Jọsụwa 2:9 - FỊAFỊA BAỊBỤLỤ

⁹ tẹ ịn ḅẹẹm, “À nimi wararị mịnẹ KỊNỊNYANAḄỌ ḅe ama mẹ kẹ ọ́ pịrị tẹ, anịsakị ọmịna ḅalafa mẹ ḅo wamịna ọgọnọ gbana tẹẹ, tẹ tẹmẹ-naịn-naịn ama mẹ ḅio simearị apụ mamgba sanị ḅaarị.”

Jọsụwa 2:9 Iomraidhean Croise

Suku-saakị 35:5

Ịn mẹnjị ma-muarị ḅara ḅụ, Tamụnọ kẹ fịrịma tẹmẹ-naịn-naịn nwẹnị ḅo opu ama ma tẹ ini ikelema-koro wararị ama ma gbaịn, anie mịẹtẹ ịn Jekọbụ owiapụ-awọmẹ ma ḍuka-a.

2 Samụẹlị 17:10

Anịtẹrẹmẹ ḅioḅẹngbọ ọkụkụ ḅioḅẹngbọ sime-ḅara sime tẹ ḅiokpọ ḅara kẹ kụrọma owu-sọarị owiḅọ ḅe sọ siye ḅụụ la ḅẹ kuroma ḅụ gbọrsịḅị sanị ḅa; kẹ gotẹ ọkọ ḅẹẹarị, Izirẹlị mẹmgba nimi wararị mịnẹ ị́ ḍa anie kụrọ-nyanatẹ opu tomḅọ, anieḅụ inima tẹ ori na simearị apụ ma anie ḅiokpọ ḅara kẹ kụrọma owu-sọarị owiapụ.

2 Amadapụ 5:15

Anịtẹso ori na ori na ḅo apụ ma na nwẹnị pịkịma Ịlayịsa ḍọkụma-ḅo tẹ ọ̀ tọrọkọ sịẹsime; tẹ ọ̀ nwẹnị ḅẹẹ, “Mẹkịnẹ à nimim mịnẹ tomikiri mẹmgba ḅụụ Tamụnọ ofori Izirẹlị ḅụ sakị sikima tẹ; ọkọẹrẹsị mịọkụ ị́ fịrịmẹnjịḅọ ḅara ḅụ gbọrụ ḍiepịrịye daa-ọkị.”

2 Amadapụ 7:6

Gbala KỊNỊNYANAḄỌ ḅe Siriya ḅẹ ọmụ-ogbo mẹ mịẹm tẹ ịn nwẹnị tọnwa ḅẹ kirimẹnjị-ọmụarụ na, tọnwa asụ na, gburo-gburotẹ ọmụ-ogbo na ọwụ naa, anieḅụ ịn nwẹnị jụmọ-jụmọ ḅẹẹ, “Ḍikii, Izirẹlị ḅẹ amadaḅọ mu Hitahiti ḅẹ amadapụ na Ijiputi ḅẹ amadapụ na ọkọ tẹ ḅo wamịnị ponoma ḅẹ ḅo tẹ.”

Nehimaya 6:16

Wamịnị na fịya-a apụ mamgba anị naa tẹso, wamịnị ikelema-koro wararị opu asịẹ mamgba nwẹnị ḅalafa tẹ ịn soku-ḅẹ gele kuroma ḅụ ḅịkị, gbala ịn kụrọma nimim mịnẹ wamịna Tamụnọ ḅarasụa ḅụ mie mị kọrịnama mẹ kẹ kọrị fama ye.

Ẹsịta 8:17

Itu goyegoye na, opu ama goyegoye na ḅụ Amadaḅọ ḅe tọn ye mẹ na, ori oloko mẹ na ḅo la anga, la anga ḅioḅẹlẹ na, ḍereku na Juu-ḅẹ-apụ ma ogbo ḅio pakam, tẹ in kopini afịaị fị-fị tẹ ịnyọsaram, Tẹ opu sịẹ mẹ ḅẹ tọnwa tomi nwẹnị amịna ḅụụ ḍie-pakama ini Juu-ḅẹ-apụ, anị kẹ gotẹ ọkọ mie ye, Juu-ḅẹ-apụ ma ḍiki-ḅalafa mẹ ḅo ịna ọgọnọ gbana tẹ ẹrẹsị.

Jobu 19:25

Kẹ gotẹ ọkọ ḅẹẹarị, à nimi wararị mịnẹ ị̀ Ḅọrọmaḅọ ḍumo wararị; tẹ kunoma ḅụ ò tomikiri mẹ ḅụ sịẹsime ḅa;

Devidi-Anume 112:10

Si-sịḅịḅio-sụa apụ ma miemẹ ẹrị tẹ ịganịarị, in ḍiki-ḅioḅu kẹ bio-bioma ḍiki tẹ so tẹ kịnị ḅarị ini ẹrị-a, ịn kẹ ḅiokpọma sime aị ma fa gbamaso tẹ.

