Jọsụwa 24:1 - FỊAFỊA BAỊBỤLỤ

¹ Gbọrụ ene ḅụ, Jọsụwa Izirẹlị ḅẹ afuro mamgba kobiri Sẹkẹmụ mum, tẹ omongiapụ ma na, sịḅịdapụ ma na, ḅẹrẹkọn-apụ ma na, Izirẹlị ḅẹ kọrịnama kọrị opu-apụ ma na sịn kobirim; tẹ ịn Tamụnọ tọrọkọ ịna aḅụụ pakama-ḅom.

Jọsụwa 24:1 Iomraidhean Croise

Suku-saakị 12:6

Ebiramụ nwẹnị mẹnjị ama mẹ ḅio tolu-ḅọrọ Sẹkẹmụ ḅụ ịn More ḅẹ oku nwẹn-sịn opu sịn mẹ sime anga mẹ mu. Anị sakị mẹ Kenanị ḅẹ apụ ma sọ ama mẹ ḅio emi.

Suku-saakị 35:4

Mie ḅụ ini igoni atamụnọ tẹ ịn nyana aị mamgba na, ḅerisụaye tẹ ịn aḅeri sime aị ma na sin tẹ kẹ Jekọbụ pịrịm tẹ ori arị kẹ ịn kẹ oku nwẹn-sịn opu sịn tẹ Sẹkẹmụ na kpeki wararị ye suku ḅụ ḅọịm.

1 Amadapụ 12:1

Rihobohamụ nwẹnị Sẹkẹmụ mu gbala Izirẹlịapụ mamgba ọ̀ kẹ amadaḅọ mịẹ gotẹ Sẹkẹmụ ḅo tẹ

2 Amadapụ 23:1

Anịtẹso, amadaḅọ ḅe nwẹnị fịrịma Juda na, Jeruselemu ḅẹ omongiapụ mamgba na sịn kobiri ọ̀ ḅụụ pịrị.

Fịrịmẹnjịapụ 10:33

Anị gbọrụ sakị ḅụ mie à kịnị kẹ ị́ fịrịma ye, ị́ pịkị kẹ ye-sịn tẹ ḅo ḅara iḅi lamam. Mịọkụ ị́ nwẹn wa ẹrị ḅara mẹ, wamịnị-mgba Tamụnọ tọrọkọ emi tẹ KỊNỊNYANAḄỌ ḅe ị́ fịrịma tẹ í ḍuko wa toluma ḅẹ ye koruarị.”

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.

Jọsụwa 20:7

Anieḅụ ịn nwẹnị Nafutali tụndụ ọgọnọ ḅẹ opu sịẹ mẹ ḅio, Galili ḅụ Kẹdẹsị na, Iferemu tụndụ ọgọnọ ḅẹ opu sịẹ mẹ ḅio, Sẹkẹmụ na, Juda tụndụ ọgọnọ ḅẹ opu sịẹ mẹ ḅio, Kiriyati-aba (anie Hẹbụrọnị) na, sẹlẹ sikima.

Jọsụwa 23:2

Jọsụwa Izirẹlị mẹmgba, ịna omongiapụ na sịḅịdapụ na, ịna ḅẹrẹkọn-apụ na kọrịnama opu-apụ na sịn kobirim, tẹ nwẹnị ịn ḅẹẹ, “Mịọkụ àrị omongi tẹẹ, tọnwa akụra pịkị ị̀ sịḅị ḅọrọ tẹẹ.

Ḅẹrẹkọn-apụ 20:26

Anịtẹso Izirẹlịapụ mamgba, bebe ọmụ-ogbo mẹ nwẹnị iwo so tẹ Bẹtẹlị ḅo, tẹ tẹmẹ-la ḅara kẹ owu. Ini anịjụ KỊNỊNYANAḄỌ ḅe tọrọkọ lẹgị-simem, tẹ ḅuru-ịmọ nwenii ḅoḅiri-so lam, tẹ KỊNỊNYANAḄỌ ḅe tọrọkọ dọkịma-agba na, dein-pịrị-agba na mịẹm.

1 Samụẹlị 10:19

Kụma mịmgba ọmịnị ọmịna Tamụnọ sịkị tẹẹ, oriḅe tẹ ọmịna si-afụḅara na, ḅụụ-ḅalaḅala mamgba na ḅụ ọ́ ḅọrọma ḅọ ḅe; kụma ọ́ ḅẹẹ tẹ, ‘Ẹn-ẹn, gbọrụ amadaḅọ kẹ wa pịrịị.’ Anịẹrẹsị mịọkụ ọmịnị ọmịna aḅụụ ḍie-pakamaa ọmịna afuro ma na, ọmịna kịnị maa ẹndẹ oyia asi finji-finji ma na ḅụ.”