Jọsụwa 21:1 - FỊAFỊA BAỊBỤLỤ

¹ Anịtẹso Livayị furo mẹ ḅẹ ḍa awarị-warị asịḅịdapụ ma nwẹnị Ẹlịyeza agbamịẹḅọ ḅe na, Jọsụwa Nọnị owiḅọtụḅọ ḅe na, Izirẹlị ḅẹ ḍa awarị-warị asịḅịdapụ ma na ḍọkụma-ḅo.

Jọsụwa 21:1 Iomraidhean Croise

Suku-saakị 49:7

Wori-nume sime ịna ịganị pịrịị, anị ḅalafama ḅakam ẹrẹsị Pịkị ịna owi ịganị sọ, anị guda-guda ḅakam ẹrẹsị, Àrị ịn gala-gala Izirẹlị mẹ ikelema ḅa, Anị ḅẹ atomi ma ogbo-ḅio ḅụ arị ịn wasama ḅa.

Paka-so 6:14

Mịna apụ ma anie ịna aḍapụ ma awarị ma ḅẹ sịḅịdapụ ma; Rubẹnị, Izirẹlị tarị tụḅọ (mgbe) ḅe owiapụ-awọmẹ anie: Hanọkụ na, Palụ na, Hẹzịrọnị na, pịkị Karimu na; mịna apụ ma anie Rubẹnị ḅụụ ḅụ paka-ḅo afuro.

Paka-so 6:25

Erọnị owiḅọtụḅọ Ẹlịyeza nwẹnị Putiyẹlị eremịna-awọmẹ ma ḅẹ gbọrụḅọ ọkị sime, tẹ á nwẹnị Finihasi iyi ọ̀ pịrị. Mịna apụ ma anie Livayị furo-ḅẹ-apụ ma ḅụ ḍa awarị-warị ma ḅẹ sịḅịdapụ.

Kịẹn-aḅịḅị 35:1

Jeriko ḅụ, Jodanị mẹ akaka, Mohabụ ḅẹ ele mẹ ḅio, KỊNỊNYANAḄỌ ḅe nwẹnị Mozizi ḅẹẹ,

Kịẹn-aḅịḅị 35:8

Opu ama ma tẹ Izirẹlịapụ ma nyana ye ḅụ ị́ pịrị ḅarị aị ma, opu afuro ma ḅụ ị́ tọnwa aị ọkị ḅa, kala afuro ḅụ í boowa aị ọkị ḅa, furo-furo ḅụ sime anga mẹ nyana furo mẹ nyana ye la ḅara ḅụ mie ị́ anị ḅẹ opu ama ma kẹ Livayị furo-ḅẹ-apụ ma pịrị ḅarịye.”

Jọsụwa 14:1

Ma ma anie sime anga ma tẹ Izirẹlịapụ ma ọkị anga ma Kenanị ḅẹ ama mẹ ḅụ, aniemẹ tẹ Ẹlịyeza agbamịẹḅọ ḅe na, Jọsụwa Nọnị owiḅọtụḅọ ḅe na, Izirẹlị ḅẹ afuro ma ḅẹ ḍa awarị-warị asịḅịdapụ ma na ḍie ịn pịrị ye mẹ.

Jọsụwa 17:4

Ini Ẹlịyeza, agbamịẹḅọ ḅe na, Jọsụwa Nọnị owiḅọtụḅọ ḅe na, tọrọkọ-tarịapụ ma na tọrọkọ ḅo tẹ ịn ḅẹẹm, “KỊNỊNYANAḄỌ ḅe tọn Mozizi pịrịm mịnẹ ò sime-anga kẹ wamịna amịnapụ ma pịrị ḅara kẹ wa pịrịị.” Anieḅụ KỊNỊNYANAḄỌ ḅe wẹrịtẹ tọn ḅara mẹ ḅụ Jọsụwa nwẹnị sime-anga kẹ ịn pịrịm ịna ḍaḅọ ḅe amịnapụ ma ogbo-ḅio.

Jọsụwa 19:51

Ma ma anie sime anga ma tẹ Ẹlịyeza, agbamịẹḅọ ḅe na, Jọsụwa, Nọnị owiḅọtụḅọ ḅe na Izirẹlịapụ ma afuro ma ḅẹ ḍa awarị-warị ḅẹ asịḅịdapụ ma na Silo ḅụ KỊNỊNYANAḄỌ ḅe tọrọkọ, kobiri Akpụrụ-warị mẹ ḅọkọ mẹ ḅụ apịan sụa ḅara ḅụ ḍiem ḅẹ aị ma. Mị-ḅara mie ịn kẹ kiri mẹ ḍie fama ḅara.