Devidi-Anume 115:16

So mẹ sime Tamụnọ ngẹrị pịrịm, kụma Kiri mẹ ọ̀ kẹ tomḅọ pịrịm.

Paka-so 18:11

Mẹkịnẹ à nimi tẹ mịnẹ KỊNỊNYANAḄỌ ḅe ḍụḅa oru-atamụnọ mamgba nẹngịm, gbala ini opu amịẹaị mịẹ ḅara kẹ tomi ma na mịẹ sakị ori Ijiputi ḅẹ apụ ma ḅara suku-ḅio ḅụ ịn ḍụa-ḅọrọmam ẹrẹsị.”

Paka-so 23:27

“Tomi mamgba tẹ ó ḅo la tẹ da-paka ḅarị apụ ma à tarị ọmịna tọrọkọ ị̀ tẹmẹ-naịn-naịn kẹ ịn fịrịma tẹ ịn kẹ ḅịḅị-kẹ-ogbosọ-a ḅio gbin suu ḅa, anịsakị à mịẹtẹ ọmịnị na fịya-a apụ mangị ḅụ ịna oḅukulo kẹ ọ́ da ḅa.

Nimi Tolumaḅọ 8:12

Si-mịẹḅọ sakị sọnọa asi kẹ si mịẹm, tẹ mḅọ ḍumo nangwọmam ḅẹsọ, à nimi wararị mịnẹ anịsọ Tamụnọ mangịmarị apụ ma ye ini na kpaịn ḅa, gbala ịn Tamụnọ mangịmarị ẹrẹsị;

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Ayịzaya 23:5

Ijiputi-ḅẹ-apụ kịngẹ sọ ḅụụ-gbiripu tẹ ḅalafaa ḅụ ḅụụ lọkọ ḅa ịn Taya ama kan guluguluma tẹ ye mẹ nimi sakị.

Jerimaya 27:5

“Ì opu kụrọ na ịnyọ na ḅụ, à tomikiri mẹ tẹmẹm, tomi na nama amẹẹ na tẹ tomikiri angarị aị mamgba na sọ; tẹ yẹrị sẹlẹ pakama-ḅo ḅọ goyegoye mie à kẹ pịrịarị.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

Kịẹn-aḅịḅị 20:14

Mozizi nwẹnị Kadẹsị ḅụ oku-mẹnjịapụ kẹ Idọmụ ḅẹ amadaḅọ fịrịma, Mie í iyimbere Izirẹlị ḅẹẹ ḅara. Ḅụụ-fụka tẹ wa la aị mamgba í nimi famam;

Kịẹn-aḅịḅị 20:24

Erọnị fịị ḅa, kẹ gotẹ ọkọ ḅẹẹarị, ori ama mẹ tẹ à kẹ Izirẹlị ḅẹ apụ ma pịrị tẹ ama mẹ ḅio sọ-mu ḅịa, gbala Mẹrịba ḅẹ aminji ma ḅụ ọ́ sịḅị kụrọma à tọn ye pịrịm ẹrẹsị.

Matiyo 20:15

À kụrọ nyana-a, ì igbigi kẹ ì ḅiotọn ḅara mịẹ? Anịanịa, à ḅara sarasara tẹ iḅi mịẹarị ye mẹ ị́ ḅụụ-ḅẹsọarị ḅoto?’ ”

Ditẹrọnọmị 11:25

Inetẹ ọmịna kuḅu daasịẹ ḅẹ gbọrụ owiḅọ sọ ofori KỊNỊNYANAḄỌ ọmịna Tamụnọ ḅe ó ḍiki-ḅalafa mẹ na, ọmịna aḅụụ opu ḅalafa nyana mẹ na kẹ ọ́ mẹnjị-ḅọrọ ḅarị ama mamgba ọgọnọ gbana ḅa ọ̀ wẹrịtẹ kẹ ọ́ karịma ḅara.

Ditẹrọnọmị 2:25

Mịmgba mẹ ḅụ à saakị tomi ma tẹ bebe so mẹ suku-ḅio simearị apụ ma ọgọnọ opu ḅara kẹ ó ḍiki-ḅalafa na, siye tẹ ḅo ịn la ḅẹ ye ḅẹ kuroma na kẹ suu ḅa inima tẹ ó gbolomaye naa ḅarị apụ ḅụ, anịsakị ini ó gotẹ ḅalafa ḅụ sẹkịma tẹ opu akụ ḅụ sime ḅa.

Ditẹrọnọmị 28:10

Anịsakị tomikiri ḅụ simearị tomi-kụlọkụlọ mamgba ẹrị ḅa mịnẹ KỊNỊNYANAḄỌ ḅe ẹrẹ mẹ ḅụ ini ọ́ sịnm, tẹ ó ḍiki-ḅalafaa ḅa.

