Jọsụwa 3:3 - FỊAFỊA BAỊBỤLỤ

³ tẹ tọn tomi ma pịrị, “Livayị furo ḅẹ agbamịẹapụ ma KỊNỊNYANAḄỌ ọmịna Tamụnọ ḅe Ọḅọkụ-Igbe mẹ dogi ḅọrọtẹ ọmịnị ẹrị tẹ ḅẹḅẹ, anịsakị mie ọmịnị ó sime anga ḅụ saakị anị ḍuka mu ḅarịye,

Jọsụwa 3:3 Iomraidhean Croise

2 Samụẹlị 6:13

tẹ inima tẹ KỊNỊNYANAḄỌ ḅe Ọḅọkụ-Igbe mẹ dogiapụ ma sonio aḅụọ mẹnjị tẹso, ọ̀ nwẹnị gbọrụ pootẹ-nambulo na, tim-timtẹ gbọrụ asambịrịma nambulo na kẹ agba mịẹ.

2 Samụẹlị 6:3

Ịn nwẹnị ḅara kẹ sukurumarị maa aḅụọ sụa gbọrụ ịwọ yedogi-kirimẹnjị-arụ ḅio Ọḅọkụ-Igbe mẹ dogi, tẹ Abinadabụ warị mẹ tẹ tụndụ mẹ ọgọnọ sime ye mẹ ḅio anị pakama-ḅo; Abinadabụ owiapụ-awọmẹ Uza na, Ahiyo na mie yedogi-kirimẹnjị-arụ mẹ kẹ tọrọkọ sụn wararị.

1 Amadapụ 8:3

Izirẹlị ḅẹ omongiapụ mamgba kobiri tẹso, agbamịẹapụ ma Ọḅọkụ-Igbe mẹ saakịm,

Jerimaya 33:18

tẹ anịsakị agbamịẹapụ sakị mamgba Livayị furo ḅụ paka-ḅo tẹ fịrịmẹnjị ị̀ pịrị tẹ dọkịma-agba na mgbọlị-fịaị agba na, ja agba aḅara na mịẹ-mịẹ ị̀ pịrị ḅa.”

Kịẹn-aḅịḅị 10:33

Mịẹ ḅụ in KỊNỊNYANAḄỌ ḅe tụndụ mẹ ḅụ saakị mẹnjị tẹra aḍin igoni mum tẹ KỊNỊNYANAḄỌ ḅe ọḅọkụ mẹ ḅẹ igbe mẹ ịnyọsara yọ ḍọkị in pịrị ḅẹ ẹrẹsị tẹra aḍin igoni mẹ ḅụ ịna tọrọkọ-tarịm.

Kịẹn-aḅịḅị 4:15

Anịsakị akpụrụ-warị mẹ sin paka ḅara ḅụ Erọnị na ori owiapụ-awọmẹ na Fịafịa Yọ mẹ na, Fịafịa Yọ mẹ ḅẹ kọrịnama-kọrịaị mamgba na gbaịn fama tẹso, aniemẹ ḅọrọ sakị, Kohatị owiapụ-awọmẹ ma ḅo mịna aị ma dogi ḅa, kụma ịn ḅara kẹ fịafịa aị ma lama nyana-a anieofori ịn ḅofa fịị. Mịna aị ma anie Kobiri Akpụrụ-warị mẹ ḅẹ aị ma tẹ Kohatị owiapụ-awọmẹ ma dogi ḅarị aị ma.

Matiyo 16:24

Anịtẹso Jizọsị nwẹnị ò ḍukamẹnjịapụ ma ḅẹẹ, “Gbọrụḅọ nwẹnị ị̀ na sọ tẹ mẹnjị ḅarị ḅẹḅẹ, mḅọ amịna ḅụụ kẹ ḅioḅọrọmaa, tẹ amịna ẹngbẹsẹ-sịn saakị dogi, tẹ ì ḍuka ḅoo.

Matiyo 8:19

Tẹ Oloko toluma apụ ma ḅẹ ḅọ nwẹnị Jizọsị dama-ḅo tẹ ọ̀ ḅẹẹ, “Ye-tolumaḅọ, à tẹlẹma wararị ị́ na í mu anga, mu anga mu.”

