Jọsụwa 23:2 - FỊAFỊA BAỊBỤLỤ

² Jọsụwa Izirẹlị mẹmgba, ịna omongiapụ na sịḅịdapụ na, ịna ḅẹrẹkọn-apụ na kọrịnama opu-apụ na sịn kobirim, tẹ nwẹnị ịn ḅẹẹ, “Mịọkụ àrị omongi tẹẹ, tọnwa akụra pịkị ị̀ sịḅị ḅọrọ tẹẹ.

Jọsụwa 23:2 Iomraidhean Croise

1 Amadapụ 1:1

Mị sakị mẹ Amadaḅọ Devidi ori omongi lama tẹ, tẹ ori afịrịmẹnjịapụ ḅụụ gbaịn bịlangịdị kẹ ọ̀ gbaịn sọ, anị ḅarị ori oju ọfịrịmaa.

1 Amadapụ 8:1

Anịtẹrẹmẹ Amadaḅọ Sọlọmọnị Izirẹlị ḅẹ omongiapụ ma na, ibe-ibe ma kẹ sịḅịdapụ ma na, Izirẹlị ḅẹ apụ ma ḅẹ pụmbụ pụmbụ ma na furo-furo ma kẹ tọrọkọ-tarịapụ mamgba kobiri Jeruselemu ḅụ ọ̀ tọrọkọ ḅom, kẹ mịẹtẹ KỊNỊNYANAḄỌ ḅe Ọḅọkụ-Igbe mẹ ọkị tẹ kẹ Tamụnọ-warị mẹ ḅo-a ḅẹ ḅara Zayọnị, Devidi Opu ama mẹ ḅụ.

1 Paka-aị 23:2

Devidi Izirẹlị ḅẹ tọrọkọ tarị apụ mamgba na, agbamịẹapụ ma na, Livayị furo-ḅẹ-apụ ma na sịn kobirim.

1 Paka-aị 27:27

mgbusu-aḍụọ ma ḍikiḍiki onyo-sẹịnḅọ anie Simeyi, Rama ḅẹ ḅọ ḅe; anịsakị mgbusu-aḍụọ ma ḅụ paka-ḅo iru mẹ kẹ kokoarị kiri suku-ḅio ḅẹ awarị ma ḍikiḍiki onyo-sẹịnḅọ anie Zabidi, Sefamụ ḅẹ ḅọ ḅe.

1 Paka-aị 28:1

Devidi Jeruselemu ḅụ Izirẹlị ḅẹ kọrịnama kiri ḅẹ opu-apụ mamgba na, furo-furo ma ḅẹ kọrịnama kiri ḅẹ opu-apụ ma na, itu-itu ma ḅẹ ọmụ alapụ ma tẹ fịrịmẹnjị amadaḅọ ḅe pịrị apụ ma na, ḅẹrẹtọn kịnị maa ẹndẹ oyia asi finji-finji pịrịarị apụ ma na, ḅẹrẹtọn kịnị sonioa si, sonioa si pịrịarị apụ ma na, amadaḅọ ḅe na ori owiapụ-awọmẹ na nyana aị mamgba ḅẹ ḅio-koruapụ na, ini ḅẹ anana-ḍikiḍikiapụ ma na, kẹ mu amadaḅọ ḅe warị mẹ ḅẹ kọrịnama kiri ḅẹ opu-apụ na, opu atomi ma na, ḅiokpọtẹ ịnyọ nyana wararị ḅeri ḅẹrẹ naa-a apụ ma ḅụụ sụa tẹ sịn kobirim.

Ditẹrọnọmị 31:28

Ọmịnị ọmịna afuro ma ḅẹ omongiapụ mamgba na, ọmịna fịrịmẹnjị-opuapụ na, kobiri ḅo gboloma ị̀ pịrịị, mịẹtẹ arị ịna aḅeri ḅio mịna ẹkwẹn-aḅịḅị ma kọn suu, tẹ So na Kiri na sịn ḅẹrẹ-kiri sime aị sọ ini ẹngbẹsẹ.

Jọsụwa 13:1

Mịọkụ Jọsụwa omongi tẹ, tẹ tọnwa akụra ọ̀ sịḅị ḅọrọ tẹ; tẹ KỊNỊNYANAḄỌ ḅe nwẹnị ọ̀ ḅẹẹ, “Í omongi tẹ, tẹ tọnwa akụra ị́ sịḅị ḅọrọ tẹ, kụma ḅaka lama wararị kiri tẹ ọkị ḅarịye paa kọn wararị.

Jọsụwa 23:3

Ọmịna asịḅị gotẹ KỊNỊNYANAḄỌ ọmịna Tamụnọ ḅe kẹ mịna opu asịẹ mamgba mịẹ aị mamgba ọmịnị ẹrị tẹ, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie owu mẹ sọ ọ́ pịrị ye.

Jọsụwa 24:1

Gbọrụ ene ḅụ, Jọsụwa Izirẹlị ḅẹ afuro mamgba kobiri Sẹkẹmụ mum, tẹ omongiapụ ma na, sịḅịdapụ ma na, ḅẹrẹkọn-apụ ma na, Izirẹlị ḅẹ kọrịnama kọrị opu-apụ ma na sịn kobirim; tẹ ịn Tamụnọ tọrọkọ ịna aḅụụ pakama-ḅom.

1 Samụẹlị 12:2

Anịsakị ḍikii, amadaḅọ ḅe mịọkụ ọmịna tọrọkọ simetẹ mẹnjịarị; yẹrị arị omongitẹ iḅulu ḅịya tẹẹ, anịsakị ḍikii, ì owiapụ-awọmẹ ọmịnị na emi; ị̀ kala-sakị ḅụ arị ọmịna tọrọkọ simetẹ mẹnjị nwenii ḅo mịmgba lam.