Ditẹrọnọmị 32:8

Geletẹịn Ḅọ ḅe ịna sime-anga kẹ opu asịẹ ma pịrị sakị ò tomina owiapụ-awọmẹ ma ḅelema sakị, Tamụnọ owiapụ-awọmẹ ma kịẹn-ḅịḅị ḅụ ò tomi-kụlọkụlọ ma oke ma mie koromam.

Hiburu 11:31

Minini ḅụ mie Rehabụ, ama-mẹnjị-ẹrẹḅọ ma, ḅọrọ tẹ ḅọrọma tẹ ịn ḅarị árị na Tamụnọ ḅịḅị poki-a apụ ma na kẹ sụa ḅaa-a ye, kẹ gotẹ ọkọ ḍukoarị, Izirẹlị kẹ fịrịma tẹ ama mẹ ẹnyẹ ḅẹ mu apụ ma árị iḅi ḅara kẹ ịn daa-ọkịm.

Jọsụwa 2:11

Wa anị naa gbọrụ sakị wa ḅarị ḅioḅẹngbọ nyana-a tẹ ó gotẹ ḅiokpọ kalịye gbọrụḅọ ḅụụ so kọn-a; anị kẹ gotẹ ọkọ mịẹarị, KỊNỊNYANAḄỌ ọmịna Tamụnọ ḅe anie ori, oriḅe tẹ So-ḅio ḅẹ ọgọnọ-jụ ḅụ na, suku-ḅio tomikiri ḅụ simearị Tamụnọ.

Jọsụwa 2:24

Tẹ ịn nwẹnị Jọsụwa ḅẹẹ, “Karakaraye ḍuko, ḅara ḅụ, KỊNỊNYANAḄỌ ḅe ama mamgba kẹ wamịna aḅara-ḅio ḅụ wa pịrị tẹ; anịsakị anie sikima, ama mẹ ḅio simearị apụ mamgba wa gotẹ naịn-ḅọrọarị.”

Jọsụwa 2:8

Tẹrẹmẹ furu ḅara kẹ ama ḍiki apụ ma mono, arị isun mẹ ọgọnọ kpọlị iwo in dama ḅom,

Jọsụwa 5:1

Amọrayịtị apụ ma amadapụ mamgba tẹ Jodanị ịrụa-ideriarị-anga ḅụ sime-sime apụ ma na, Kenanị ḅẹ apụ ma amadapụ mamgba tẹ opu tọrụ mẹ akaka sime sime apụ ma naam mịnẹ KỊNỊNYANAḄỌ ḅe Jodanị mẹ ḅẹ aminji ma samụnọma Izirẹlị ḅe atomi ma pịrị nwenii ịn saḅa-korom ḅẹ ye ḅụ ịna ḅioḅẹngbọ sanịm ịn ḅarị ḅioḅẹngbọ nyana-a, tẹ tẹmẹ gbọrụmgbọ-sọ ḅarị ịna aḅụụ ofori, Izirẹlị ḅe atomi ma gotẹ.

Jọsụwa 6:2

KỊNỊNYANAḄỌ ḅe nwẹnị Jọsụwa ḅẹẹ, “Ḍikii, à Jeriko na, anịḅẹ amadaḅọ na, kụrọ nyanatẹ ḅiokpọ ḅara kẹ owu-sọ ḅara-ḅaatẹ owiapụ ma na kẹ ị́ ḅara-ḅio suu ị́ pịrị tẹ.

Jọsụwa 9:10

na ọ̀ kẹ Jodanị mẹ ọgọnọ-jụ Amọrayịtị apụ ma ḅẹ maa amadapụ Siyọnị, Ẹsịbọnị ḅẹ amadaḅọ na, Ogu, Basani ḅẹ amadaḅọ tẹ Asịtarọtị ḅụ anga sime ḅọ ḅe na mịẹ aị mamgba na.

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Jọsụwa 9:9

Ịn nwẹnị ọ̀ ḅẹẹ, “Ala-lamatẹ opu sịẹ ḅụ wa sime tẹ ḅom KỊNỊNYANAḄỌ ọmịna Tamụnọ ḅe ẹrẹ mẹ gotẹ; kẹ gotẹ ọkọ ḅẹẹarị, wa ọ̀ mịẹarị aị gbolomaye na, Ijiputi ḅụ ọ̀ mịẹ aị mamgba na naa tẹ,

Ḅẹrẹkọn-apụ 7:14

Ò pembe ḅọ ḅe nwẹnị ọ̀ pakịrị, “Miemẹ anie Izirẹlị ḅẹ gbọrụ owiḅọ, Gidiyọnị, Johasị owiḅọtụḅọ ḅe sikima jen gberie-sọ gberie-a; ọ̀ ḅara-ḅio mie Tamụnọ Midiyanị na, ọmụ-ogbo mẹmgba na kẹ suu tẹ ye.”