Jọsụwa 23:1 - FỊAFỊA BAỊBỤLỤ

¹ KỊNỊNYANAḄỌ ḅe Izirẹlị ikelema-koro wararị ini na fịya-a apụ mamgba ḅụ ịnyọsara kẹ ịn pịrị tẹ nangwọ sakị ḅọrọ tẹ, tẹ tọnwa akụra Jọsụwa sịḅị ḅọrọtẹ ori omongi tẹso,

Jọsụwa 23:1 Iomraidhean Croise

Suku-saakị 25:8

Ebira-amụ omongi tẹ ọ̀ sịḅị ḅọrọ na-iḅi akụra ḅọrọ tẹrẹmẹ ọ̀ tẹ fịịm.

1 Amadapụ 1:1

Mị sakị mẹ Amadaḅọ Devidi ori omongi lama tẹ, tẹ ori afịrịmẹnjịapụ ḅụụ gbaịn bịlangịdị kẹ ọ̀ gbaịn sọ, anị ḅarị ori oju ọfịrịmaa.

1 Paka-aị 23:25

Kẹ gotẹ ọkọ ḅẹẹarị, Devidi ḅẹẹm, “KỊNỊNYANAḄỌ Izirẹlịapụ tẹkẹarị Tamụnọ ḅe dein kẹ ori atomi pịrị tẹẹ; tẹ ò Jeruselemu ḅụ anga gbamaso ḅa.

1 Paka-aị 27:1

Mie Izirẹlịapụ ma aḍapụ ma awarị sịḅịdapụ ma na, ḅẹrẹtọn kịnị maa ẹndẹ oyia asi finji-finji na, kịnị sọnọa si sonioa si na pịrịarị apụ ma na, ịna afịrịmẹnjị-opuapụ inima tẹ fịrịmẹnjị amadaḅọ ḅe pịrị apụ ma ḅẹrẹ mamgba tẹ kpoo-kpo ma gboloma aị tẹ akalụ-akalụ ḅụ ḅo-ḅo tẹ so apụ ma kịẹn-ḅịḅị kụra mẹ ḅụ anie kịnị tẹra puku (24,000).

2 Paka-aị 14:1

Anieḅụ Abija fịịm, tẹ in Devidi opu ama mẹ ḅio ò ḍiḅim. Ori owiḅọtụḅọ Asa nwẹnị ò kiri ọkị tẹ ama-da. Ori ene ma ḅụ ama mẹ oyi akụra kẹ ịnyọsaram.

2 Paka-aị 14:5

Juda ḅẹ opu ama mamgba ḅụ sọ ò gele ayeyọ ma na, kụnụaị dọkịma ebeka ma na saakị siin famam. Sịẹ mẹ nwẹnị ò suku-ḅio ḅụ ịnyọsara.

2 Paka-aị 20:30

Anị ḅara mịẹ Jehosafatị ama-da ḅụọ mẹ gbene-sime ḅara, Tamụnọ ori ikelema-koro ḅụ ịnyọsara kẹ ọ̀ pịrịm ẹrẹsị.

Devidi-Anume 46:9

Bebe tomikiri mẹ kana-koro ḅụ ori ọmụ pẹlẹ-pẹlẹ-pẹlẹarị; Ori iboli ma anyịmarị, ḅẹkẹrẹ ma gulugulumarị, pịkị ekpeke ma kẹ fịnị ḅio dọkịmarị.

Ayịzaya 63:14

Ḍikiḍikiarị opu anama ọkị tụndụ suku ḅẹ fịye-pakama kiri muarị ye ọkụ, mie ḅụ KỊNỊNYANAḄỌ ḅe ịnyọsara kẹ ori atomi pịrịm. Ori ori atomi tọrọkọ tarị tẹ kụn ọkị-ḅo ori ẹrẹ pịrịm.

Ditẹrọnọmị 31:2

tẹ ori ịn ḅẹẹm “Mịmgba ị̀ sịḅị kụra sonioa si (120) ḅọrọ tẹ; à ḅarị inetẹ mẹnjị-paka-na-sọ-na ḅịa. KỊNỊNYANAḄỌ ḅe ị̀ ḅẹẹ tẹ, ‘Ị́ mị Jodanị mẹ saḅa-ḅọrọ ḅịa.’

Jọsụwa 11:23

KỊNỊNYANAḄỌ ḅe wẹrịtẹ ẹkwẹn kẹ Mozizi pịrị ḅara mẹmgba mie Jọsụwa bebe ama mẹ ọkị ḅara; tẹ Jọsụwa anị kẹ sime anga gotẹ kẹ Izirẹlị pịrịm furo-furo ma sime-ḅara ịn wẹrịtẹ ye ḍie ḍie ḅara ḅụ. Tẹ ama mẹ ọmụ ḅụ ịnyọsara nyanam.

Jọsụwa 13:1

Mịọkụ Jọsụwa omongi tẹ, tẹ tọnwa akụra ọ̀ sịḅị ḅọrọ tẹ; tẹ KỊNỊNYANAḄỌ ḅe nwẹnị ọ̀ ḅẹẹ, “Í omongi tẹ, tẹ tọnwa akụra ị́ sịḅị ḅọrọ tẹ, kụma ḅaka lama wararị kiri tẹ ọkị ḅarịye paa kọn wararị.

Jọsụwa 21:44

KỊNỊNYANAḄỌ ḅe ye karị ḅara kẹ minini ịna aḍapụ ma pịrị tẹ ḅara ḅụ, pakịrị-pakịrị ḅụ ori ịnyọsara kẹ ịn pịrịm; inina fịya-a apụ mamgba ḅụ ịn kuḅu sịẹ tẹ gbọrụḅọ-sọ ofori, anị kẹ gotẹ ọkọ mịẹ ye, KỊNỊNYANAḄỌ ḅe inina fịya-a apụ mamgba kẹ ịna aḅara-ḅio ịn pịrị tẹ ẹrẹsị.

Jọsụwa 22:4

Anịsakị KỊNỊNYANAḄỌ ọmịna Tamụnọ ḅe mịọkụ ịnyọsara kẹ ọmịna amịnapụ ma pịrị tẹ, ọ̀ wẹrịtẹ kẹ ịn karịma ḅara; anịẹrẹsị ọ́ pịkị tẹ so anị ama mẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe Jodanị mẹ ḅẹ osi pakịrị anga ḅụ kẹ ọ́ pịrị tẹ ọ́ nyana ye simearị anga mẹ mu.

1 Samụẹlị 12:2

Anịsakị ḍikii, amadaḅọ ḅe mịọkụ ọmịna tọrọkọ simetẹ mẹnjịarị; yẹrị arị omongitẹ iḅulu ḅịya tẹẹ, anịsakị ḍikii, ì owiapụ-awọmẹ ọmịnị na emi; ị̀ kala-sakị ḅụ arị ọmịna tọrọkọ simetẹ mẹnjị nwenii ḅo mịmgba lam.