Jọsụwa 3:4 - FỊAFỊA BAỊBỤLỤ

⁴ mịẹtẹ ọmịnị ó mu ḅẹ etela nimi ḅẹ ḅara, kẹ gotẹ ọkọ ḅẹẹarị, mị etela mẹ jen sakị amụ ọ́ mẹnjị ḅọrọ-a. Anịsọ ó ḅo anị kpeki ma tẹ sọnọma ẹndẹ na oyia asi aḅụọ-kuḅu (1 km) pembe ḅara kẹ anị ḅụ ḅelee.”

Jọsụwa 3:4 Iomraidhean Croise

Suku-saakị 31:2

Jekọbụ nwẹnị ẹrị mịnẹ Lebanị ḅarị tarị ori ọ̀ kẹ ye-sịn tẹ ọ̀ ḅẹlẹma ḅara kẹ ọ̀ ḅẹlẹma-a.

1 Paka-aị 11:2

Ḅọrọtẹ sakị ḅụ, Sọlụ Ama-daarị sakị ḅụ sọ, ị́yẹrị mie Izirẹlị ḅọrọma pakama tẹ ọkị-ḅo suu ḅọ; tẹ KỊNỊNYANAḄỌ ị́ Tamụnọ ḅe ị́ ḅẹẹm, ‘Ị́yẹrị ị̀ atomi Izirẹlịapụ ma ḍikiḍikiḅọ so ḅa, tẹ ḅẹrẹtọn ị̀ atomi Izirẹlịapụ ma pịrị ḅa.’ ”

Devidi-Anume 25:12

KỊNỊNYANAḄỌ ḅe ḅịḅị pokiarị apụ ma, ori ịn mẹnjị ḅarị karakara etela kẹ ịn ḍie ḅa.

Devidi-Anume 89:7

Fịafịa apụ ma kobiri mẹ ḅụ ini ị́ mangịmarị; tẹ inimgba ị́ tọrọkọ ḅụ ḅụụ ḅaa ḅara kẹ sịẹ wararị.

Paka-so 19:12

Anịsakị í tomi ma mu la ḅịa anga ḅẹ oke kẹ ịn ḍie tụndụ mẹ ikelema-koro ḅa tẹ ḅẹẹ, ‘Ọmịnị ọmịna aḅụụ ẹbịị mịnẹ ọmịnị tụndụ mẹ kpọlị-a, ọ́ pịkị kpeki mu ḅara kẹ anị ḅẹ agara sọ lama-a; ḅara kẹ tụndụ mẹ lama ḅọ lama ḅọ, ini mḅọ ḅaa ḅa.

Paka-so 3:5

Anịtẹso Tamụnọ nwẹnị ḅẹẹ, “Sọma ḅo kpeki ma! ị́ aḅụọ ḅụ simearị okuro ma sin, kẹ gotẹ ọkọ ḅẹẹarị, yọ mẹ tẹ ị́ sịẹsime wararị yọ mẹ anie fịafịa kiri.”

Paka-so 4:10

Kụma Mozizi nwẹnị KỊNỊNYANAḄỌ ḅe ḅẹẹ, “yei ị̀ Nyanaḅọ, àrị ẹkwẹn ọrụ nimi-a, à paka kụra-ḅio, anịanịa ị́ saakị ẹkwẹn yẹrị ị́ fịrịmẹnjịḅọ pịrịarị kụra-ḅio sọ; ọkụma ẹkwẹn ḅụ ị̀ ḅẹlẹ sarasara-a, tẹ à paḅụrụarị.”

Ayịzaya 30:33

Ala tẹ sakị ḅụ ịn gbọrụ yọ tẹlẹma wẹrịm, ini orumo kẹ Asiriya tomikiri mẹ dọkịma fama ḅẹ yọ. Anị pokolo tẹ finjima wararị, tẹ ịn pakịrị tan-tan anị ḅio sara tunduruma wararị. KỊNỊNYANAḄỌ ḅe ọwụ sara tẹ anị fịnị-ḅẹlẹ sọ tẹ veremuma anị kọrịma ḅa.

Ayịzaya 48:17

Izirẹlị tẹkẹarị Fịafịa Ḅọ ḅe, KỊNỊNYANAḄỌ ḅe tẹ ọ́ ḅọrọmarị ḅọ ḅe ḅẹẹm: Yẹrị anie KỊNỊNYANAḄỌ ọmịna Tamụnọ ḅe; ọmịna iḅi gotẹ ye kẹ ó toluma ḅẹ-ḅiiarị ḅọ ḅe tẹ ọ́ da-mu ọ́ sọ na-iḅi etela ḅio suuarị ḅọ ḅe.

Jọsụwa 3:3

tẹ tọn tomi ma pịrị, “Livayị furo ḅẹ agbamịẹapụ ma KỊNỊNYANAḄỌ ọmịna Tamụnọ ḅe Ọḅọkụ-Igbe mẹ dogi ḅọrọtẹ ọmịnị ẹrị tẹ ḅẹḅẹ, anịsakị mie ọmịnị ó sime anga ḅụ saakị anị ḍuka mu ḅarịye,

Jọsụwa 3:5

Tẹ Jọsụwa nwẹnị tomi ma ḅẹẹ, “Ọmịnị ọmịna aḅụụ mịẹ fịafịama, kẹ gotẹ ọkọ ḅẹẹarị, ḅaa ḅụ KỊNỊNYANAḄỌ ḅe ọmịna ogboku ḅụụ-gbiripuma ye mịẹ ḅa.”