Jọsụwa 3:1 - FỊAFỊA BAỊBỤLỤ

¹ Ḅaso ḅio ḅụ Jọsụwa na Izirẹlị ḅẹ atomi mamgba na Sitimu ḅụ saakị mẹnjịm, tẹ ịn nwẹnị ḅo Jodanị mẹ la, tẹ anịjụ sime tẹrẹmẹ ịn saḅa-ḅọrọm.

Jọsụwa 3:1 Iomraidhean Croise

Suku-saakị 21:14

Mie ḅụ ene-ḅaa ḅẹ dede-funfun ḅụ Ebira-amụ saakịm tẹ fịye na, minji ḅin wararị gbọrụ nama oju minji-sụaye na ọkị tẹ kẹ Ega pịrị tẹ kẹ arị apana gbanam, tẹ á tụḅọ na arị na pakamam. Á nwẹnị paka-so tẹ mu Biyasẹba ḅẹ ịkpa mẹ ḅio sime tẹ ikelekele.

Suku-saakị 22:3

Mie ḅụ ene-ḅaa ḅẹ dede-funfun ḅụ, Ebira-amụ nwẹnị saakị tẹ ò yedogi-nama dẹẹ tẹlẹma, tẹ ori afịrịmẹnjịapụ ma ḅẹ maa apụ na, ori owiḅọtụḅọ Ayịzịkị na ọkị; tẹ nwẹnị ọ̀ kẹ dọkịma-agba mẹ mịẹ ḅarị sanga mẹ pẹlẹ, tẹ saakị so anịanga mẹ tẹ Tamụnọ ḍuko ọ̀ pịrị anga mẹ mu

Devidi-Anume 119:60

À sakị fama-a ḅara kẹ fọnya ị́ tọn kuroma aị ma poki tẹ mịẹarị.

Jerimaya 25:3

“si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Jerimaya 26:5

pịkị ị̀ afịrịmẹnjịapụ ịkịankoroapụ ma ẹkwẹn ma kẹ ye-sịn ḅụ anie à kẹ ọ́ fịrịma siin ọ́ fịrịmarị apụ ma. Jene-jene amụ ọmịnị in ḍuko ye poki-a.

Jerimaya 7:13

Ọ́ mịna asi mamgba mịẹ tẹ, karakaraye arị ẹkwẹn ọ́ pịrị, pịkị siin ẹkwẹn ọ́ pịrịm sọ, ọ́ ḍụkụ tẹ poki-a. Àrị ọ́ sịn sakị ọ́ pakịrị-a.

Mayịka 6:5

Yei, ị̀ atomi, Mohabụ ḅẹ amadaḅọ Balakị ọ́ mịẹ ḅẹ tọn ye, tẹ Bẹyọ owiḅọtụḅọ Balamụ ḅe kẹ ọ̀ pakịrị ye ó gbeke kẹ ḅiokoroma? Sitimu ḅụ ọkị mu Giligalị la ḅụ Akasiya ḅẹ Akpụrụ-warị ḅụ paka ye mẹ ó gbeke kẹ ḅiokoroma? Ọ́ mịna aị ma kẹ ḅiokoroma, tẹ ọ́ ḅọrọma gotẹ à kọrị aị ma lekirii.”

Kịẹn-aḅịḅị 25:1

Izirẹlị Sitimu ḅụ angarị ogbo tomi ma nwẹnị saakị Mohabụ ḅẹ eremịna-awọmẹ na sẹfị mẹnjị kọn.

Makị 1:35

Ene-ḅaa ḅẹ dede-funfun ḅụ, ene amụ finji koro-a ogbo, Jizọsị warị koroma-som. Ori ama mẹ ḅio mẹnjị paka tẹ mu yaụ-sime wararị anga tẹkẹm.

Jọsụwa 2:1

Jọsụwa, Nọnị owiḅọtụḅọ ḅe nwẹnị ḅọị ḅara ḅụ Sitimu ḅụ maa owiapụ kẹ fịrịma furu ḅara kẹ ama ḍiki apụ ḅara ḅụ ḅẹẹarị, “Ó mu ama mẹ ḍikii, jen-a jen-a Jeriko.” Ịn mum, tẹ nwẹnị ḅo gbọrụ sẹfị ẹrẹḅọ in Rehabụ kẹ ẹrẹ kẹ sịn ḅọ ma warị ḅio sọ, tẹ anịjụ sime.

Jọsụwa 6:12

Anịtẹso ḅaaso ḅio Jọsụwa nwẹnị saakị, tẹ agbamịẹapụ ma KỊNỊNYANAḄỌ ḅe Ọḅọkụ-Igbe mẹ dogim.

Jọsụwa 6:15

Sọnọma aḍin karama ene mẹ, ene mẹ ḅẹ finji-koro ḅụ ịn saakịm, tẹ anị gbọrụ ḅara kẹ sọnọma asakị kẹ mẹnjị opu ama mẹ ikelema-korom, anị ene mẹ ḅụ ngẹrị mie ịn sọnọma asakị kẹ mẹnjị opu ama mẹ ikelema-koro ye.

Jọsụwa 7:16

Anieḅụ Jọsụwa ḅaaso ḅio saakịm tẹ furo-furo ma ọkị-ḅo kpekima, tẹ Juda furo mẹ ịn nwẹn ọkịm.

Jọsụwa 8:10

Jọsụwa nwẹnị ḅaaso ḅio saakị tẹ tomi ma pekele-ḍiki ọkị, tẹ Izirẹlị ḅẹ omongiapụ ma na tomi ma tọrọkọ tarị tẹ Ayị mum.

Ḅẹrẹkọn-apụ 20:19

Anịtẹso Izirẹlịapụ ma nwẹnị dede-ḅio ḅụ saakị, tẹ owu kẹ Gibiya paka ḅẹ akpụrụ-warị pike.

1 Samụẹlị 17:20

Devidi nwẹnị dede-ḅio dede-ḅio kẹ saakị, tẹ anana ma kẹ gbọrụ anana-ḍikiḍikiḅọ ḅara sụa, tẹ Jese wẹrịtẹ tọn ọ̀ pịrị ḅara ḅụ fịaị ma ọkị mum; tẹ ḅo in kobiri anga mẹ lam ọmụ-ogbo mẹ owu oloku mẹ kọnma owu ọgbụrụ-sụn mẹ muarị ogbo.