịanịa ye ḍawọ ḍịn tẹ anị nimi, anịanịa nimi sọ ofori.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

2 Kọrịntị 6:2

Ọ́ Tamụnọ ḍukoarị ye naa: “Àrị iḅi kẹ ọ́ mịẹ ḅẹ sakị la sakị, arị ọ́ naam; arị ọ́ ḅọrọma ḅẹ ene mẹ ḅụ, à ḅarasụa ọ́ pịrịm.” Ó pokii! Mie Tamụnọ iḅi kẹ wa mịẹ ḅẹ sakị mẹ; mie ọ̀ wa ḅọrọma ḅẹ ene mẹ!

Ditẹrọnọmị 31:9

Mozizi mị Oloko mẹ kẹẹ tẹ anị kẹ agbamịẹapụ ma na, Livayị owiapụ-awọmẹ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma na, Izirẹlị ḅẹ omongiapụ mamgba na pịrịm.

Jọsụwa 24:11

Ọ́ nwẹnị Jodanị mẹ mẹnjị saḅa tẹ ḅo Jeriko la, tẹ Jeriko ḅẹ apụ ma ọmịnị na owu-sọm, tẹ Amọrayịtị apụ ma na, Pẹrịzayịtị apụ ma na, Kenanị ḅẹ apụ ma na, Itayịti apụ ma na, Gagasayịtị apụ ma na, Hivayịtị apụ ma na, Jebusayịtị apụ ma na sọ ọmịnị na owu sọm; tẹ arị ịn kẹ ọmịna ḅara-ḅio ḅụ ọ́ pịrịm.

Jọsụwa 3:13

Anịsakị agbamịẹapụ ma tẹ KỊNỊNYANAḄỌ tomikiri mẹmgba nyana KỊNỊNYANAḄỌ ḅe Ọḅọkụ-Igbe mẹ dogi wararị apụ ma aḅụọ-kuḅu Jodanị mẹ ḅẹ minji mẹ la tẹso, kụma, Jodanị ḅẹ minji mẹ daasịẹ ḅa tẹ ḅarị seri ḅịa, tẹ ọgọnọ-jụ ideri ḅoarị minji mẹ gbọrụ kpo ḅụ sịẹsime ḅa.”

Jọsụwa 4:11

Tomi mamgba saḅa-ḅọrọ fama tẹso, KỊNỊNYANAḄỌ ḅe Ọḅọkụ-Igbe mẹ na, agbamịẹapụ ma na nwẹnị mẹnjị tomi ma tọrọkọ ḅọrọ.

Jọsụwa 4:9

Jọsụwa pịkị oyi maa aḍụḅarị finji ọkị tẹ kẹ Jodanị mẹ ogboku Ọḅọkụ-Igbe mẹ dogi agbamịẹapụ ma aḅụọ ma sịẹsime anga mẹ ḅụ sịẹmam, tẹ arị anịjụ paa emi ḅo mịmgba lam.