Jọsụwa 3:10 - FỊAFỊA BAỊBỤLỤ

¹⁰ Jọsụwa nwẹnị ḅẹẹ, “Mie ḅụ mie ọ́ nimi ḅarịye mịnẹ ḍumo wararị Tamụnọ ḅe ọmịna ogbo-ḅio emi, tẹ gbarị-a ḅara ḅụ ọmịna tọrọkọ Kenanị ḅẹ apụ ma na, Itayịti apụ ma na, Hivayịtị apụ ma na, Pẹrịzayịtị apụ ma na, Gagasayịtị apụ ma na, Amọrayịtị apụ ma na, Jebusayịtị apụ ma na dee pakama ḅa.

Jọsụwa 3:10 Iomraidhean Croise

Suku-saakị 15:21

Amọrayịtị apụ ma-o, Kenanị ḅẹ apụ ma-o, Gagasayịtị apụ ma-o, Jebusayịtị apụ ma ama ma sọ.”

1 Amadapụ 22:28

Mayịkaya nwẹnị ḅẹẹ, “Ị́ nwẹnị dein ḅụ pịkịma-ḅo ḅoo, KỊNỊNYANAḄỌ ḅe ḅarị ị̀ ḅụụ ẹkwẹn-a.” Ọ̀ nwẹnị ḅẹẹ, “Ọ́ naa ọmịnị tomi mamgba!”

2 Amadapụ 19:4

Sosi-ọkụma KỊNỊNYANAḄỌ ị́ Tamụnọ ḅe in kẹ Rabisake sịn ḅọ ḅe ọ̀ sịḅịdaḅọ Asiriya ḅẹ amadaḅọ ọ̀ fịrịma tẹ ọ̀ kẹ ḍumo wararị Tamụnọ ḅe kombo ẹkwẹn-aḅịḅị mamgba naam, ọkọẹrẹsị tẹkẹ kirikọn-apụ ma pịrị, mịẹtẹ KỊNỊNYANAḄỌ ị́ Tamụnọ ḅe ịganị ọ̀ naa ẹkwẹn-aḅịḅị ma pịrị ḅe ḅara.”

1 Paka-aị 1:14

Kenanị anie pịkị Jebusayịtị apụ ma na, Amọrayịtị apụ ma na, Gagasayịtị apụ na,

Devidi-Anume 42:2

Ḍumo wararị Tamụnọ, ị̀ ị́ pọkọ-tarịarị; tọ-sakị à mu ị́ tọrọkọ sunsin ị́ pịrị ḅẹ?

Devidi-Anume 9:16

KỊNỊNYANAḄỌ ḅe amịna karakara aḅẹrẹkọn ma ḅụ ọ̀ ḅụụ ḍie-pakama tẹ, tẹ si-sịḅịḅio-sụapụ ma amịẹaị ma ọnya sọ tẹ in kun sịẹma tẹ.

Paka-so 17:7

Mozizi nwẹnị ẹrẹ kẹ anị yọ mẹ koro Masa na Mẹrịba na, gbala Izirẹlị ḅẹ awọmẹ ma kịnị ḅụụ ḍọkịarị si mẹ na ịn pịkị KỊNỊNYANAḄỌ ḅe daaḍiki tẹ gbelam, “KỊNỊNYANAḄỌ ḅe ò gbeke wamịna ogboku emi, mụnọọ ori ofori?” mẹ na ẹrẹsị.

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Paka-so 33:2

À gbọrụ enjẹlị kẹ ọmịna tọrọkọ fịrịma ḅa, anịsakị à Kenanị ḅẹ apụ ma na, Amọrayịtị apụ ma na, Itayịti apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na dee-pakama ḅa.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Hosiya 1:10

Izirẹlịapụ ma ḅo tọrụ-kọngọ ḅẹ onwi na kịka ḅa, ịn ḅaka ḅarị ḅara kịẹnkịẹn-ọkụ-ofori ḅara anịanịa iku-la-ḅara tọn-ḍikiḍiki-a ḅara. Mịọkụ Tamụnọ ịn ḅẹẹm, “Ọmịnị ị̀ atomi-a,” kụma gbọrụ ene ḅụ ori ịn ḅẹẹ ḅa, “Ọmịnị ḍumo wararị Tamụnọ ḅe awọmẹ!”

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Matiyo 16:16

Sayịmọnị Pita nwẹnị pakịrị, “Ị́yẹrị anie Mẹsaya ḍumo wararị Tamụnọ ḅe Tụḅọ ḅee.”

Jọnị 6:69

Tẹ mịọkụ wa minini tẹ pịkị nimi tẹ mịnẹ ị́yẹrị anie Fịafịa Ḅọ ḅe, tẹ Tamụnọ ḅụụ sime tẹ ḅo ḅọ ḅee.”

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

Ditẹrọnọmị 5:26

Kẹ gotẹ ọkọ ḅẹẹarị, meni mamgba ḅụ tụḅọ emi tẹ wa naa tẹ ḅara kẹ kọrị fịnị ogboku ḅụ ḍumo wararị Tamụnọ ḅe ẹkwẹn-arị tẹ naa tẹ paa ḍumo-sime tẹ ḅọ?