Ditẹrọnọmị 31:25

Mozizi tọn Livayị furo-ḅẹ-apụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma pịrịm:

Ditẹrọnọmị 31:9

Mozizi mị Oloko mẹ kẹẹ tẹ anị kẹ agbamịẹapụ ma na, Livayị owiapụ-awọmẹ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma na, Izirẹlị ḅẹ omongiapụ mamgba na pịrịm.

Jọsụwa 3:4

mịẹtẹ ọmịnị ó mu ḅẹ etela nimi ḅẹ ḅara, kẹ gotẹ ọkọ ḅẹẹarị, mị etela mẹ jen sakị amụ ọ́ mẹnjị ḅọrọ-a. Anịsọ ó ḅo anị kpeki ma tẹ sọnọma ẹndẹ na oyia asi aḅụọ-kuḅu (1 km) pembe ḅara kẹ anị ḅụ ḅelee.”

Jọsụwa 3:6

Jọsụwa nwẹnị agbamịẹapụ ma ḅẹẹ, “Ọmịnị Ọḅọkụ-Igbe mẹ dogi tẹ tarị tomi ma tọrọkọ ḅụ mẹnjị ḅọrọọ.” Tẹ ịn nwẹnị Ọḅọkụ-Igbe mẹ dogi, tẹ tomi ma tọrọkọ ḅụ mẹnjị mu.

Jọsụwa 3:8

Anịsakị ị́ tọn agbamịẹapụ ma tẹ Ọḅọkụ-Igbe mẹ dogi apụ ma pịrị ḅa, ‘Ó ḅo Jodanị mẹ ḅẹ minji akaka mẹ la sakị, ó Jodanị ḅẹ minji mẹ ḅio sịẹsime ḅa.’ ”

Jọsụwa 4:10

Anị kẹ gotẹ ọkọ mịẹ ye, agbamịẹapụ ma tẹ Ọḅọkụ Igbe mẹ dogi apụ ma Jodanị mẹ ogboku mẹ ḅụ sịẹsime nwenii ḅẹẹye-ḅẹẹye tẹ KỊNỊNYANAḄỌ ḅe tọn Jọsụwa pịrịm ò ḍuko tomi piri nwẹn ḅẹẹ ye goyegoye faam, Mozizi wẹrịtẹ tọn Jọsụwa pịrị ḅara mamgba. Fọnya ḅara ḅụ tomi ma saḅa-ḅọrọm.

Jọsụwa 6:6

Anieḅụ Jọsụwa, Nọnị owiḅọtụḅọ ḅe agbamịẹapụ ma sịnm tẹ ịn ḅẹẹm, “Ọmịnị Ọḅọkụ-Igbe mẹ ọkị tẹ sọnọma agbamịẹapụ sọnọma ejimina ịfalị ọdụ ọlọ KỊNỊNYANAḄỌ ḅe Ọḅọkụ-Igbe mẹ tọrọkọ.”

Mịẹfinji 14:4

Ini ma anie owiapụ tẹ amụ ereme na gboloma-a, tẹ amịna ḅụụ wẹrị kpaịnma wararị apụ; ini anie fịafịa apụ. Anana Tụḅọ ḅe mu anga, mu anga ini ò ḍuka-muarị. Ini ma anie tomikiri ḅẹ atomi ma ḅụ kirikọn-apụ ma ogboku ḅụ ịn pakịrị ḅo tẹ kẹ tarị agba mịẹ Tamụnọ na Anana Tụḅọ ḅe na pịrị tẹ apụ.

1 Samụẹlị 6:15

Livayị furo-ḅẹ-apụ ma nwẹnị Ọḅọkụ-Igbe mẹ na, anị akaka sime igbe mẹ tẹ golu kẹ tẹmẹ-aị ma sime ye mẹ na saakị koroma, tẹ arị kẹ ḍụḅatẹ opu ḍụḅarị mẹ ọgọnọ gbana; tẹ Bẹtị-semesi ḅẹ apụ ma nwẹnị anị ene mẹ ḅụ tọnwa dọkịma-agba na, agba mịẹ aị na, kẹ agba mịẹ KỊNỊNYANAḄỌ ḅe pịrị.