Jọsụwa 20:3 - FỊAFỊA BAỊBỤLỤ

³ mịẹtẹ kịnị-ḅaḅọ tẹ ḅụụ nimi-a ḅara, anịanịa ḅiotọn-a ḅara kẹ kịnị ḅaaḅọ-ḅaaḅọ inetẹ ḍumo-mangị kọn anịjụ mu ḅa; arị ḅụụ ḅọị yọ sọ ọ́ pịrị ḅa ọmbie gbẹẹfị ḅii ḅọ ḅe ḅụ.

Jọsụwa 20:3 Iomraidhean Croise

2 Samụẹlị 14:11

Anịtẹso á nwẹnị ḅẹẹ, “À tẹkẹm, yee amadaḅọ ḅe KỊNỊNYANAḄỌ ị́ Tamụnọ ḅe kụrọ sịn saakị, mịẹ tẹ ọmbie gbẹẹfị ḅii ḅọ ḅe ḅarị jen-maaịn kẹ ḅaa ḅịa, tẹ ì owiḅọtụḅọ ḅe fịị ḅịa ḅara.” Ọ̀ nwẹnị pakịrị, “KỊNỊNYANAḄỌ ḅe ḍumo sime wararị ogbo, í owiḅọtụḅọ ḅe sịḅị-ḅẹ-inume ḅụ gbọrụmgbọ-sọ siin-koro kiri mẹ la ḅịa.”

Lẹvitikọsị 4:2

“Izirẹlịapụ ma ḅẹẹ, ‘Ḅẹḅọ-ḅẹḅọ nwẹnị tọrụ-gelegele mịẹ-a ḅara kẹ ḅẹẹye-ḅẹẹye tẹ KỊNỊNYANAḄỌ ḅe tọnm mịẹ ma nwẹn ḅẹẹ aị ma ḅụ si mịẹ-mịẹ, mịna oloko ma mḅọ nwẹn koko.’ ”

Kịẹn-aḅịḅị 35:12

Opu ama ma gbẹẹfị ḅii ḅọ ḅe ḅụ ḅụụ ḅọị yọ sọ ọ́ pịrị ḅa, mịẹtẹ kịnị-ḅaḅọ ḅe fịị ḅịa nwenii ọ̀ ḅẹrẹkọn kẹ tomina-ogbo mẹ tọrọkọ sịẹsime ḅa.

Kịẹn-aḅịḅị 35:19

Ọmbie gbẹẹfị ḅii ḅọ ḅe ḅioju sọ kịnị-ḅaḅọ mẹ ḅaa ḅa mḅọ mḅọ na donia sakị.

Kịẹn-aḅịḅị 35:22

Kụma ọ̀ nwẹnị mḅọ na fịya wararị tẹ bẹkẹma ogie kẹ mḅọ temi anịanịa ye kẹ kịnị lama ye kẹ mḅọ gbin, tẹ sime koru-a,

Hiburu 6:18

Ọkọẹrẹsị mịna maaịn ma emi, mịnẹ ò minini ye mẹ inetẹ ḍima ḅịa, tẹ ọ̀ pịkị iruo ḅịa. Mie ḅụ, wamịnị ọ̀ ḅụụ sịḅị-kikima-yọ ḍọkị-ẹrị tẹ apụ ma, kpọma ḅiokpọ tẹ iḅiọkụ ọ̀ kẹ wamịna tọrọkọ koroma wararị ḅiokpọmaye mẹ fịnama sịẹmarị.

Jọsụwa 20:2

“Izirẹlịapụ ma ḅẹẹ, ‘Ḅụụ ḅọị opu ama ma tẹ Mozizi ḅụ à ḅọrọtẹ arị gbolomaye ḍuko ọ́ pịrị aị ma sẹlẹẹ;

Jọsụwa 20:4

Ò ḍumo mangị kọn mịna opu ama ma ḅẹ gberie mu ḅa tẹ mẹnjị opu ama mẹ ḅio sọarị ogigo-ḅọkọ mẹ ḅụ sịẹsime tẹ ọ̀ ḅẹrẹ mẹ ḍuko finji kẹ anị opu ama mẹ ḅẹ omongiapụ ma pịrị ḅa; anịtẹrẹmẹ ini ori ọkị opu ama mẹ ḅio suu, tẹ gbọrụ anga kẹ ọ̀ pịrị tẹ ori ini na sime ḅa.