Jọsụwa 3:8 - FỊAFỊA BAỊBỤLỤ

⁸ Anịsakị ị́ tọn agbamịẹapụ ma tẹ Ọḅọkụ-Igbe mẹ dogi apụ ma pịrị ḅa, ‘Ó ḅo Jodanị mẹ ḅẹ minji akaka mẹ la sakị, ó Jodanị ḅẹ minji mẹ ḅio sịẹsime ḅa.’ ”

Jọsụwa 3:8 Iomraidhean Croise

2 Amadapụ 2:6

Anịtẹso Ịlayịja nwẹnị ọ̀ ḅẹẹ, “Mịanga simee, àrị ị́ tẹkẹm; gbala KỊNỊNYANAḄỌ ḅe ị̀ kẹ Jodanị tọrụ mẹ fịrịma tẹẹ.” Kụma Ịlayịsa nwẹnị ḅẹẹ, “KỊNỊNYANAḄỌ ḅe ḍumo wararị, tẹ ị́yẹrị ḅe sọ ḍumo wararị ogbo àrị ị́ wẹrịso ḅịa.” Anieḅụ ini maa apụ ma nwẹnị mẹnjị ma-mu.

2 Paka-aị 29:15

In nwẹnị ịna mịnapụ kobiri tẹ ịna ḅụụ mịẹ fịafịama, tẹ amadaḅọ ḅe KỊNỊNYANAḄỌ ḅe ẹkwẹn-ḅịḅị ḅụ tọn tẹ ḅara ḅụ KỊNỊNYANAḄỌ ḅe warị mẹ mịẹ fịafịama ḅẹ ḅara kẹ so mum.

2 Paka-aị 29:27

Anịtẹso Hẹzịkaya nwẹnị tọn mịnẹ ini agbamịẹ-anga mẹ ọgọnọ agba mẹ mịẹ. Anịsakị agbamịẹ mẹ sakị tẹ ḅẹḅẹ, in pịkị su KỊNỊNYANAḄỌ ḅe pịrịarị nume mẹ sọ saakị, tẹ ọdụ ma ofuro, Devidi, Izirẹlị ḅẹ amadaḅọ ḅe farị-farịaị ma pịkị arị ḅụ sọ.

2 Paka-aị 29:30

Hẹzịkaya, amadaḅọ ḅe na, amadapụ owiapụ-awọmẹ ma na nwẹnị tọn Livayị furo-ḅẹ-apụ ma pịrị in Devidi na, Asafụ so-ḅịrịḅọ ḅe na ẹkwẹn-aḅịḅị ma kẹ tokini anume su KỊNỊNYANAḄỌ ḅe pịrị. In nwẹnị ḅioḅẹlẹ kẹ tokini anume su, tẹ sịḅị-tuu tẹ kparakị tẹ sunsinm.

2 Paka-aị 30:12

Tamụnọ ḅara mẹ Juda ọgọnọ ḅụ pịkị emi tẹ gbọrụ ḅioḅẹngbọ kẹ in pịrị tẹ ini amadaḅọ ḅe na, amadapụ ma owiapụ-awọmẹ ma na KỊNỊNYANAḄỌ ḅe ẹkwẹn-ḅịḅị mẹ ḅụ tọn in pịrị ye mẹ mịẹ ḅẹ ḅara.

Nehimaya 13:22

À nwẹnị tọn Livayị furo-ḅẹ-apụ ma pịrị mịnẹ ini ịna aḅụụ mie fịafịama tẹ ḅo Ogigo-aḅọkọ ma ḍikiḍiki, kẹ Ịnyọsara-Ene mẹ wẹrị fịafịama. Í ḍiki-ḅụụjịrị ḅụ miemẹ sọ kẹ ḅiokoromaa, yei ị̀ Tamụnọ, tẹ fomu-ḅara wẹrịso ị̀ pịrịị í gburo-gburotẹ jike-a ḅẹlẹma mẹ wẹrịtẹ sime-ḅara ḅụ.

Nehimaya 13:28

Ẹlịyasibu Sịḅịda-Agbamịẹḅọ ḅe owiḅọtụḅọ Jehohada owiapụ-awọmẹ ma ḅẹ gbọrụḅọ anie Sanịbalatị, Horoni ḅẹ ḅọ ḅe fụanḅọ; anịẹrẹsị arị ị̀ ḅụụ ò dee-siinm.

Paka-so 14:13

Mozizi nwẹnị tomi ma pakịrị, “Ọ́ ḅalafa ma, ọ́ sịẹ-kụrọọ, tẹ tọrụngbọ kẹ KỊNỊNYANAḄỌ ḅe ḅọrọma mẹ tẹ mịmgba ọ̀ kọrị ọ́ pịrị ḅarịye mẹ ẹrịị: kẹ gotẹ ọkọ ḅẹẹarị, Ijiputi-ḅẹ-apụ ma tẹ ọ́ mịmgba ẹrịarị apụ ma ọ́ gbala-gbala ḅarị jen-maaịn kẹ ini ẹrị ḅịa.

Kururu Owu-apọkọ 3:26

Anị iḅim mịnẹ tomḅọ dein ḅara kẹ sime KỊNỊNYANAḄỌ ḅe ḅọrọma mẹ koru

Jọsụwa 3:17

Izirẹlị mẹmgba saḅa-ḅọrọarị sakị agbamịẹapụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma Jodanị mẹ ogboku samụnọtẹ kiri ọgọnọ sịẹsime nwenii opu sịẹ mẹmgba Jodanị mẹ saḅa-koro famam.

Jọsụwa 3:3

tẹ tọn tomi ma pịrị, “Livayị furo ḅẹ agbamịẹapụ ma KỊNỊNYANAḄỌ ọmịna Tamụnọ ḅe Ọḅọkụ-Igbe mẹ dogi ḅọrọtẹ ọmịnị ẹrị tẹ ḅẹḅẹ, anịsakị mie ọmịnị ó sime anga ḅụ saakị anị ḍuka mu ḅarịye,

Jọsụwa 3:7

Tẹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba ḅụ mie arị Izirẹlị mẹmgba tọrụ ogbo ḅụ ị́ saakị-gelema ḅarịye, mịẹtẹ ịn nimi ḅẹ ḅara mịnẹ, á wẹrịtẹ Mozizi na sime-ḅara anị ḅara mie àrị ị́nịna sime ḅarị ḅara.

Jọsụwa 3:9

Anịtẹso Jọsụwa nwẹnị Izirẹlị ḅẹ atomi ma ḅẹẹ, “Ọ́ mịanga ḅoo, tẹ KỊNỊNYANAḄỌ ọmịna Tamụnọ ḅe ẹkwẹn-aḅịḅị ma naa.”

Jọsụwa 4:11

Tomi mamgba saḅa-ḅọrọ fama tẹso, KỊNỊNYANAḄỌ ḅe Ọḅọkụ-Igbe mẹ na, agbamịẹapụ ma na nwẹnị mẹnjị tomi ma tọrọkọ ḅọrọ.