Jọsụwa 23:3 - FỊAFỊA BAỊBỤLỤ

³ Ọmịna asịḅị gotẹ KỊNỊNYANAḄỌ ọmịna Tamụnọ ḅe kẹ mịna opu asịẹ mamgba mịẹ aị mamgba ọmịnị ẹrị tẹ, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie owu mẹ sọ ọ́ pịrị ye.

Jọsụwa 23:3 Iomraidhean Croise

Paka-so 14:14

KỊNỊNYANAḄỌ ḅe owu mẹ sọ ọ́ pịrị ḅa, anịsakị ọmịnị nyana tẹ mịẹ ḅarịye anie jike-a ḅara kẹ sịẹ-kụrọ.”

Paka-so 19:4

Ọmịnị à kẹ Ijiputi-ḅẹ-apụ ma mịẹ ye na, arị igo apamba ọgọnọ ó dogi tẹ ọmịnị ọkị-ḅo ị̀ ḅụụ pịrị ḅara na ẹrị tẹ.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Malakayị 1:5

Anịtẹso ọmịnị ẹrị tẹ ḅẹẹ ḅa, “KỊNỊNYANAḄỌ ḅe anie opu kụrọ nyana ḅọ, Izirẹlị amakiri mẹ ḅụ sikima ḅụ sọ!”

Ditẹrọnọmị 1:30

KỊNỊNYANAḄỌ ọmịna Tamụnọ ḅe tẹ ọmịna tọrọkọ-tarịarị ḅọ ḅe ḅarana owu mẹ sọ ọ́ pịrị ḅa, ọ̀ wẹrịtẹ Ijiputi ḅụ ọmịna atọrụngbọ mịẹ ọ́ pịrị ḅara pembema ḅara,

Ditẹrọnọmị 20:4

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie oriḅe tẹ ọmịnị na fịya-a apụ na owu sọ ọ́ pịrị ḅẹ ọmịnị na muarị ḅọ, owu-ḅara-iḅi mẹ kẹ ọ́ pịrị ḅẹ ẹrẹsị.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 7:17

Ọmịnị ọmịna ḅioḅẹngbọ ḅụ ḅẹẹm: Mịna opu asịẹ ma ḍụḅa ị̀ nẹngịm, à tọ-ḅara kẹ inetẹ ịn nyana ye ọkị ḅẹ ḅẹḅẹ?

Ditẹrọnọmị 7:24

Ori ịna amadapụ kẹ ọmịna ḅara-ḅio ọ́ pịrị ḅa, tẹ ó so mẹ suku-ḅio ḅụ ịna ẹrẹ guluguluma fama ḅa; gbọrụ tomḅọ sọ inetẹ ọmịna kuḅu sịẹ ḅịa nwenii ọmịnị ịn ḅaa fama ḅa.

Jọsụwa 10:14

Tẹrẹmẹ, anịanịa Anịngẹ-kụraḅio anị ene mẹ pembema ene amụ paka-a, KỊNỊNYANAḄỌ ḅe gbọrụ tomḅọ pọkọ poki tẹ sakị; kẹ gotẹ ọkọ ḅẹẹarị, KỊNỊNYANAḄỌ ḅe owu mẹ sọ Izirẹlị pịrịm.

Jọsụwa 10:42

Gbọrụ sakị ḅụ mie Jọsụwa mịna amadapụ mamgba na, ịna ama na ọkị ye, gbala KỊNỊNYANAḄỌ Izirẹlịapụ tẹkẹarị Tamụnọ ḅe owu mẹ sọ Izirẹlị pịrịm ẹrẹsị.

Jọsụwa 23:10

Ọmịna aḅụụ ḅe gbọrụḅọ kịnị maa ẹndẹ oyia asi finji dee mangịmarị, KỊNỊNYANAḄỌ ọmịna Tamụnọ ḅe mie ò minini ḅara ḅụ owu mẹ sọ ọ́ pịrị ye ḅẹẹ-sakị.