Jọsụwa 3:5 - FỊAFỊA BAỊBỤLỤ

⁵ Tẹ Jọsụwa nwẹnị tomi ma ḅẹẹ, “Ọmịnị ọmịna aḅụụ mịẹ fịafịama, kẹ gotẹ ọkọ ḅẹẹarị, ḅaa ḅụ KỊNỊNYANAḄỌ ḅe ọmịna ogboku ḅụụ-gbiripuma ye mịẹ ḅa.”

Jọsụwa 3:5 Iomraidhean Croise

Jobu 1:5

Kopini afịaị fị ene ma ḅo ḅọrọ fama tẹso kụma Jobu fịrịma tẹ ịn mịẹ fịafịama ḅa, tẹ ḅaso kẹ saakị tẹ inimgba kịẹn-ḅịḅị wẹrịtẹ la ḅara ḅụ dọkịma-agba mịẹ ḅa; Jobu kẹ gotẹ ọkọ mịẹarị, ori mẹẹ, “Sosi-ọkụma, ị̀ owiapụ-awọmẹ ma ịna aḅioḅẹngbọ ḅụ Tamụnọ wori tẹ si mịẹ tẹ ḅoto.” Mị-ḅara mie Jobu sịkọpẹlẹ-a ḅara ḅụ mịẹ ḅara.

Devidi-Anume 77:15

Ị́ kụrọ ḅụ ị́ ị́ atomi ḅọrọmam, Jekọbụ na Josẹfụ na furo-ḅẹ-apụ ma.

Devidi-Anume 86:10

Ị́yẹrị opu kụrọḅọ, tẹ ḅụụ-buama-aị mịẹarị ḅọ; kịngẹ anie Tamụnọ.

Jowẹlị 2:16

Tomi ma kobiri ḅo gbolomaa, tẹ ịn mịẹ fịafịama kobiri mẹ pịrịị; omongiapụ ma ọkị-ḅoo, awọmẹ ma kobirii, pịkị ḍọkọḍọkọ-awọmẹ sọ. Ịwọma simearị ama-na-ere-na sọ ịna kala-ḅio koroma so tẹ ḅo nyanam.

Lẹvitikọsị 10:3

Anịtẹso Mozizi nwẹnị Erọnị ḅẹẹ, “Mie mẹ anie KỊNỊNYANAḄỌ ḅe ḍuko ye mẹẹ, ‘Inima tẹ ị̀ na kpeki apụ ma ogbo-ḅio ḅụ arị à fịafịa ḅara kẹ ị̀ ḅụụ ḍie-pakama ḅa, anịsakị tomi mamgba tọrọkọ ḅụ arị ebube nyana ḅa.’ ” Tẹ Erọnị amịna ḅụụ ọlọm.

Lẹvitikọsị 20:7

Anịẹrẹsị ọmịnị ọmịna aḅụụ mịẹ fịafịama tẹ fịafịa ḅara simee; kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee.

Kịẹn-aḅịḅị 11:8

Tomi ma mẹnjị-mẹnjị ikelema tẹ anị tanm, tẹ ye gbẹẹ-ye ḅụ anị gbẹẹm, anịanịa pụmbụ ḅio anị temim, tẹ anị sọọ, tẹ kẹ kịkị mịẹm, anịsakị anị ḅẹlẹarị ḅara gbala olivu pulo kẹ fọị kịkị ḅẹlẹ ḅara.

Jọnị 17:19

In gotẹ àrị ị̀ ḅụụ wẹrị sikima ị́ pịrịm, mịẹtẹ ini sọ karakara ḅara kẹ ịna ḅụụ wẹrị sikima ị́ pịrị ḅarị ḅara.

Jọsụwa 3:13

Anịsakị agbamịẹapụ ma tẹ KỊNỊNYANAḄỌ tomikiri mẹmgba nyana KỊNỊNYANAḄỌ ḅe Ọḅọkụ-Igbe mẹ dogi wararị apụ ma aḅụọ-kuḅu Jodanị mẹ ḅẹ minji mẹ la tẹso, kụma, Jodanị ḅẹ minji mẹ daasịẹ ḅa tẹ ḅarị seri ḅịa, tẹ ọgọnọ-jụ ideri ḅoarị minji mẹ gbọrụ kpo ḅụ sịẹsime ḅa.”

Jọsụwa 3:15

Mịọkụ fịye soku sakị mẹmgba ḅụ Jodanị mẹ seri-minji anị ḅẹ akaka mamgba gbaịn-arị. Ọḅọkụ-Igbe mẹ dogi wararị agbamịẹapụ ma aḅụọ paa tọrụ akaka mẹ ḅẹ minji mẹ ḅio sọ gbọrụ-kirikiri,

Jọsụwa 3:4

mịẹtẹ ọmịnị ó mu ḅẹ etela nimi ḅẹ ḅara, kẹ gotẹ ọkọ ḅẹẹarị, mị etela mẹ jen sakị amụ ọ́ mẹnjị ḅọrọ-a. Anịsọ ó ḅo anị kpeki ma tẹ sọnọma ẹndẹ na oyia asi aḅụọ-kuḅu (1 km) pembe ḅara kẹ anị ḅụ ḅelee.”

Jọsụwa 3:6

Jọsụwa nwẹnị agbamịẹapụ ma ḅẹẹ, “Ọmịnị Ọḅọkụ-Igbe mẹ dogi tẹ tarị tomi ma tọrọkọ ḅụ mẹnjị ḅọrọọ.” Tẹ ịn nwẹnị Ọḅọkụ-Igbe mẹ dogi, tẹ tomi ma tọrọkọ ḅụ mẹnjị mu.

Jọsụwa 7:13

Saakịị, tomi ma mịẹ fịafịamaa, tẹ ḅẹẹ, ‘Ọmịnị ọmịna aḅụụ mịẹ fịafịama ḅaa ḅẹ ene pịrị’; kẹ gotẹ ọkọ ḅẹẹarị, yẹrị Izirẹlị ḅẹ KỊNỊNYANA-TAMỤNỌ ḅe mẹẹ, ‘yei Izirẹlị, Sime ḅaa na gulugulma na pịrị aị ọmịna ogboku emii; ọmịnị inetẹ ọmịnị na fịya-a apụ tọrọkọ sịẹ ḅịa nwenii ọmịnị ọmịna ogboku Sime ḅaa na gulugulma na pịrị aị ma saakị siin ḅa.’

1 Samụẹlị 16:5

Tẹ ọ̀ nwẹnị pakịrị, “À dein ḅara ḅụ ḅom; arị agba mịẹ KỊNỊNYANAḄỌ ḅe pịrị ḅẹ ḅom; ọmịnị ọmịna aḅụụ mịẹ fịafịama tẹ ị̀ ḅụ sọ tẹ agbamịẹ mẹ ḅoo.” Tẹ ori nwẹnị Jese na, ori owiapụ-awọmẹ na mịẹ fịafịama tẹ in sịn agbamịẹ mẹ ḅo.