Ditẹrọnọmị 7:1

KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Ditẹrọnọmị 7:21

Ọmịnị ịn ḍiki-ḅalafa ma, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogbo-ḅio emi, gburo-gburotẹ tẹmẹ-naịn-naịnmarị Tamụnọ.

1 Tẹsalonịka 1:9

Arị atomi mamgba ḅẹlẹma ma ḅọrọarị aị anie, wa ḅo sakị ọ́ kẹ wa daa-ọkị ḅara na, ọmịnị oru sịkị tẹ Tamụnọ ḍukamẹnjị ḅara na, ọ́ kẹ fịrịmẹnjị ḍumo wararị, karakara Tamụnọ ḅe pịrịarị ḅara na,

Hiburu 10:31

Anị kpọma tẹmẹ-naịn-naịnmaye sọ ḅa, tomḅọ ḍumo wararị Tamụnọ ḅe aḅara-ḅio ḅịkị sọ kụma!

Jọsụwa 11:3

mu ịrụa-saakịarị-anga na, ịrụa-ideriarị-anga na ḅẹ Kenanị ḅẹ apụ anie Amọrayịtị apụ ma na, Itayịti apụ ma na, Pẹrịzayịtị apụ ma na, Jebusayịtị apụ tụndụ opu sịẹ mẹ ḅio ḅẹ apụ ma na, Mizipa ama mẹ ḅio Amọnị suku-ḅio sime Hivayịtị apụ ma na fịrịma.

Jọsụwa 12:8

Mị anga mẹ anie tụndụ sịẹ mẹ ḅio na, lẹsẹrẹ-kiri mẹ ḅio na, ịkpa ḅio ḅẹ ele mẹ ḅio na, pịkị Kenanị suku-jụ mẹ ḅio na — anie Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na amakiri mẹ.

Jọsụwa 21:45

Mie kụma KỊNỊNYANAḄỌ ḅe kẹ Izirẹlị warị mẹ karịma iḅi aị ma tẹ ọ̀ mịẹ-a tẹ gbarị ye ofori; arịmgba ḅo mịẹ-mịẹ tẹ ḅọrọm.

Jọsụwa 22:31

Ẹlịyeza agbamịẹḅọ ḅe owiḅọtụḅọ Finihasi nwẹnị Rubẹnị furo-ḅẹ-apụ ma na, Gadi furo-ḅẹ-apụ ma na, Manasẹ furo-ḅẹ-apụ ma na ḅẹẹ, “Mịmgba mie wa nimi ye mịnẹ KỊNỊNYANAḄỌ ḅe wamịna ogbo-ḅio emi, kẹ gotẹ ọkọ ḅẹẹarị, KỊNỊNYANAḄỌ ḅụụ amụ ọ́ mị kịnị pikirima mẹ mịẹ-a; mịọkụ mie ọ́ KỊNỊNYANAḄỌ ḅe ḅara ḅụ Izirẹlịapụ ma ḅọrọma tẹ ye.”

Jọsụwa 24:11

Ọ́ nwẹnị Jodanị mẹ mẹnjị saḅa tẹ ḅo Jeriko la, tẹ Jeriko ḅẹ apụ ma ọmịnị na owu-sọm, tẹ Amọrayịtị apụ ma na, Pẹrịzayịtị apụ ma na, Kenanị ḅẹ apụ ma na, Itayịti apụ ma na, Gagasayịtị apụ ma na, Hivayịtị apụ ma na, Jebusayịtị apụ ma na sọ ọmịnị na owu sọm; tẹ arị ịn kẹ ọmịna ḅara-ḅio ḅụ ọ́ pịrịm.

Jọsụwa 3:9

Anịtẹso Jọsụwa nwẹnị Izirẹlị ḅẹ atomi ma ḅẹẹ, “Ọ́ mịanga ḅoo, tẹ KỊNỊNYANAḄỌ ọmịna Tamụnọ ḅe ẹkwẹn-aḅịḅị ma naa.”

Jọsụwa 9:1

Amadapụ mamgba tẹ Jodanị mẹ ọgọnọ-jụ tụndụ ọgọnọ sime opu sịẹ mẹ ḅẹ apụ na, Gburo-gburotẹ Opu Tọrụ mẹ ḅẹ akaka lẹgịtẹ kiri ḅụ angama tọrụ mẹ ḍuka Lẹbanọnị da-mu Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na ḅụ sime apụ ma na,

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”

1 Samụẹlị 26:6

Anịtẹso Devidi nwẹnị Ayimẹlẹkị, Itayịti ḅọ ḅe na, Johabụ iyimbere Abisahị, Zeruya owiḅọtụḅọ ḅe na gbela, “Tụḅọ ị̀ na ideri Sọlụ akpụrụ-warị mẹ ḅio sọ-mu ḅẹ?” Abisahị nwẹnị pakịrị, “Àrị ị́ na ideri-mu ḅa.”