Jọsụwa 3:7 - FỊAFỊA BAỊBỤLỤ

⁷ Tẹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba ḅụ mie arị Izirẹlị mẹmgba tọrụ ogbo ḅụ ị́ saakị-gelema ḅarịye, mịẹtẹ ịn nimi ḅẹ ḅara mịnẹ, á wẹrịtẹ Mozizi na sime-ḅara anị ḅara mie àrị ị́nịna sime ḅarị ḅara.

Jọsụwa 3:7 Iomraidhean Croise

1 Paka-aị 29:25

KỊNỊNYANAḄỌ ḅe gburo-gburotẹ mangịma kẹ Izirẹlịapụ mamgba tọrọkọ ḅụ ọ̀ pịrịm, pịkị Izirẹlị ḅụ tarị ama-da tẹrẹmẹ ori ḅo ama-da apụ ḅụụ gbọrụḅọ so nyana-a ama-da opu kẹ ori ọgọnọ sara.

2 Paka-aị 1:1

Sọlọmọnị, Devidi owiḅọtụḅọ ḅe ori ama-da ye-yọ ḅụ ọ̀ ḅụụ mịẹ pakamam, tẹ KỊNỊNYANAḄỌ ọ̀ Tamụnọ ḅe ori na simem tẹ ḍuko ḅẹ ọkụ ofori ḅara kẹ ọ̀ mịẹ gburo-gburomam.

Jobu 7:17

Tomi anie tiye tẹ í opu ḅara kẹ ịn ḍikiarị, tẹ í ḅioḅẹngbọ kẹ ịna ọgọnọ gbanarị,

Devidi-Anume 18:35

Yei KỊNỊNYANAḄỌ, ị́ ị̀ gbaịn tẹ ị̀ ḅọrọmarị; ị́ ị̀ balarị ye mẹ ị̀ ḍụḅama tẹ, tẹ ị́ kụrọ mẹ ì koko kpaịnma tẹ.

Jọnị 17:1

Jizọsị miemẹ ẹkwẹn fama tẹso, ọ̀ tọrụ saakị so ḍiki tẹ ḅẹẹm, “Ḍa, sakị mẹ laa tẹẹ. Mịẹtẹ ị́ Tụḅọ ḅe ebube nyana, mịẹtẹ Tụḅọ ḅe ebube kẹ ị́ pịrị ḅarị ḅara.

Filipayị 1:20

Àrị ì ḅioḅẹngbọ mẹmgba kẹ ḅii tẹ pịkị kẹ ị̀ tọrọkọ sịẹma wararị ye anie, à paa sime ị̀ pịrị kọrịnama mẹ kọrị-a ḅọ sọma; kụma sakị mamgba ḅụ, tẹ jen-a jen-a mị gbọrụ sakị mẹ ḅụ, ḅiokpọ ị̀ ḅụụ ḅio ḅin ḅa, mịẹtẹ ì bebe sime-ḅara mẹmgba ḅụ, à kụn dogi-ḅo Kịrayịsị pịrị anị ḅọrọ ḍumo tọrụ ḅụ-o, fịị ḅụ-o.

Jọsụwa 1:17

Wa wẹrịtẹ ye mamgba ḅụ Mozizi ḅịḅị poki ḅara, mie wa kẹ ị́ ḅịḅị poki ḅarị ḅara; KỊNỊNYANAḄỌ ị́ Tamụnọ ḅe kịngẹ paa ị́nịna simee, ọ̀ wẹrịtẹ Mozizi na sime-ḅara!

Jọsụwa 1:5

À wẹrịtẹ Mozizi na sime-ḅara mie arị ị́nịna sime ḅarị ḅara, ị́ ḍumo-ene mamgba ḅụ; inetẹ ị́ tọrọkọ sịẹ ḅẹ ḅọ ofori; arị í pikirima ḅịa, anịanịa ị́ sịkị.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 3:6

Jọsụwa nwẹnị agbamịẹapụ ma ḅẹẹ, “Ọmịnị Ọḅọkụ-Igbe mẹ dogi tẹ tarị tomi ma tọrọkọ ḅụ mẹnjị ḅọrọọ.” Tẹ ịn nwẹnị Ọḅọkụ-Igbe mẹ dogi, tẹ tomi ma tọrọkọ ḅụ mẹnjị mu.

Jọsụwa 3:8

Anịsakị ị́ tọn agbamịẹapụ ma tẹ Ọḅọkụ-Igbe mẹ dogi apụ ma pịrị ḅa, ‘Ó ḅo Jodanị mẹ ḅẹ minji akaka mẹ la sakị, ó Jodanị ḅẹ minji mẹ ḅio sịẹsime ḅa.’ ”

Jọsụwa 4:14

Anị ene mẹ ḅụ, KỊNỊNYANAḄỌ ḅe Jọsụwa saakị gelemam Izirẹlị mẹmgba tọrụ ogbo ḅụ; ịn nwẹnị ḅalafa na, kụn na, mangịma na nyana ọ̀ pịrị, ịn wẹrịtẹ ḅalafa na, kụn na, mangịma na nyana Mozizi pịrị ḅara ò ḍumo-ene mamgba ḅụ.